ശിവൻ കുട്ടിക്ക് നേമത്തെജനങ്ങൾ കൊടുത്തത് കണ്ടോ

കേരള രാഷ്ട്രീയത്തിലെ ഏറ്റവും വലിയ ‘അത്ഭുതങ്ങളിലൊന്നിനെ’ കുറിച്ചാണ് ഇന്ന് നമ്മൾ സംസാരിക്കുന്നത്. മറ്റാരെയും കുറിച്ചല്ല, നമ്മുടെ സ്വന്തം വിദ്യാഭ്യാസ മന്ത്രി വി. ശിവൻകുട്ടിയെ കുറിച്ച് തന്നെ! കഴിഞ്ഞ ദിവസം നേമത്ത് അദ്ദേഹം നടത്തിയ ചില പ്രസ്താവനകൾ കേട്ടപ്പോൾ ഏത് മലയാളിക്കാണ് രോമാഞ്ചം വരാത്തത്? ‘ഞാൻ ആരെയും വഞ്ചിച്ചിട്ടില്ല, എനിക്ക് വലിയ വിജയസാധ്യതയുണ്ട്’ എന്നൊക്കെയാണ് പുള്ളി തട്ടിവിടുന്നത്. കേൾക്കുമ്പോൾ തോന്നും നേമത്തുകാർ ഇത്രയും കാലം കാത്തിരുന്നത് ഈ ഒരു മഹാവിസ്മയത്തിന് വേണ്ടിയാണെന്ന്!”സത്യത്തിൽ ശിവൻകുട്ടി സാറിനെ സമ്മതിക്കണം. ഒരു സംസ്ഥാനത്തിന്റെ വിദ്യാഭ്യാസ മന്ത്രിയാകാൻ വലിയ അറിവോ, അക്ഷരസ്ഫുടതയോ ഒന്നും വേണ്ടെന്ന് തെളിയിച്ച വിപ്ലവകാരിയാണ് അദ്ദേഹം. നിയമസഭയിലെ മേശപ്പുറത്ത് കയറിനിന്ന് അഭ്യാസപ്രകടനം നടത്തിയ ആ പഴയ ‘വിപ്ലവ വീര്യം’ ഇപ്പോഴും അദ്ദേഹത്തിന്റെ സംസാരത്തിലുണ്ട്. നാലക്ഷരം കൂട്ടി വായിക്കാൻ കഷ്ടപ്പെടുന്ന ഒരു മന്ത്രി നമ്മുടെ കുട്ടികൾക്ക് മാതൃകയാകുന്നത് കാണുമ്പോൾ ശരിക്കും കണ്ണ് നിറഞ്ഞുപോകും. അക്ഷരത്തെറ്റുകൾ വരുത്തുന്നതിലും വാക്കുകൾ വിഴുങ്ങുന്നതിലും അദ്ദേഹം കാണിക്കുന്ന ആ ഒരു ‘കഴിവ്’ ഉണ്ടല്ലോ, അത് ലോകത്ത് മറ്റൊരു വിദ്യാഭ്യാസ മന്ത്രിക്കുമില്ല. അദ്ദേഹം മന്ത്രിയായ ശേഷം നമ്മുടെ വിദ്യാഭ്യാസ രംഗം എത്രത്തോളം ‘ഉയരത്തിൽ’ എത്തിയെന്ന് ചോദിച്ചാൽ, സ്കൂൾ പൂട്ടുന്നതിലും കുട്ടികൾ തോൽക്കുന്നതിലും പുതിയ റെക്കോർഡുകൾ ഇടുകയാണ് നമ്മൾ!
ഇപ്പോൾ ഇതാ അദ്ദേഹം നേമത്ത് വീണ്ടും വിജയക്കൊടി പാറിക്കാൻ ഇറങ്ങിയിരിക്കുകയാണ്. എതിരാളികളെ കളിയാക്കാൻ അദ്ദേഹം ഉപയോഗിക്കുന്ന വാക്കുകൾ നോക്കൂ—അദാനി വരും, ഒത്തുതീർപ്പാണ് എന്നൊക്കെ! പക്ഷേ സ്വന്തം മണ്ഡലത്തിൽ ജനങ്ങൾ എന്ത് പറയുന്നു എന്ന് അദ്ദേഹം കേൾക്കുന്നില്ല. 40 വർഷത്തെ പൊതുപ്രവർത്തന പാരമ്പര്യം ഉണ്ടെന്നാണ് അവകാശവാദം. ശരിയാണ്, 40 വർഷമായി ജനങ്ങൾ അദ്ദേഹത്തെ കാണുന്നുണ്ട്, പക്ഷേ ഈ 40 വർഷത്തിനിടയിൽ നേമത്ത് എന്ത് വിപ്ലവകരമായ മാറ്റമാണ് അദ്ദേഹം കൊണ്ടുവന്നത്? വികസനം എന്നാൽ നിയമസഭയിലെ ഡെസ്ക് അടിച്ചുതകർക്കലാണെന്ന് അദ്ദേഹം ഇപ്പോഴും വിശ്വസിക്കുന്നുണ്ടോ ആവോ?”
