കേൾവിയെ എങ്ങനെ സംരക്ഷിക്കാമെന്നു പറഞ്ഞു തരട്ടെ ?

കേൾവിയെ എങ്ങനെ സംരക്ഷിക്കാമെന്നു പറഞ്ഞു തരട്ടെ ?
ദിവസവും ഒരുമണിക്കൂറിൽ കൂടുതൽ നേരം ഇയർഫോൺ ഉപയോഗിക്കുന്നവരാണെങ്കിൽ ആ ശീലമാണ് ആദ്യം ഒഴിവാക്കേണ്ടത്.ഇനി തുടർച്ചയായുള്ള ഉപയോ​ഗമാണെങ്കിൽ 60/60 നിയമം പാലിക്കണം.അതെന്താണെന്നു അല്ലെ ? പറഞ്ഞു തരാം. അതായത് 60 ശതമാനം മാത്രം ശബ്ദത്തിൽ 60 മിനിറ്റ് നേരം മാത്രം ഉപകരണം ഉപയോ​ഗിക്കുക.കൂടാതെ ചെവിക്ക് വിശ്രമം നൽകി ഇയർഫോൺ ഉപയോ​ഗിക്കാൻ ശ്രദ്ധിക്കുക. ചിലർ അടുത്തിരിക്കുന്നവർക്ക് പോലും കേൾക്കാൻ പാകത്തിൽ ഉച്ചത്തിൽ എയർഫോണിൽ പാട്ടു വെക്കുന്നത് കണ്ടിട്ടില്ലേ? അങ്ങനെ ചെയ്യാതിരിക്കുക. പിന്നെ ശ്രദ്ധിക്കേണ്ടത് 85 ഡെസിബലിൽ കൂടുതൽ ശബ്ദത്തിൽ പാട്ട് കേൾക്കാതിരിക്കുക. ​ഗുണനിലവാരമില്ലാത്ത ഇയർഫോണുകൾ ഉപയോ​ഗിക്കാതിരിക്കുക. ചെവിക്കുള്ളിലേക്ക് കൂടുതലിറങ്ങി നിൽക്കുന്ന തരത്തിലുള്ള ഇയർഫോണുകൾ ഒഴിവാക്കുക. മറ്റൊരാളുടെ ഇയർഫോൺ ഉപയോ​ഗിക്കുന്ന ശീലം അരുത്. ഒരുദിവസം കൂടുതൽ സമയം ഇയർഫോൺ ഉപയോ​ഗിക്കേണ്ടി വരുമ്പോൾ അടുത്ത ദിവസങ്ങളിൽ കഴിവതും ഉപയോ​ഗിക്കാതിരിക്കാൻ ശ്രമിക്കുക. കൃത്യമായി കേൾവി പരിശോധനകൾ നടത്തുക എന്നതൊക്കെയാണ് കേൾവിയെ സംരക്ഷിക്കാനായി ചെയ്യേണ്ടത്.