തൃശ്ശൂരിൽ ബിജെപിയുടെ വമ്പൻ മുന്നേറ്റം

കേരളത്തിന്റെ സാംസ്കാരിക തലസ്ഥാനമായ തൃശ്ശൂർ ഇന്ന് മറ്റൊരു വലിയ രാഷ്ട്രീയ മാറ്റത്തിന്റെ മുനമ്പിലാണ്. ഈ വീഡിയോയിലൂടെ നമ്മൾ ചർച്ച ചെയ്യുന്നത് തൃശ്ശൂരിലെ ഉപതെരഞ്ഞെടുപ്പ് വിശേഷങ്ങൾ മാത്രമല്ല, മറിച്ച് നമ്മൾ വിശ്വസിക്കുന്ന പല ‘പ്രമുഖ’ മാധ്യമങ്ങളും എങ്ങനെയാണ് യാഥാർത്ഥ്യങ്ങളെ മൂടിവെക്കാൻ ശ്രമിക്കുന്നത് എന്നതിനെക്കുറിച്ചാണ്. തൃശ്ശൂരിൽ ശരിക്കും എന്താണ് സംഭവിക്കുന്നത്? പത്മജ വേണുഗോപാൽ ബിജെപി ടിക്കറ്റിൽ മത്സരിക്കുമ്പോൾ അവിടെുണ്ടാകുന്ന രാഷ്ട്രീയ ചലനങ്ങൾ എന്തൊക്കെയാണ്? ഈ സത്യങ്ങൾ മറച്ചുവെച്ച് ചില മാധ്യമങ്ങൾ നടത്തുന്ന ‘ഇഞ്ചോടിഞ്ച്’ നാടകത്തിന്റെ അണിയറക്കഥകളാണ് നമ്മൾ ഇന്ന് പരിശോധിക്കുന്നത്. കേരളത്തിലെ ജനങ്ങൾ ഇന്ന് രാഷ്ട്രീയമായി ഏറെ പ്രബുദ്ധരാണ്. ബിജെപി എന്താണെന്നും ‘മോദി ഗ്യാരണ്ടി’ എന്നാൽ എന്താണെന്നും അവർ ഇന്ന് കൃത്യമായി തിരിച്ചറിഞ്ഞു കഴിഞ്ഞു. ആ തിരിച്ചറിവാണ് തൃശ്ശൂരിലെ പോരാട്ടത്തെ ഇത്രമേൽ ആവേശകരമാക്കുന്നത്.സുഹൃത്തുക്കളെ, നമ്മൾ 2024-ലെ ലോക്സഭാ തെരഞ്ഞെടുപ്പ് കാലത്തെ പ്രവചനങ്ങൾ ഒന്ന് ഓർത്തു നോക്കണം. അന്ന് ഇതേ പ്രമുഖ മാധ്യമങ്ങൾ തൃശ്ശൂരിനെക്കുറിച്ച് വിളിച്ചുപറഞ്ഞത് എന്തായിരുന്നു? സുരേഷ് ഗോപി മൂന്നാം സ്ഥാനത്തേക്ക് തള്ളപ്പെടുമെന്നും യുഡിഎഫ് വൻ ഭൂരിപക്ഷത്തിൽ ജയിക്കുമെന്നും അവർ ആവർത്തിച്ച് പ്രഖ്യാപിച്ചു. എന്നാൽ ഫലം വന്നപ്പോൾ ഈ മാധ്യമങ്ങളെല്ലാം ഒരുപോലെ നാണംകെട്ടു. ത്യശ്ശുരിലെ ജനങ്ങൾ സുരേഷ് ഗോപിയെ നെഞ്ചേറ്റി, ബിജെപിക്ക് കേരളത്തിൽ നിന്ന് ആദ്യത്തെ ലോക്സഭാ സീറ്റ് നൽകി. ഈ വമ്പൻ പരാജയത്തിൽ നിന്ന് പാഠം പഠിക്കാൻ ഇവർ ഇന്നും തയ്യാറായിട്ടില്ല എന്നതാണ് അതിശയിപ്പിക്കുന്ന കാര്യം. ഇപ്പോൾ പത്മജ വേണുഗോപാലിന്റെ കാര്യത്തിലും ഇവർ ഇതേ അന്ധതയാണ് പ്രകടിപ്പിക്കുന്നത്.