എന്നെ എപ്പോൾ വേണമെങ്കിലും വന്ന് കാണാം” എന്ന് അദ്ദേഹം പറയുന്നുണ്ട്. ശരിയാണ്, കാണാൻ ചെന്നാൽ നല്ല തമാശകൾ കേൾക്കാം. പക്ഷേ മണ്ഡലത്തിലെ റോഡുകളെക്കുറിച്ചോ, സ്കൂളുകളുടെ അവസ്ഥയെക്കുറിച്ചോ ചോദിച്ചാൽ അദ്ദേഹത്തിന് കിളി പോയ അവസ്ഥയാകും. 40 വർഷത്തെ പൊതുപ്രവർത്തന പാരമ്പര്യം ഉണ്ടെന്ന് അവകാശപ്പെടുമ്പോൾ, ആ പാരമ്പര്യം കൊണ്ട് ജനങ്ങൾക്ക് എന്ത് ഗുണമുണ്ടായി എന്ന് മാത്രം അദ്ദേഹം പറയുന്നില്ല. താൻ ആരെയും വഞ്ചിച്ചിട്ടില്ല എന്നാണ് അദ്ദേഹം പറയുന്നത്. ഒരുപക്ഷേ, സ്വന്തം സ്വത്ത് വിവരങ്ങൾ മറച്ചുവെച്ചിട്ടില്ലായിരിക്കാം, പക്ഷേ കേരളത്തിലെ വിദ്യാഭ്യാസ നിലവാരത്തെ വഞ്ചിച്ചില്ലേ എന്ന ചോദ്യത്തിന് അദ്ദേഹം മറുപടി പറയേണ്ടി വരും.
നേമത്ത് ഇത്തവണ എൽ.ഡി.എഫ് തരംഗം ഉണ്ടാകുമെന്നാണ് ശിവൻകുട്ടി സാറിന്റെ പ്രവചനം. ഈ തരംഗം ജനങ്ങളുടെ ഭാഗത്ത് നിന്നാണോ അതോ പുള്ളിയുടെ പ്രസംഗം കേട്ട് ജനം ചിരിക്കുന്നതിന്റെ ചിരി തരംഗമാണോ എന്ന് വോട്ടെണ്ണിക്കഴിയുമ്പോൾ അറിയാം
കോൺഗ്രസിന്റെ വോട്ട് വിഹിതം കുറയുമെന്ന് പ്രവചിക്കുന്നതിന് മുൻപ്, സ്വന്തം നിലവാരം എവിടെ നിൽക്കുന്നു എന്ന് അദ്ദേഹം ഒന്ന് പരിശോധിക്കുന്നത് നന്നായിരിക്കും. അക്ഷരമറിയാത്തവർ അക്ഷരമുറ്റത്തിന്റെ ഭരണം കയ്യാളുമ്പോൾ അത് നാടിന് എത്രത്തോളം ഗുണകരമാകുമെന്ന് നേമത്തെ ജനങ്ങൾക്കറിയാം. ഏതായാലും ഈ നിയമസഭാ തിരഞ്ഞെടുപ്പ് ഒരു വശത്ത് രാഷ്ട്രീയ പോരാട്ടമാണെങ്കിൽ മറുവശത്ത് അത് ശിവൻകുട്ടി എന്ന ‘അക്ഷര വിപ്ലവകാരിയുടെ’ പ്രകടനം കാണാനുള്ള ഒരു വേദി കൂടിയായിരിക്കും. കാത്തിരുന്നു കാണാം, ഈ ‘വിജയപ്രതീക്ഷ’ ഒരു വമ്പൻ കോമഡി ഷോയായി മാറുന്നത്!
