പിണറായിയുടെ അഹങ്കാരത്തിൽ പേടിച്ച് അണികൾ

കേരളം ഇപ്പോൾ ഒരു വലിയ തിരഞ്ഞെടുപ്പ് ചൂടിലാണ്. പക്ഷേ, ചൂട് തിരഞ്ഞെടുപ്പിന് മാത്രമല്ല, നമ്മുടെ മുഖ്യമന്ത്രി പിണറായി വിജയനും നല്ല ചൂടിലാണ്! സാധാരണ നമ്മൾ കണ്ടിട്ടുള്ളത് നേതാക്കൾ പ്രസംഗിക്കുമ്പോൾ അണികൾ ആവേശം മൂത്ത് ആർപ്പുവിളിക്കുന്നതാണ്. നേതാക്കൾ അത് ആസ്വദിക്കാറുമുണ്ട്. എന്നാൽ ഇവിടെ കഥ തിരിച്ചാണ്. കയ്യടിച്ചാൽ കലിപ്പ്, ആർപ്പുവിളിച്ചാൽ ശാസന, ചോദ്യം ചോദിച്ചാൽ ‘വീട്ടിൽ പോയി ചോദിക്കാൻ’ ഉപദേശം! വണ്ടിപ്പെരിയാറിലും കോന്നിയിലും ഒക്കെ നടന്ന ഈ ‘പിണറായി ക്ലാസ് റൂം’ വിശേഷങ്ങളിലേക്കാണ് നമ്മൾ ഇന്ന് നോക്കുന്നത്.”ആദ്യം നമുക്ക് വണ്ടിപ്പെരിയാർ മിനി സ്റ്റേഡിയത്തിലേക്ക് പോകാം. മുഖ്യമന്ത്രി വേദിയിൽ കത്തിക്കയറുകയാണ്. ഭവനരഹിതർക്ക് വീട് നൽകി, ഭൂപ്രശ്നം പരിഹരിച്ചു, കേരളം അതിദാരിദ്ര്യ മുക്തമായി… ഇങ്ങനെ ലോകം അത്ഭുതത്തോടെ കേൾക്കുന്ന കാര്യങ്ങൾ അദ്ദേഹം ഓരോന്നായി നിരത്തുന്നു. സ്വാഭാവികമായും സഖാക്കൾക്ക് ആവേശം വരും. അവർ ആവേശത്തോടെ ഒന്ന് ആർപ്പുവിളിച്ചു. സാധാരണ ഏതൊരു നേതാവാണെങ്കിലും ആ കയ്യടിയിൽ ഒന്ന് സന്തോഷിക്കും. പക്ഷേ, നമ്മുടെ പിണറായി വിജയൻ അങ്ങനെയല്ല!”
“ആവേശം കൂടിയ അണികളോട് അദ്ദേഹം പറഞ്ഞത് എന്താണെന്നോ? ‘കൂടുതൽ ഒച്ചവെച്ചാൽ പ്രസംഗം നിർത്തും!’ എന്ന്. അതായത്, സർക്കാരിന്റെ വികസന നേട്ടങ്ങൾ കേട്ട് ആർപ്പുവിളിക്കാനും സഖാക്കൾക്ക് അനുവാദമില്ല. മുഖ്യമന്ത്രി പ്രസംഗിക്കുമ്പോൾ സദസ്സിലുള്ളവർ വെറും പ്രതിമകളെപ്പോലെ ഇരിക്കണം. ശ്വാസം വിടാൻ പോലും പേടിയാണെന്ന അവസ്ഥ! പാവം സഖാക്കൾ, കയ്യടിക്കാൻ തുടങ്ങിയ കൈകൾ പാതിവഴിയിൽ താഴ്ത്തി നിശബ്ദരായി. പിണറായിക്ക് കയ്യടി ഇഷ്ടമല്ലെന്ന് വൈകിയാണെങ്കിലും അവർക്ക് മനസ്സിലായി. ഇനിയിപ്പോൾ മുഖ്യമന്ത്രി പ്രസംഗിക്കുമ്പോൾ ‘മൗനവ്രതം’ പാലിക്കുന്നതാണ് ഏറ്റവും വലിയ വിപ്ലവം എന്ന് അവർ പഠിച്ചുകാണും.”