തൃശ്ശൂർ നഗരത്തിലൂടെ പ്രധാനമന്ത്രി നരേന്ദ്ര മോദി നടത്തിയ ആ റോഡ് ഷോ കണ്ട ഏതൊരാൾക്കും മനസ്സിലാകും അവിടെ ഒരു മാറ്റത്തിന്റെ വൻ തരംഗം വീശുന്നുണ്ടെന്ന്. പതിനായിരക്കണക്കിന് ആളുകളാണ് സ്വമേധയാ ഒഴുകിയെത്തിയത്. എന്നിട്ടും ചില മാധ്യമങ്ങൾ പറയുന്നത് പത്മജയും യുഡിഎഫിന്റെ രാജൻ പല്ലനും തമ്മിൽ കടുത്ത മത്സരമാണെന്നാണ്. എൽഡിഎഫ് സ്ഥാനാർത്ഥി ആലങ്കോട് ലീലാകൃഷ്ണൻ മൂന്നാം സ്ഥാനത്തേക്ക് പോകുമെന്ന് പറയാൻ കാണിക്കുന്ന ധൈര്യം എന്തുകൊണ്ട് ബിജെപി ജയിക്കുമെന്ന് പറയാൻ ഇവർ കാണിക്കുന്നില്ല? 2024-ൽ സുരേഷ് ഗോപിക്ക് ഈ നിയമസഭാ മണ്ഡലത്തിൽ മാത്രം ലഭിച്ച പതിനയ്യായിരത്തിലേറെ വോട്ടുകളുടെ ലീഡ് നിലനിൽക്കുന്ന മണ്ഡലമാണിതെന്ന് ഇവർ സൗകര്യപൂർവ്വം മറക്കുന്നു. ആ വോട്ടുകൾ എങ്ങും പോയിട്ടില്ലെന്ന് മാത്രമല്ല, പത്മജയുടെ വരവോടെ അത് വർദ്ധിക്കാനാണ് സാധ്യത.
പത്മജ വേണുഗോപാൽ ഇന്ന് ബിജെപി സ്ഥാനാർത്ഥിയായി നിൽക്കുമ്പോൾ അതിന് പിന്നിൽ വലിയൊരു രാഷ്ട്രീയ ചരിത്രമുണ്ട്. കോൺഗ്രസിന്റെ കരുത്തായിരുന്ന കെ. കരുണാകരന്റെ മകളെ സ്വന്തം പാർട്ടിയിലെ നേതാക്കൾ തന്നെ നിരന്തരം അപമാനിക്കുകയും പിന്നിൽ നിന്ന് കുത്തി തോൽപ്പിക്കുകയും ചെയ്തതിന്റെ ഫലമായാണ് അവർ ഇന്ന് ഈ തീരുമാനമെടുത്തത്. കഴിഞ്ഞ രണ്ട് തവണ കോൺഗ്രസിന് വേണ്ടി മത്സരിച്ചപ്പോഴും ടി.എൻ. പ്രതാപനടക്കമുള്ള നേതാക്കൾ പത്മജയെ തോൽപ്പിക്കാൻ ആസൂത്രിതമായി നീക്കം നടത്തിയെന്ന് അവർ തന്നെ വെളിപ്പെടുത്തിയിട്ടുണ്ട്. കരുണാകരനെ ഇന്നും സ്നേഹിക്കുന്ന, അദ്ദേഹത്തോട് കോൺഗ്രസ് കാട്ടിയ അനീതിയിൽ മനംമടുത്ത ഒരു വലിയ വിഭാഗം വോട്ടർമാർ തൃശ്ശൂരിലുണ്ട്. അവർക്ക് പത്മജയോടുള്ളത് ഒരു വൈകാരിക ബന്ധമാണ്. ആ വോട്ടുകൾ ഇത്തവണ പെട്ടിയിലാകുന്നത് താമര ചിഹ്നത്തിലായിരിക്കും. ഈ വസ്തുതയെ മാധ്യമങ്ങൾ ഇല്ലാതക്കുന്നു.
