മുൻ വൈരാഗ്യത്തെ തുടർന്ന് യുവാവ് വീട്ടുമുറ്റത്ത് നിർത്തിയിട്ടിരുന്ന കാറിനു തീയിട്ടു.ചെങ്ങന്നൂർ ആണ് സംഭവം. മുളക്കുഴ പൂപ്പങ്കര സ്വദേശി സരിൻ എന്ന അനൂപ് ആണ് സംഭവത്തിൽ പോലീസ് പിടിയിലായിരിക്കുന്നത്.കഴിഞ്ഞ ദിവസം രാത്രി 12.30ന് ആണ് സംഭവം നടന്നത്.ചെങ്ങന്നൂർ റെയിൽവേ സ്റ്റേഷന് പിന്നിൽ കോതാലിൽ പുല്ലാട്ട് മിഥുൻ മോഹന്റെ കാറാണ് തീയിട്ടത്. സംഭവത്തിന്റെ സിസിടിവി ദൃശ്യം പുറത്തുവന്നിരുന്നു.
കാറിന്റെ പെട്രോൾ ടാങ്ക് പൊട്ടിത്തെറിച്ച് കിടപ്പുമുറിയിലേക്കും തീ പടർന്നു. മുറിയിലെ കട്ടിൽ, മെത്ത, സീലിങ് എന്നിവ കത്തിനശിച്ചു. അഗ്നിരക്ഷാസേനയെത്തി തീയണച്ചു.
മുൻ വൈരാഗ്യം; കാറിനു തീയിട്ട യുവാവ് പോലീസ് പിടിയിൽ
