ഇതാവും അവസ്ഥ VD കട്ട കലിപ്പിൽ
കോൺഗ്രസസിൽ വീണ്ടും പോര് മുറുക്കുക ആണ്
മുഖ്യമന്ത്രി വി.ഡി. സതീശൻ സാറിന്റെ പുതിയ ലുക്ക് കണ്ടോ? ഭരണം കൈയിൽ കിട്ടിയതോടെ സ്വഭാവം അങ്ങ് ആകെ മാറി! എല്ലാ വകുപ്പുകളും സ്വന്തം തോളിൽ ഒറ്റയ്ക്ക് ചുമന്നുകൊണ്ട് നടക്കുകയാണ് ആൾ!
ഇതിപ്പോ മന്ത്രിമാർ സ്വന്തം വകുപ്പിലെ കാര്യങ്ങൾ അറിയാൻ നാളെ രാവിലത്തെ പത്രവും കാത്തിരിക്കണം! എന്തിനാ സാറേ വെറുതെ ആളുകൾക്ക് ഓരോ വകുപ്പുകൾ വീതിച്ചു കൊടുത്തത്? എല്ലാ വകുപ്പും അങ്ങോട്ട് ഒറ്റയ്ക്ക് എടുത്തൂടെ? അധികാരം ലഭിക്കുമ്പോൾ ഭരണകൂടം എങ്ങനെയായിരിക്കണം? ചർച്ചകൾ നടക്കണോ, കൂട്ടുത്തരവാദിത്തം പാലിക്കണോ, അതോ എല്ലാ തീരുമാനങ്ങളും ക്ലിഫ് ഹൗസിന്റെ നാലുചുവരുകൾക്കുള്ളിൽ മാത്രം ഒതുങ്ങണോ?
ഇന്ന് കേരളത്തിൽ നമ്മൾ കണ്ടുകൊണ്ടിരിക്കുന്നത് ഒരു സർക്കാരിന്റെ തകർച്ചയുടെയോ അതോ ഭരണപരമായ ഏകാധിപത്യത്തിന്റെയോ തുടക്കമാണോ? മുഖ്യമന്ത്രി വി.ഡി. സതീശൻ മുന്നണിയെയും മന്ത്രിസഭയെയും വിശ്വാസത്തിലെടുക്കാതെ മുന്നോട്ടുപോകുന്നുവെന്ന ഗൗരവതരമായ ആക്ഷേപങ്ങളാണ് ഇപ്പോൾ സ്വന്തം പാർട്ടിക്കുള്ളിൽ നിന്നും മുന്നണി നേതൃത്വത്തിൽ നിന്നും തന്നെ ഉയർന്നു വന്നിരിക്കുന്നത്.
ആളുകൾ പഴയതുതന്നെയാണെങ്കിലും… കസേരയും അധികാരവും കിട്ടിയപ്പോൾ രീതികൾ മാറിയിരിക്കുന്നു. ഇന്ന് നമ്മൾ പരിശോധിക്കുന്നത്, സ്വന്തം മന്ത്രിമാരും കൺവീനറും പോലും മുഖ്യമന്ത്രിയുടെ നടപടികൾക്കെതിരെ പരസ്യമായി രംഗത്തുവന്ന ആഭ്യന്തര പ്രതിസന്ധിയുടെ കഥയാണ്
നമ്മുടെ വിശകലനത്തിലെ ആദ്യത്തെ പ്രധാന ഏട്, വൈദ്യുതി വകുപ്പിൽ നടക്കുന്ന അസാധാരണ സംഭവങ്ങളാണ്. വകുപ്പിന്റെ ചുമതലയുള്ള മന്ത്രി സണ്ണി ജോസഫ്. കോൺഗ്രസ് നേതൃത്വം അദ്ദേഹത്തിന്റെ തലയിൽ കെട്ടിവെച്ച ആ വകുപ്പിനെക്കുറിച്ച് അദ്ദേഹം തന്നെ പണ്ട് പറഞ്ഞിരുന്നു—”ഇതൊരു മുൾക്കിരീടമാണ്” എന്ന്!
പക്ഷേ, ഇപ്പോൾ ആ മുൾക്കിരീടത്തിന് കറന്റിന്റെ ഷോക്ക് മാത്രമല്ല ഉള്ളത്, വലിയൊരു അപൂർവ്വത കൂടിയുണ്ട്. അതായത്, വകുപ്പിൽ എന്ത് നടക്കുന്നുവെന്ന് മന്ത്രി അറിയുന്നത് മാധ്യമങ്ങളിലൂടെയാണ്!