യുഡിഎഫ് സ്ഥാനാർത്ഥി രാജൻ പല്ലൻ മുൻ മേയർ എന്ന നിലയിൽ പ്രാദേശികമായി സ്വാധീനമുള്ള വ്യക്തിയായിരിക്കാം. പക്ഷേ, പത്മജയ്ക്ക് തൃശ്ശൂരിലുള്ള . ജനസ്വാധീനമോ അദ്ദേഹത്തിനില്ല എന്നതാണ് യാഥാർത്ഥ്യം. ഇടതുപക്ഷമാകട്ടെ, ഒരു കവിയെ ഇറക്കി സാംസ്കാരിക മുഖം കാട്ടാൻ ശ്രമിക്കുന്നുണ്ടെങ്കിലും രാഷ്ട്രീയമായി അവർ മൂന്നാം സ്ഥാനത്തേക്ക് കിതച്ചു നീങ്ങുകയാണ്. തൃശ്ശൂരിന്റെ വികസനവും മോദി സർക്കാരിന്റെ ഭരണനേട്ടങ്ങളും സുരേഷ് ഗോപിയുടെ വിജയവും ചേരുമ്പോൾ അവിടെ പത്മജയ്ക്ക് ലഭിക്കുന്ന പിന്തുണ വളരെ വലുതാണ്. ഈ സത്യം വിളിച്ചുപറഞ്ഞാൽ തങ്ങളുടെ രാഷ്ട്രീയ യജമാനന്മാർക്ക് ദേഷ്യം വരുമെന്ന പേടിയാണ് ചില മാധ്യമങ്ങളെ നയിക്കുന്നത്.
യഥാർത്ഥത്തിൽ വാർത്തകൾ റിപ്പോർട്ട് ചെയ്യുകയല്ല, മറിച്ച് വാർത്തകൾ നിർമ്മിക്കുകയാണ് ഇവർ ചെയ്യുന്നത്. ജനങ്ങൾ എന്ത് ചിന്തിക്കണം എന്ന് തീരുമാനിക്കാൻ തങ്ങൾക്കാണ് അവകാശമെന്ന ഇവരുടെ അഹങ്കാരത്തിനുള്ള തിരിച്ചടിയാണ് 2024-ൽ കണ്ടത്. ബിജെപി എന്താണെന്ന് ഇന്ന് കേരളം മനസ്സിലാക്കിക്കഴിഞ്ഞു. കേന്ദ്രസർക്കാരിന്റെ ജനക്ഷേമ പദ്ധതികളും അഴിമതിയില്ലാത്ത ഭരണവും ജനങ്ങൾക്കിടയിൽ വലിയ മാറ്റമുണ്ടാക്കി. ഇപ്പോൾ വീണ്ടും ‘ഇഞ്ചോടിഞ്ച്’ എന്ന പ്രയോഗത്തിലൂടെ ബിജെപിയുടെ വിജയസാധ്യതകളെ മങ്ങലേൽപ്പിക്കാൻ നോക്കുന്നത് വോട്ടർമാരെ വിഡ്ഢികളാക്കാനാണ്. എന്നാൽ തൃശ്ശൂരിലെ വോട്ടർമാർക്ക് കൃത്യമായ ലക്ഷ്യമുണ്ട്. അവർക്ക് മാറ്റം വേണം, അവർക്ക് വികസനം വേണം. സുരേഷ് ഗോപിക്ക് ശേഷം പത്മജയിലൂടെ തൃശ്ശൂർ വീണ്ടും എൻഡിഎയെ സ്വീകരിക്കും. അപ്പോഴും ഈ മാധ്യമങ്ങൾ തങ്ങളുടെ പഴയ പ്രവചനങ്ങളുമായി ചാനൽ മുറികളിലിരുന്ന് തല പുകയ്ക്കും. ജനങ്ങളുടെ നാഡിമിടിപ്പ് അറിയാൻ ജനങ്ങൾക്കിടയിലേക്ക് ഇറങ്ങണം, അല്ലാതെ രാഷ്ട്രീയ യജമാനന്മാർക്ക് വേണ്ടി സ്തുതി പാടുകയല്ല വേണ്ടത്. തൃശ്ശൂർ ഇത്തവണയും ചരിത്രം തിരുത്തിക്കുറിക്കും, ആ ചരിത്രത്തിൽ പത്മജ വേണുഗോപാലിന്റെ വിജയം ഉറപ്പാണ്.