ദില്ലി: വിവിധ സംസ്ഥാനങ്ങളിൽ കെ കൊവിഡ്കേസുകളിൽ വർധനവ് കണക്കിലെടുത്ത് സ്ഥിതി സൂക്ഷ്മമായി നിരീക്ഷിക്കുകയാണെന്ന് കേന്ദ്രസർക്കാർ വൃത്തങ്ങൾ. മുൻകരുതൽ നടപടികൾ വിവിധ സംസ്ഥാനങ്ങളിലായി ശക്തമാക്കിയിട്ടുണ്ട്. രാജ്യത്താകെയുള്ള രോഗ വ്യാപനം സംബന്ധിച്ച പുതിയ കണക്ക് ആരോഗ്യ മന്ത്രാലയം ഇന്ന് പുറത്തുവിട്ടേക്കും. കേരളം ഉൾപ്പെടെ മഹാരാഷ്ട്ര, കർണാടക, ഹരിയാന, പഞ്ചാബ്, അരുണാചൽ പ്രദേശ് എന്നീ സംസ്ഥാനങ്ങളിൽ പുതിയ കേസുകൾ റിപ്പോർട്ട് ചെയ്തു. കേരളത്തിൽ ഇതുവരെ റിപ്പോർട്ട് ചെയ്തിട്ടുള്ളത് 519 ആക്ടീവ് കൊവിഡ് കേസുകളും, 3 മരണവും മെന്നാണ് ആരോഗ്യ മന്ത്രി ഇന്നലെ അറിയിച്ചത്. മഹാരാഷ്ട്രയിൽ 86 പുതിയ കേസുകൾ കൂടി റിപ്പോർട്ട് ചെയ്തതോടെ ആകെ ആക്ടീവ് കേസുകൾ 383 ആയി.ഇതുവരെ 6 കൊവിഡ് മരണങ്ങളും മഹാരാഷ്ട്രയിൽ റിപ്പോർട്ട് ചെയ്തിട്ടുണ്ട്. ചണ്ഡീഗഡിൽ കൊവിഡ് ബാധിച്ച് നാൽപത് വയസുള്ള യുപി സ്വദേശി മരിച്ചു. കർണാടകത്തിൽ 26 പുതിയ കേസുകൾ കൂടി റിപ്പോർട്ട് ചെയ്തതോടെ ആകെ ആക്ടീവ് കേസുകൾ 126 ആയി. ഹരിയാനയിൽ 12 ആക്ടീവ് കേസുകളാണ് നിലവിലുള്ളത്. അരുണാചൽ പ്രദേശിലും ഈ വർഷത്തെ ആദ്യ കേസ് റിപ്പോർട്ട് ചെയ്തു.
കൊവിഡ്: കേരളം ഉൾപ്പെടെ 5 സംസ്ഥാനങ്ങളിൽ പുതിയ കേസുകൾ; സ്ഥിതി നിരീക്ഷിച്ച് കേന്ദ്ര സർക്കാർ