ഇനി ഇതിലും വലിയൊരു തമാശ നടന്നത് കോന്നിയിലാണ്. വികസനത്തെക്കുറിച്ച് മുഖ്യമന്ത്രി വാചാലനാകുന്നു. അപ്പോഴാണ് സദസ്സിൽ നിന്ന് ഒരാൾക്ക് ഒരു സംശയം. ‘സിഎമ്മേ, ഒരു ചോദ്യം’ എന്ന് അയാൾ വിനീതനായി ചോദിച്ചു. സാധാരണ ജനാധിപത്യത്തിൽ ജനങ്ങളോട് വോട്ട് ചോദിക്കാൻ വരുമ്പോൾ അവർക്ക് ചോദ്യങ്ങൾ ചോദിക്കാൻ അവകാശമുണ്ടല്ലോ? പക്ഷേ, പിണറായി വിജയന്റെ മറുപടി കേട്ടാൽ ആരും അമ്പരന്നുപോകും. ‘അത് വീട്ടിൽ പോയി ചോദിച്ചാൽ മതി’ എന്നായിരുന്നു അദ്ദേഹത്തിന്റെ ഡയലോഗ്!”
“നോക്കൂ, പൊതുവേദികളിൽ ചോദ്യങ്ങൾ പാടില്ല. ചോദ്യം ചോദിക്കണമെങ്കിൽ വീട്ടിൽ പോകണം. ഇനിയിപ്പോൾ മുഖ്യമന്ത്രിയുടെ ഓഫീസിൽ ‘ക്വസ്റ്റ്യൻ ഹോം ഡെലിവറി’ സിസ്റ്റം വല്ലതും ഉണ്ടോ ആവോ? ഒരു വശത്ത് നവകേരള സദസ്സ് നടത്തി ജനങ്ങളുമായി സംവദിക്കുന്നു എന്ന് പറയുന്നവർ തന്നെ, ഒരു ചോദ്യം ചോദിച്ചാൽ ഇങ്ങനെ ക്ഷുഭിതരാകുന്നത് എവിടുത്തെ ന്യായമാണ്? വീട്ടിൽ പോയി ആരോടാണ് ചോദിക്കേണ്ടത്? ഭാര്യയോടോ മക്കളോടോ അതോ അയൽക്കാരോടോ? ഇതിനെയാണ് നമ്മൾ ‘ഇരട്ടച്ചങ്കൻ ശൈലി’ എന്ന് വിളിക്കുന്നത്!”
സംഭവം വിവാദമായപ്പോൾ മുഖ്യമന്ത്രി പറയുന്നത് അതിലും രസകരമാണ്. അദ്ദേഹം തന്റെ നിലപാടിൽ ഉറച്ചുനിൽക്കുന്നു. ചോദ്യം ചോദിച്ചയാളോട് വീട്ടിൽ പോയി ചോദിക്കാൻ പറഞ്ഞതിൽ ഒരു തെറ്റുമില്ലത്രേ! ഓരോ കാര്യത്തിലും പാലിക്കേണ്ട ചില മര്യാദകളുണ്ടെന്ന് അദ്ദേഹം നമ്മളെ ഓർമ്മിപ്പിക്കുന്നു. പൊതുയോഗം എന്ന് പറഞ്ഞാൽ പത്രസമ്മേളനമല്ലല്ലോ എന്നാണ് അദ്ദേഹത്തിന്റെ വാദം. അതായത്, പത്രസമ്മേളനത്തിൽ പത്രക്കാർ ചോദ്യങ്ങൾ ചോദിക്കുമ്പോൾ അദ്ദേഹം മൈക്ക് ഊരിപ്പോകും, പൊതുയോഗത്തിൽ ജനങ്ങൾ ചോദിച്ചാൽ വീട്ടിൽ പോകാൻ പറയും!”
“ശരിക്കും ആലോചിച്ചു നോക്കൂ, വോട്ടുചെയ്യാൻ നിൽക്കുന്ന ജനങ്ങളോട് ‘ഇഷ്ടമുള്ളവർ കേട്ടാൽ മതി, അല്ലാത്തവർക്ക് പോകാം’ എന്ന് പറയാൻ എത്രത്തോളം ധൈര്യം വേണം? ഇത് ജനാധിപത്യമാണോ അതോ ഒരു ഹെഡ്മാസ്റ്റർ കുട്ടികളെ അച്ചടക്കം പഠിപ്പിക്കുന്ന സ്കൂളാണോ എന്ന് സംശയിച്ചുപോകും. വോട്ടുചോദിക്കാൻ വരുമ്പോൾ ജനങ്ങൾ രാജാക്കന്മാരാണെന്ന് പറയാറില്ലേ? പക്ഷേ ഇവിടെ മുഖ്യമന്ത്രിയാണ് രാജാവ്, ബാക്കിയുള്ളവർ വെറും പ്രജകൾ!”
