നടൻ അലൻസിയറിന്റെ പുതിയ ചിത്രങ്ങൾ സമൂഹമാധ്യമങ്ങളിൽ ചർച്ച ചെയ്യപ്പെട്ടു തുടങ്ങിയിട്ട് കുറച്ചു ദിവസങ്ങളായി. അലൻസിയർ പൊലീസ് വേഷത്തിൽ നിൽക്കുന്ന ഒരു ഫോട്ടോ ആണ് പ്രചരിക്കുന്നതും അതിലെ താരത്തിന്റെ മെലിഞ്ഞ രൂപമാണ് പ്രേക്ഷകർ ചർച്ചയാക്കുന്നതും. അലൻസിയറിന് മാരകമായ എന്തോ അസുഖമാണെന്നും അതുകൊണ്ടാണ് മെലിഞ്ഞതെന്നുമൊക്കെയുള്ള പല നിഗമനങ്ങളും ആളുകൾ സമൂഹമാധ്യമങ്ങളിൽ പങ്കു വയ്ക്കുന്നുമുണ്ട്. എന്നാൽ അതല്ല വാസ്തവം.അദ്ദേഹം ഒരു സിനിമയുടെ കഥാപാത്രത്തിനായാണ് മെലിഞ്ഞത്.
അതേസമയം ഷെബി ചൗഘട്ട് സംവിധാനം ചെയ്യുന്ന ‘വേറെ ഒരു കേസ്’ എന്ന സിനിമയിൽ നിന്നുള്ള ചിത്രമാണ് പ്രചരിക്കുന്നത്.അലൻസിയർ പൂർണ ആരോഗ്യവാനാണെന്നും ചില ആളുകളുടെ ഭാവനയിൽ മെനഞ്ഞ രോഗങ്ങളും ആരോപണങ്ങളും അദ്ദേഹത്തിന്റെ ചുമലിൽ വയ്ക്കരുതെന്നും ഷെബി ചൗഘട്ട് ഒരു അഭിമുഖത്തിൽ പ്രതികരിച്ചു.പൊലീസ് യൂണിഫോമിന്റെ അളവെടുക്കാൻ പോയ കോസ്റ്റ്യൂമർ അലൻസിയർ ഒരുപാട് മെലിഞ്ഞു എന്ന് പറഞ്ഞിരുന്നെങ്കിലും നേരിട്ട് കണ്ടപ്പോൾ ഞാൻ ഞെട്ടിപ്പോയി എന്നും അദ്ദേഹം പറയുന്നു. . ഷുഗർ സംബന്ധമായ അസുഖമോ മറ്റോ ആണോ എന്ന് ഞാൻ അദ്ദേഹത്തോട് ചോദിച്ചു. ഒരു ചിരിയോടെ ഷെബിയുടെ പടത്തിന് വേണ്ടി ഡയറ്റിങ്ങിൽ ആയിരുന്നു എന്നദ്ദേഹം മറുപടി നൽകി.