സംഭവം ഇതാണ്: കെഎസ്‌ഇബിയിൽ വലിയൊരു ജിഎൻഎ (GNA) കരാർ വരുന്നു. വൻ കമീഷൻ സാധ്യതയുള്ള ഇടപാടാണെന്ന ആക്ഷേപങ്ങൾ ഇതിനകം ഉയർന്നിട്ടുണ്ട്. ഈ കരാർ വേണമെന്ന് മുഖ്യമന്ത്രി തീരുമാനിക്കുന്നു, പിന്നീട് അത് വേണ്ടെന്നുവെക്കുന്നു. ഈ രണ്ട് നിർണായക തീരുമാനങ്ങളും എടുക്കുന്നത് മുഖ്യമന്ത്രിയാണ്. എന്നാൽ തന്റെ വകുപ്പിൽ ഇത്രയൊക്കെ നടന്നിട്ടും, മന്ത്രി സണ്ണി ജോസഫ് ഇതൊന്നും അറിഞ്ഞിരുന്നില്ല!
സ്വന്തം വകുപ്പിലെ ഒരു നിർണായക കരാർ ഒപ്പിടുന്നതും, അത് ക്യാൻസൽ ചെയ്യുന്നതും വകുപ്പ് മന്ത്രി അറിയുന്നത് അടുത്ത ദിവസത്തെ പത്രത്തിൽ വാർത്ത വരുമ്പോഴാണ്! കെഎസ്‌ഇബി ചെയർമാനും ഊർജ സെക്രട്ടറിയും നേരെ ഓടുന്നത് മുഖ്യമന്ത്രിയുടെ അടുത്തേക്കാണ്. ഫയലുകൾ നീങ്ങുന്നതും നയപരമായ തീരുമാനങ്ങൾ എടുക്കുന്നതും അവിടെയാണ്. മന്ത്രിയോ? അദ്ദേഹം വീട്ടിലിരുന്ന് ചാനൽ ചർച്ച കാണുകയാണ്!
മാധ്യമങ്ങൾ ചോദിച്ചപ്പോൾ സണ്ണി ജോസഫ് നൽകിയ മറുപടി കേരളം മുഴുവൻ ചർച്ച ചെയ്തതാണ്:
“ജിഎൻഎ കരാർ വേണ്ടെന്നുവെച്ച കാര്യം മാധ്യമങ്ങളിലൂടെയാണ് ഞാൻ അറിഞ്ഞത്!”
എന്തൊരു സുതാര്യത! മന്ത്രിമാർക്ക് വകുപ്പിലെ വിശേഷങ്ങൾ അറിയാൻ ഇനി സർക്കാർ ഫയലുകളോ സെക്രട്ടറിയേറ്റോ വേണ്ട, ഒരു പത്രമോ ചാനലോ വെച്ചാൽ മതിയെന്ന അവസ്ഥ! കെ.സി. വേണുഗോപാലിന്റെ പിന്തുണയോടെ ഹിമാചൽ പ്രദേശിൽ നിന്ന് വൈദ്യുതി എത്തിക്കാൻ സണ്ണി ജോസഫ് ചെറിയൊരു നീക്കം നടത്തിയപ്പോൾ, മുഖ്യമന്ത്രി ആ വഴി അടച്ചു പൂട്ടി. വകുപ്പിന്റെ പൂർണ്ണ നിയന്ത്രണം മുഖ്യമന്ത്രിയുടെ ഓഫീസിലേക്ക് എടുത്തുവെക്കുമ്പോൾ, വകുപ്പ് മന്ത്രി നോക്കുകുത്തിയായി മാറുന്ന ഈ ഭരണശൈലിയെ നമ്മൾ എന്താണ് വിളിക്കേണ്ടത്?
ഇനി ഇവിടുത്തെ രണ്ടാമത്തെയും ഏറ്റവും പ്രധാപൂർണ്ണവുമായ കഥാപാത്രം, യുഡിഎഫ് കൺവീനർ അടൂർ പ്രകാശാണ്. മന്ത്രിമാരുടെ അവസ്ഥ ഇതാണെങ്കിൽ, മുന്നണിയുടെ കൺവീനറുടെ അവസ്ഥ അതിലും പരിതാപകരമാണ്.