പുറത്തുവിടുന്ന റിപ്പോർട്ടുകൾ കാണുമ്പോൾ സത്യത്തിൽ നമുക്ക് ചിരിയാണ് വരുന്നത്. ഇതിനെ വാർത്തകൾ എന്ന് വിളിക്കണോ അതോ ഏതെങ്കിലും രാഷ്ട്രീയ മുന്നണിക്ക് വേണ്ടിയുള്ള PR വർക്ക് എന്ന് വിളിക്കണോ എന്നതാണ് ഇന്നത്തെ പ്രധാന ചോദ്യം. 2024-ലെ ലോക്സഭാ തെരഞ്ഞെടുപ്പിൽ ഇവർക്ക് പറ്റിയ ആ ഹിമാലയൻ അബദ്ധം നമ്മൾ ആരും മറന്നിട്ടില്ല. അന്ന് സുരേഷ് ഗോപി തോറ്റുപോകുമെന്നും മൂന്നാം സ്ഥാനത്തേക്ക് പിന്തള്ളപ്പെടുമെന്നും വലിയ വായിൽ പ്രവചിച്ച ഇതേ മാധ്യമങ്ങൾ, ജനവിധി വന്നപ്പോൾ അവർ നാണം കേട്ടതാണ് എന്നിട്ടും പഠിച്ച പാഠം മറന്ന്, അതേ പി.ആർ തന്ത്രങ്ങളുമായി വീണ്ടും ജനങ്ങളെ വിഡ്ഢികളാക്കാൻ ഇറങ്ങിത്തിരിച്ചിരിക്കുകയാണ് ഇവർ.സത്യത്തിൽ തൃശൂരിലെ ജനങ്ങൾ ഇതൊക്കെ കണ്ടിട്ട് ചിരി അടക്കി പിടിക്കുകയായിരിക്കും വീണ്ടും ഒരേ അബദ്ധം ആവർത്തിക്കുന്ന ഇവരുടെ ഒരു അവസ്ഥ നോക്കണേ2024 ലോക്സഭാ തെരഞ്ഞെടുപ്പിൽ തൃശ്ശൂർ നിയമസഭാ മണ്ഡലത്തിൽ മാത്രം ബിജെപിക്ക് ലഭിച്ച വോട്ട് വിഹിതം ഏകദേശം 44% ആണ്. ഇത് കോൺഗ്രസിനേക്കാളും സിപിഐയേക്കാളും വളരെ കൂടുതലാണ്. ഈ കണക്കുകൾ കൈവശം വെച്ചുകൊണ്ടാണ് മാധ്യമങ്ങൾ ‘ഇഞ്ചോടിഞ്ച്’ എന്ന കള്ളക്കഥ മെനയുത് പത്മജ വേണുഗോപാൽ ഒരു വനിതാ സ്ഥാനാർത്ഥി എന്ന നിലയിലും, കരുണാകരന്റെ മകൾ എന്ന നിലയിലും കുടുംബങ്ങൾക്കിടയിൽ വലിയ സ്വാധീനം ചെലുത്തുന്നുണ്ട്. സുരേഷ് ഗോപിക്ക് ലഭിച്ച സ്ത്രീപിന്തുണ പത്മജയ്ക്കും ലഭിക്കുമെന്നത് മാധ്യമങ്ങൾ മനഃപൂർവ്വം ചർച്ച ചെയ്യുന്നില്ല.