നമ്മുടെ മന്ത്രി വിജയപ്രതീക്ഷയെക്കുറിച്ചും ‘ശാസ്ത്രീയമായ ഒത്തുതീർപ്പുകളെക്കുറിച്ചും’ വാചാലനാകുമ്പോൾ, കേരളത്തിലെ യഥാർത്ഥ ചിത്രം മറ്റൊന്നാണ്. ഇന്ന് കേരളത്തിലെ ലക്ഷക്കണക്കിന് യുവാക്കൾ എന്തിനാണ് നാടുവിടുന്നത് എന്ന് അദ്ദേഹം ചിന്തിച്ചിട്ടുണ്ടോ? ഉന്നത വിദ്യാഭ്യാസത്തിന് നിലവാരമില്ലാത്തതുകൊണ്ടും, പഠിച്ചിറങ്ങിയാൽ ഇവിടെ ഒരു പണി കിട്ടില്ലെന്ന് ഉറപ്പുള്ളതുകൊണ്ടുമാണ് നമ്മുടെ കുട്ടികൾ വിദേശ രാജ്യങ്ങളിലേക്കും അയൽ സംസ്ഥാനങ്ങളിലേക്കും കൂട്ടത്തോടെ പലായനം ചെയ്യുന്നത്.
വിദ്യാഭ്യാസ മന്ത്രി എന്ന നിലയിൽ ഈ ‘കൊഴിഞ്ഞുപോക്ക്’ തടയാൻ അദ്ദേഹം എന്ത് ചെയ്തു? പുതിയ തൊഴിലവസരങ്ങൾ സൃഷ്ടിക്കാനോ, മാറുന്ന ലോകത്തിനനുസരിച്ച് സിലബസ് പരിഷ്കരിക്കാനോ അദ്ദേഹത്തിന് കഴിഞ്ഞോ? ഇല്ല! പകരം നമുക്ക് കിട്ടിയത് നിയമസഭയിലെ ഗുസ്തിയും, പൊതുവേദികളിലെ അക്ഷരത്തെറ്റുകളുമാണ്. ‘വിദ്യാഭ്യാസ വിപ്ലവം’ എന്ന് വാതോരാതെ പറയുമ്പോഴും, കേരളത്തിലെ ക്യാമ്പസുകൾ ഇന്ന് തൊഴിൽരഹിതരുടെ കേന്ദ്രങ്ങളായി മാറുകയാണ്.
സ്വന്തം നാട്ടിൽ പ്രതീക്ഷയില്ലാത്തതുകൊണ്ട് കടം വാങ്ങി വിമാനം കയറുന്ന യുവാക്കളോട്, ‘ഞാൻ ആരെയും വഞ്ചിച്ചിട്ടില്ല’ എന്ന് പറയാൻ അദ്ദേഹത്തിന് എങ്ങനെ കഴിയുന്നു? വിദ്യാഭ്യാസ വകുപ്പിന്റെ തലപ്പത്ത് ഇരിക്കുന്ന ഒരാൾക്ക് മിനിമം വിഷൻ പോലുമില്ലെങ്കിൽ, വരുംതലമുറയുടെ ഭാവി ഇങ്ങനെയൊക്കെ തന്നെയാകും. നേമത്തെ വിജയത്തെക്കുറിച്ച് സ്വപ്നം കാണുന്നതിന് മുൻപ്, പാതിവഴിയിൽ പഠനം നിർത്തിയും നാടുവിട്ടും പോകുന്ന ഈ യുവാക്കളുടെ ചോദ്യങ്ങൾക്ക് മറുപടി പറയാൻ മന്ത്രിക്ക് ബാധ്യതയുണ്ട്.”
പുറമെ അദാനിയെയും ഒത്തുതീർപ്പിനെയും പറ്റി വലിയ വർത്തമാനം പറയുമെങ്കിലും, രാജീവ് ചന്ദ്രശേഖർ എന്ന പേര് കേൾക്കുമ്പോൾ സാറിന്റെ നെഞ്ചിടിപ്പ് കൂടുന്നുണ്ടെന്ന് ആ മുഖഭാവം കണ്ടാൽ അറിയാം.
മുൻപ് ആരെങ്കിലും വന്ന് നേമത്ത് ജയിച്ചു പോയി എന്നൊക്കെ പറഞ്ഞു ആശ്വസിക്കാം. പക്ഷേ ഇത്തവണ കളി മാറി! ടെക്നോളജിയും വികസനവും ഒക്കെ വിരൽത്തുമ്പിൽ കൊണ്ടുനടക്കുന്ന ഒരാൾ എതിരാളിയായി വരുമ്പോൾ, വെറും അക്ഷരത്തെറ്റുകൾ കൊണ്ട് പ്രതിരോധിക്കാൻ പറ്റില്ലല്ലോ. ഈ ‘അദാനി’ പ്രയോഗമൊക്കെ ആ പേടി മറച്ചുപിടിക്കാനുള്ള വെറും നമ്പറുകൾ മാത്രമാണ്.
