സൂര്യയെ നായകനാക്കി കാര്‍ത്തിക് സുബ്ബരാജ് സംവിധാനം നിര്‍വഹിക്കുന്ന പുതിയ ചിത്രമാണ് റെട്രോ. ചിത്രത്തിന്റെ പുതിയ ഗാനമാണ് ഇപ്പോൾ അണിയറപ്രവർതകർ പുറത്തുവിട്ടിരിക്കുന്നത്. ഓരോ അപ്‌ഡേറ്റിലും തരംഗം സൃഷ്ടിക്കുന്ന സൂര്യ ചിത്രമായ റെട്രോയുടെ പുതിയ ഗാനം ദി വണ്‍ ആണ് പുറത്തുവിട്ടത്.
മെയ് ഒന്നിനാണ് ചിത്രത്തിന്റെ റിലീസ്. പൂജ ഹെഗ്‍ഡെ നായികയാവുന്ന ചിത്രത്തില്‍ ജയറാം, ജോജു ജോര്‍ജ്, നാസര്‍, പ്രകാശ് രാജ്, കരുണാകരന്‍, സുജിത്ത് ശങ്കര്‍, കൃഷ്‍ണകുമാര്‍ ബാലസുബ്രഹ്‍മണ്യന്‍, തരക് പൊന്നപ്പ, തമിഴ്, പ്രേം കുമാര്‍ തുടങ്ങിയവരും കഥാപാത്രങ്ങളായി ഉണ്ടാകും.
2 ഡി എന്‍റര്‍ടെയ്ന്‍‍മെന്‍റ് നിര്‍മിക്കുന്ന ചിത്രത്തിന്റെ സഹനിര്‍മ്മാണം രാജശേഖര്‍ കര്‍പ്പൂരസുന്ദരപാണ്ഡ്യനും കാര്‍ത്തികേയന്‍ സന്താനവുമാണ്. ഛായാഗ്രാഹണം ശ്രേയസ് കൃഷ്‍ണ. സംഗീത സംവിധാനം സന്തോഷ് നാരായണൻ. കലാസംവിധാനം ജാക്കി, മായപാണ്ടി, വസ്ത്രാലങ്കാരം പ്രവീണ്‍ രാജ, സ്റ്റണ്ട്സ് കെച്ച ഖംഫക്ഡേ. നൃത്തസംവിധാനം ഷെരീഫ് എം, മേക്കപ്പ് വിനോദ് സുകുമാരന്‍, സൗണ്ട് ഡിസൈന്‍ സുറെന്‍ ജി, അഴകിയകൂത്തന്‍, കോസ്റ്റ്യൂമര്‍ മുഹമ്മദ് സുബൈര്‍, സ്റ്റില്‍സ് ദിനേഷ് എം, ചീഫ് പ്രൊഡക്ഷന്‍ കണ്‍ട്രോളര്‍ ബി സെന്തില്‍ കുമാര്‍, പബ്ലിസിറ്റി ഡിസൈന്‍സ് ടൂണെ ജോണ്‍, കളറിസ്റ്റ് സുരേഷ് രവി, പ്രൊഡക്ഷന്‍ എക്സിക്യൂട്ടീവ് ഗണേഷ് പി എസ് എന്നിവരാണ്.
ഒടുവില്‍ സൂര്യയുടേതായി പുറത്തിറങ്ങിയ ചിത്രം കങ്കുവ ആണ്. ആഗോളതലത്തില്‍ 100 കോടി ക്ലബിലെത്തിയിരുന്ന ചിത്രം കൂടിയാണ് സൂര്യയുടെ കങ്കുവ. സിരുത്തൈ ശിവ സംവിധാനം നിര്‍വഹിച്ച ചിത്രത്തിൽ ടൈറ്റില്‍ റോളിലായിരുന്നു കങ്കുവയില്‍ സൂര്യ പ്രത്യക്ഷപ്പെട്ടത്. എന്നാൽ വൻ ഹൈപ്പില്‍ എത്തിയ സൂര്യയുടെ ചിത്രം പ്രതീക്ഷിച്ച വിജയമായില്ല.