മുന്നണി യോഗങ്ങൾ എന്തുകൊണ്ട് ചേരുന്നില്ല എന്ന് മാധ്യമങ്ങൾ ചോദിച്ചപ്പോൾ, അടൂർ പ്രകാശ് നൽകിയ മറുപടി കേരള രാഷ്ട്രീയത്തിലെ വരുംദിനങ്ങളിലെ കൊടുങ്കാറ്റിന്റെ സൂചനയാണ്. സാധാരണ ഒരു മുന്നണി കൺവീനർ ഇത്തരം ചോദ്യങ്ങൾക്ക് മുന്നിൽ ഒഴിഞ്ഞുമാറുകയോ, ചർച്ചകൾ നടക്കുന്നുണ്ടെന്ന് പറയുകയോ ആണ് പതിവ്. എന്നാൽ അടൂർ പ്രകാശ് തുറന്നടിച്ചു:
“മുന്നണി യോഗം ചേരാത്തതിന്റെ കാരണം ചെയർമാൻ കൂടിയായ മുഖ്യമന്ത്രിയോടാണ് ചോദിക്കേണ്ടത്!”
ഇവിടെയാണ് നാം പ്രൊഫഷണലായി ചിന്തിക്കേണ്ടത്. മുന്നണിയിലെ രണ്ടാമത്തെ സുപ്രധാന പദവിയിലിരിക്കുന്ന കൺവീനർ പോലും യോഗങ്ങളെക്കുറിച്ചോ സുപ്രധാന തീരുമാനങ്ങളെക്കുറിച്ചോ അറിയുന്നില്ലെങ്കിൽ, പിന്നെ എന്തിനാണ് ഈ മുന്നണി സംവിധാനം? മുന്നണിയെയും ഘടകകക്ഷികളെയും നോക്കുകുത്തിയാക്കി, മുഖ്യമന്ത്രിയും അദ്ദേഹത്തിന്റെ അടുത്ത വൃത്തങ്ങളും മാത്രം തീരുമാനങ്ങളെടുക്കുന്ന ‘ഏകാധിപത്യ ശൈലി’ക്കെതിരെയാണ് കൺവീനർ പരസ്യമായി പൊട്ടിത്തെറിച്ചിരിക്കുന്നത്.
ഭരണ തലത്തിലും മുന്നണിക്കുള്ളിലും മുഖ്യമന്ത്രി സതീശന്‍ പുലര്‍ത്തുന്ന ഏകപക്ഷീയമായ പ്രവര്‍ത്തന രീതിക്കെതിരെ ഘടകകക്ഷി നേതാക്കള്‍ക്കിടയിലും പുകച്ചില്‍ ശക്തമാണ്. യുഡിഎഫ് മന്ത്രിസഭയിലെ പല സുപ്രധാന വകുപ്പുകളും മന്ത്രിമാരും സ്വതന്ത്രമായി പ്രവര്‍ത്തിക്കാന്‍ കഴിയാതെ മുഖ്യമന്ത്രിയുടെ ഓഫീസിന്റെ നിഴലിലാണെന്ന പരാതി മുന്‍പും ഉയര്‍ന്നിട്ടുണ്ട്. കൂട്ടുത്തരവാദിത്തം നഷ്ടപ്പെട്ട മന്ത്രിസഭയായി സതീശന്‍ സര്‍ക്കാര്‍ മാറുന്നുവെന്ന പ്രതിപക്ഷ ആരോപണങ്ങള്‍ക്ക് അടിവരയിടുന്നതാണ് കണ്‍വീനറുടെ പരിഹാസ രൂപേണയുള്ള വാക്കുകള്‍. അടൂര്‍ പ്രകാശ് ഉന്നയിച്ച വിമര്‍ശനങ്ങളെ നിസ്സാരമായി തള്ളിക്കളയാന്‍ മുഖ്യമന്ത്രിയുടെ ക്യാമ്പിന് സാധിക്കില്ല. സതീശനെതിരെയുള്ള അമര്‍ഷം പാര്‍ട്ടിയിലെയും മുന്നണിയിലെയും മറ്റു മുതിര്‍ന്ന നേതാക്കളുടെ കൂടി പിന്തുണയോടെയാണോ പുറത്തുവരുന്നത് എന്ന സംശയവും ബലപ്പെടുന്നുണ്ട്. അതിനിടെ, അടൂര്‍ പ്രകാശിന്റെ പുതിയ പ്രസ്താവനയോടെ കോണ്‍ഗ്രസിലെ ആഭ്യന്തര തര്‍ക്കങ്ങള്‍ മൂര്‍ച്ഛിച്ചിരിക്കുകയാണ്. വിഷയത്തില്‍ ഇടപെടാനും അടിയന്തര മുന്നണി യോഗം വിളിച്ച് പ്രതിസന്ധി പരിഹരിക്കാനും കോണ്‍ഗ്രസ് ഹൈക്കമാന്‍ഡ് ഇടപെടണമെന്ന ആവശ്യവും വരുംദിവസങ്ങളില്‍ ഉയര്‍ന്നേക്കാം. മുഖ്യമന്ത്രിക്കെതിരെ സ്വന്തം മുന്നണി കണ്‍വീനര്‍ തന്നെ പരസ്യമായി നിലപാടെടുക്കുന്നത് സര്‍ക്കാരിനെ നിയമസഭയ്ക്കകത്തും പുറത്തും കടുത്ത പ്രതിരോധത്തിലാക്കും. വരുംദിവസങ്ങളില്‍ രാഷ്ട്രീയ ആയുധമാക്കാന്‍ പ്രതിപക്ഷവും ഈ പ്രസ്താവനകളെ ഏറ്റെടുത്തു കഴിഞ്ഞു.ഇതിന് വേണ്ടിയാണോ ജനങ്ങൾ നിങ്ങളെ വോട്ട് ചെയ്ത് ജയിപ്പിച്ചത്?”