താൻ വഞ്ചിച്ചിട്ടില്ല എന്ന് ആവർത്തിച്ചു പറയുന്നത് തന്നെ ജനങ്ങൾ തന്നെ കൈവിടുമോ എന്ന പേടിയുള്ളതുകൊണ്ടാണ്. രാജീവ് ചന്ദ്രശേഖറിന്റെ വികസന രാഷ്ട്രീയത്തിന് മുന്നിൽ തന്റെ ‘തമാശ രാഷ്ട്രീയം’ വിലപ്പോവില്ലെന്ന് ബോധ്യമുള്ളതുകൊണ്ടാണ് ഈ ആത്മവിശ്വാസം ഇത്രയധികം അഭിനയിച്ചു കാണിക്കുന്നത്. ശരിക്കും പറഞ്ഞാൽ, ഉള്ളിൽ തീ പിടിക്കുമ്പോഴും പുറത്ത് ചിരിച്ചു കാണിക്കുന്ന ആ ഒരു ‘സ്പിരിറ്റ്’ ഉണ്ടല്ലോ, അത് സമ്മതിച്ചു കൊടുക്കണം!”വിദ്യാഭ്യാസ മന്ത്രി എന്ന നിലയിൽ അദ്ദേഹം നടത്തിയ ഏറ്റവും വലിയ ‘വികസനം’ എന്താണെന്ന് അറിയാമോ? പിൻവാതിൽ നിയമനങ്ങൾ! കഷ്ടപ്പെട്ട് പഠിച്ച് പി.എസ്.സി റാങ്ക് ലിസ്റ്റിൽ കയറി കാത്തിരിക്കുന്ന പാവം ഉദ്യോഗാർത്ഥികൾ തെരുവിലിരുന്ന് കരയുമ്പോൾ, സ്വന്തം പാർട്ടിക്കാരെയും വേണ്ടപ്പെട്ടവരെയും തിരുകിക്കയറ്റാൻ കാണിച്ച ആ ഒരു ‘മനസ്സ്’ ഉണ്ടല്ലോ, അത് എടുത്തു പറയേണ്ടതാണ്. ‘ഞാൻ ആരെയും വഞ്ചിച്ചിട്ടില്ല’ എന്ന് അദ്ദേഹം ആവർത്തിക്കുമ്പോൾ, ആ റാങ്ക് ഹോൾഡേഴ്സിന്റെ മുഖത്തേക്ക് നോക്കി ഇത് പറയാൻ അദ്ദേഹത്തിന് ധൈര്യമുണ്ടോ? അവരുടെ സ്വപ്നങ്ങളെ വഞ്ചിച്ചതിന് നേമത്തെ വോട്ടർമാർ മറുപടി നൽകില്ലെന്ന് അദ്ദേഹത്തിന് എങ്ങനെ ഉറപ്പിക്കാം?”
രാജീവ് ചന്ദ്രശേഖർ എന്ന പേര് കേൾക്കുമ്പോൾ തന്നെ ശിവൻകുട്ടി സാറിന് ചെറിയൊരു അസ്വസ്ഥതയുണ്ട്. കാരണം ഒരാൾ ലോകം അംഗീകരിച്ച ടെക്നോക്രാറ്റാണ്, മറ്റൊരാൾ നിയമസഭയിലെ ഡെസ്ക് തകർക്കുന്നതിൽ ‘പിഎച്ച്ഡി’ എടുത്ത ആളും! “
ശിവൻകുട്ടി സാറേ, ജനങ്ങൾക്ക് നിങ്ങളെ എപ്പോൾ വേണമെങ്കിലും കാണാം എന്നത് ശരിയാണ്. പക്ഷേ കണ്ടിട്ട് എന്ത് കാര്യം? ഒരു കാര്യത്തിന് മറുപടി പറയാൻ പോലും മറ്റൊരാളുടെ സഹായം വേണ്ട അവസ്ഥയിലാണല്ലോ താങ്കൾ. അക്ഷരമുറ്റത്തെ ഭരണം കയ്യാളുന്ന താങ്കൾക്ക് നമ്മുടെ കുട്ടികളുടെ ഭാവിയിൽ എന്ത് താല്പര്യമാണുള്ളത്? വിദ്യാഭ്യാസ മേഖലയെ ഈ പരുവത്തിലാക്കിയിട്ട്, ഇനി നേമത്തെ കൂടി ‘നന്നാക്കാൻ’ വരരുത് എന്ന് പറയാനുള്ള ആർജ്ജവം അവിടുത്തെ വോട്ടർമാർ കാണിക്കുമോ എന്ന് നമുക്ക് നോക്കാം