തിരുവനന്തപുരം∙ വിഷുവും ഈസ്റ്ററും പ്രമാണിച്ച്‌ കെഎസ്ആർടിസിയുടെ അന്തർസംസ്ഥാന സർവീസുകളിൽ തിരക്കേറി. യാത്രക്കാരുടെ എണ്ണം കൂടുന്നതനുസരിച്ച്‌ യാത്രയ്‌ക്ക്‌ ക്രമീകരണങ്ങളും ഒരുക്കിയതായി കെഎസ്ആർടിസി അധികൃതർ അറിയിച്ചു. എട്ടുമുതൽ 22 വരെയാണ്‌ പ്രത്യേക സർവീസുകൾ നടത്തുക. കേരളത്തിലെ വിവിധ യൂണിറ്റുകളിൽനിന്ന്‌ ബെംഗളൂരു, മൈസൂരു, ചെന്നൈ എന്നിവിടങ്ങളിലേക്കും തിരിച്ചും സർവീസുകൾ ലഭ്യമാണ്. നിലവിലുള്ള സർവീസുകൾക്ക് പുറമേയാണ്‌ അധിക സർവീസുകൾ. ടിക്കറ്റുകൾ www.onlineksrtcswift. com എന്ന ഓൺലൈൻ വെബ്സൈറ്റുവഴിയും ente ksrtc neo oprs എന്ന മൊബൈൽ ആപ്പ്‌ വഴിയും ബുക്ക് ചെയ്യാം.
വിഷു–ഈസ്റ്റർ തിരക്ക്; ബെംഗളൂരു, മൈസൂരു, ചെന്നൈ സീറ്റുകൾ നിറയുന്നു, 34 അധിക സർവീസുകളുമായി കെഎസ്ആർടിസി