ഈ രണ്ട് സംഭവങ്ങളും കൂട്ടിവായിക്കുമ്പോൾ നമുക്ക് ഒരു കാര്യം വ്യക്തമാകും. വിമർശനങ്ങളോ, ചോദ്യങ്ങളോ, എന്തിന് അമിതമായ ആവേശ പ്രകടനങ്ങളോ മുഖ്യമന്ത്രിക്ക് പഥ്യമല്ല. എല്ലാം ഒരു ചിട്ടയിൽ നടക്കണം. അദ്ദേഹം പറയുന്നത് എല്ലാവരും കേട്ടിരിക്കണം. എതിർത്ത് ഒരു അക്ഷരം മിണ്ടരുത്. പ്രസംഗത്തിനിടെ ആരെങ്കിലും എഴുന്നേറ്റാൽ കലിപ്പ്, മൈക്ക് അനങ്ങിയാൽ കലിപ്പ്, ഇപ്പോൾ ആർപ്പുവിളിച്ചാലും കലിപ്പ്!”
“തിരഞ്ഞെടുപ്പ് കാലത്ത് വോട്ട് തേടിയിറങ്ങുന്ന ഒരു നേതാവ് കാണിക്കേണ്ട വിട്ടുവീഴ്ചയൊന്നും അദ്ദേഹത്തിന്റെ നിഘണ്ടുവിലില്ല. ഇത് അദ്ദേഹത്തിന്റെ സ്വഭാവമാണോ അതോ രാഷ്ട്രീയ തന്ത്രമാണോ? എന്തായാലും സഖാക്കൾ ഇപ്പോൾ ഒരു ആശയക്കുഴപ്പത്തിലാണ്. നേതാവ് പറയുന്ന വികസന കാര്യങ്ങൾ കേട്ട് സന്തോഷിക്കണോ അതോ മിണ്ടാതിരിക്കണോ? ആർപ്പുവിളിച്ചാൽ പ്രസംഗം നിർത്തും, ചോദ്യം ചോദിച്ചാൽ വീട്ടിൽ പോകാൻ പറയും. ഇങ്ങനെയൊക്കെയാണെങ്കിൽ പിന്നെ എന്തിനാണ് ഈ പൊതുസമ്മേളനങ്ങൾ?”
പ്രിയപ്പെട്ട അണികളേ, നിങ്ങളുടെ അവസ്ഥ ശരിക്കും കഷ്ടമാണ്. വികസനം കേട്ട് സന്തോഷിക്കാനും പാടില്ല, സംശയം ചോദിക്കാനും പാടില്ല. അപ്പോൾ പിന്നെ എന്തിനാണ് ഈ വെയിലത്ത് പോയി ഇരിക്കുന്നത്? മുഖ്യമന്ത്രിയുടെ പ്രസംഗം ഒരു ‘റെക്കോർഡഡ് ടേപ്പ്’ പോലെ കേട്ടിട്ട് വായ മൂടി വീട്ടിൽ പോകാനാണോ നിങ്ങളുടെ വിധി?
മര്യാദയെക്കുറിച്ച് മുഖ്യമന്ത്രി ഒരുപാട് സംസാരിക്കുന്നുണ്ട്. പക്ഷേ വോട്ട് ചോദിക്കുന്ന ജനങ്ങളോടും ആവേശം കാണിക്കുന്ന അണികളോടും കാണിക്കേണ്ട കുറഞ്ഞ പക്ഷം മര്യാദ എവിടെ പോയി? വികസനം കത്തിക്കയറുമ്പോൾ അണികൾക്ക് കിട്ടുന്നത് മുഖ്യമന്ത്രിയുടെ കോപമാണ്. ഇത് വികസനമാണോ അതോ വെറും പ്രഹസനമാണോ എന്ന് വോട്ടർമാർ ചിന്തിക്കേണ്ട സമയമായിരിക്കുന്നു.നമ്മൾ നേരത്തെ പറഞ്ഞ ആ ‘കലിപ്പ്’ സീനുകളിലെ ഏറ്റവും വലിയ തമാശ എന്താണെന്ന് അറിയാമോ? മുഖ്യമന്ത്രി ഇത്രയും ആവേശത്തോടെയും ഗൗരവത്തിലും വിളിച്ചു പറയുന്ന ഈ വികസനമൊക്കെ എവിടെയാണ് നടക്കുന്നത് എന്നതാണ്! നാട്ടിൽ നോക്കിയാൽ കാണാനില്ലാത്ത, സാധാരണക്കാരന് അനുഭവിക്കാൻ കഴിയാത്ത കുറേ കാര്യങ്ങൾ അദ്ദേഹം വേദിയിൽ നിന്ന് തട്ടിവിടുകയാണ്. എന്നിട്ടോ? ഈ ‘ഇല്ലാത്ത വികസനം’ കേട്ടിട്ട് പാവം അണികൾ ആവേശം മൂത്ത് കയ്യടിച്ചാൽ അദ്ദേഹം ഉടനെ കലിപ്പിലാകും!