നാട്ടിൽ ജനങ്ങൾ അനുഭവിക്കുന്ന ആയിരം പ്രശ്നങ്ങളുണ്ട്—വിലക്കയറ്റം, വൈദ്യുതി ചാർജ് വർദ്ധനവ്, അടിസ്ഥാന വികസനങ്ങളിലെ പാളിച്ചകൾ. ഇതെല്ലാം കണ്ടില്ലെന്ന് നടച്ച്, ഒടുവിൽ ഭരണത്തിൽ കയറിയിട്ട് സ്വന്തം ഗ്രൂപ്പ് പോര് തീർക്കാനും, അധികാര വടംവലി നടത്താനും, പരസ്യമായി ചളിവാരി എറിയാനുമാണോ നേതാക്കൾക്ക് സമയം?
വകുപ്പുകളിൽ മന്ത്രിമാർ ഉണ്ടോ ഇല്ലയോ എന്ന് തർക്കിക്കാനും, ‘വൺ മാൻ ഷോ’ നടത്താനും മാത്രമാണ് നേതാക്കൾക്ക് താല്പര്യമെങ്കിൽ… ജനങ്ങൾ ചോദിക്കും: “നാട്ടിലെ പ്രശ്നങ്ങൾ പരിഹരിക്കാൻ നിങ്ങൾക്ക് നേരമില്ലേ?”
തമ്മിലടിയും ഗ്രൂപ്പ് കുടിപ്പകയും ആദ്യം നിർത്ത്! എന്നിട്ട് നാടിനും ജനങ്ങൾക്കും വേണ്ടി എന്തെങ്കിലും ചെയ്യ്. അതിനു സാധിച്ചില്ലെങ്കിൽ ഈ ജനം തന്നെ നിങ്ങൾക്ക് ഇതിനുള്ള മറുപടി തരും എന്ന കാര്യത്തിൽ യാതൊരു സംശയവുമില്ല!
കൂടുതൽ കടുപ്പത്തിൽ അദ്ദേഹം പറഞ്ഞത് ഇതാണ്:
“മന്ത്രിസഭയിൽ കൂട്ടുത്തരവാദിത്തം ഉണ്ടെന്നതിന്റെ തെളിവുകളാണ് ഓരോന്നായി പുറത്തുവരുന്നത്!”
സ്വന്തം സർക്കാരിന്റെ കൂട്ടുത്തരവാദിത്തമില്ലായ്മയെ സ്വന്തം മുന്നണിയുടെ കൺവീനർ തന്നെ പരസ്യമായി പരിഹസിച്ചാൽ, പിന്നെ പ്രതിപക്ഷം എന്തിന് കഷ്ടപ്പെടണം? ഭരണതലത്തിലും മന്ത്രിമാർക്കിടയിലും പുകയുന്ന അമർഷം അദ്ദേഹം പൊതുജനങ്ങൾക്ക് മുന്നിൽ തുറന്നിട്ടു. കൂടാതെ നൽകിയ ആ മുന്നറിയിപ്പ് ശ്രദ്ധിക്കുക:
“കാര്യങ്ങളൊക്കെ ജനങ്ങളുടെ മുന്നിൽ പുറത്തുവരട്ടെ…”
അതായത്, ഇപ്പോഴത്തെ ഈ വെളിപ്പെടുത്തലുകൾ ഒരു ട്രെയിലർ മാത്രമാണ്, പ്രധാന സിനിമ വരാനിരിക്കുന്നതേയുള്ളൂ!
ഈ സംഭവങ്ങൾ വെച്ചുയർത്തി നമ്മൾ ചോദിക്കേണ്ട ചില അടിസ്ഥാനപരമായ രാഷ്ട്രീയ ചോദ്യങ്ങളുണ്ട്.
