തിരുവനന്തപുരം നഗരസഭയിൽ എൻഡിഎ അധികാരം പിടിക്കുമെന്ന് ബിജെപി ദേശീയ സമിതിയംഗം കുമ്മനം രാജശേഖരൻ.തലസ്ഥാനനഗരിയിലെ വോട്ടർമാർ എൻഡിഎയോടൊപ്പം നിൽക്കുമെന്നും ഈ തെരഞ്ഞെടുപ്പ് കേരള രാഷ്ട്രീയത്തിൽ വഴിത്തിരിവാകുമെന്നും അദ്ദേഹം പറഞ്ഞു.ഫോർട്ട് സ്കൂളിൽ വോട്ട് രേഖപ്പെടുത്തിയ ശേഷം മാദ്ധ്യമങ്ങളോട് പ്രതികരിക്കുകയായിരുന്നു അദ്ദേഹം. അഴിമതിയിലും സ്വർണക്കടത്ത് ഉൾപ്പെടെയുള്ള വിവാദങ്ങളിലും മുങ്ങിയ എൽഡിഎഫിനോടും യുഡിഎഫിനോടുമുള്ള ജനങ്ങളുടെ വിശ്വാസം നഷ്ടപ്പെട്ടു.45 വർഷമായി തലസ്ഥാനനഗരത്തെ തകർച്ചയിലേക്ക് നയിച്ച ഇവരുടെ ഒത്തുകളി രാഷ്ട്രീയം ജനങ്ങൾ തിരിച്ചറിഞ്ഞു.മാറാത്തത് ഇനി മാറും എന്ന വിശ്വാസത്തോടെ തിരുവനന്തപുരത്തെ ജനങ്ങൾ എൻഡിഎയ്ക്കൊപ്പം നിൽക്കുമെന്നും കുമ്മനം രാജശേഖരൻ പറഞ്ഞു.
തിരുവനന്തപുരത്ത് NDA അധികാരം പിടിക്കും, മാറാത്തത് ഇനി മാറും “: കുമ്മനം രാജശേഖരൻ
