ബംഗാളിനായി മോദിയുടെ വൻ പ്രഖ്യാപനങ്ങൾ

ഇന്ത്യൻ രാഷ്ട്രീയത്തിലെ ഏറ്റവും വലിയ പോരാട്ടഭൂമിയായി പശ്ചിമ ബംഗാൾ വീണ്ടും മാറിയിരിക്കുകയാണ്. കഴിഞ്ഞ കുറെ ദശകങ്ങളായി രാഷ്ട്രീയ അക്രമങ്ങളുടെയും വലിയ മാറ്റങ്ങളുടെയും കഥകൾ കേൾക്കുന്ന ബംഗാളിൽ നിന്ന് ഇപ്പോൾ വരുന്നത് നിർണ്ണായകമായ വാർത്തകളാണ്. പശ്ചിമ ബംഗാളിലെ ഹാൽദിയയിൽ നടന്ന വൻ റാലിയിൽ പ്രധാനമന്ത്രി നരേന്ദ്ര മോദി നടത്തിയ പ്രസംഗം വരാനിരിക്കുന്ന തിരഞ്ഞെടുപ്പിന്റെ ഗതി നിശ്ചയിക്കുന്ന ഒന്നായി മാറിയിരിക്കുകയാണ്. കേവലം ഒരു തിരഞ്ഞെടുപ്പ് പ്രചാരണമെന്നതിലുപരി, മമത ബാനർജി സർക്കാരിനെതിരെ അതിശക്തമായ വിമർശനങ്ങളും ബംഗാളിന്റെ ഭാവി മാറ്റിയെഴുതാൻ ആറ് പ്രധാന ഗ്യാരന്റികളുമാണ് മോദി മുന്നോട്ട് വെച്ചിരിക്കുന്നത്. എന്താണ് ഇപ്പോൾ ബംഗാളിൽ സംഭവിക്കുന്നത്? എന്തുകൊണ്ടാണ് മമത സർക്കാരിനെതിരെ ഇത്രയും രൂക്ഷമായ ആരോപണങ്ങൾ ഉയരുന്നത്? മോദി വാഗ്ദാനം ചെയ്യുന്ന ആ ‘6 ഗ്യാരന്റികൾ’ എന്തൊക്കെയാണ്? നമുക്ക് വിശദമായി പരിശോധിക്കാം.ബംഗാൾ എന്ന് കേൾക്കുമ്പോൾ നമ്മുടെ മനസ്സിസലേക്ക് വരുന്നത് വലിയ സാംസ്കാരിക പൈതൃകവും വിപ്ലവ ചരിത്രവുമാണ്. എന്നാൽ ഇന്ന് ആ ചിത്രം മാറിയിരിക്കുന്നു എന്നാണ് പ്രധാനമന്ത്രിയുടെ വാക്കുകൾ സൂചിപ്പിക്കുന്നത്. ക്രമസമാധാന നില പൂർണ്ണമായും തകർന്നിരിക്കുന്ന ഒരു സംസ്ഥാനമായി ബംഗാൾ മാറിയെന്ന് അദ്ദേഹം കുറ്റപ്പെടുത്തുന്നു. ജനങ്ങൾ ഭയത്തിന്റെ നിഴലിലാണ് കഴിയുന്നത്. രാഷ്ട്രീയ എതിരാളികൾ വേട്ടയാടപ്പെടുന്നു, സാധാരണക്കാരന് നീതി കിട്ടാത്ത സാഹചര്യം നിലനിൽക്കുന്നു. ബംഗാളിലെ ഓരോ ഗ്രാമത്തിലും അഴിമതി വേരൂന്നിയിരിക്കുകയാണെന്നും വികസന പ്രവർത്തനങ്ങൾ തടസ്സപ്പെട്ടിരിക്കുകയാണെന്നുമാണ് നിലവിലെ രാഷ്ട്രീയ ചിത്രം വ്യക്തമാക്കുന്നത്. ഒരുകാലത്ത് വ്യവസായങ്ങളിൽ മുൻപന്തിയിലായിരുന്ന ബംഗാൾ ഇന്ന് തൊഴിലില്ലായ്മയുടെയും രാഷ്ട്രീയ ഗുണ്ടായിസത്തിന്റെയും പിടിയിലാണെന്ന വലിയ പരാതികൾ ഇത്തവണത്തെ തിരഞ്ഞെടുപ്പിൽ പ്രധാന ചർച്ചാവിഷയമാണ്.
മമത ബാനർജിയുടെ ഭരണത്തെ ‘ഗുണ്ടാരാജ്’ എന്നും ‘സിൻഡിക്കേറ്റ് ഭരണം’ എന്നുമാണ് പ്രധാനമന്ത്രി വിശേഷിപ്പിച്ചത്. സംസ്ഥാനത്തെ പ്രധാന വ്യവസായമായി കന്നുകാലി കടത്ത് മാറിയെന്നും ഇതിനെല്ലാം ഭരണകൂടത്തിന്റെ ഒത്താശയുണ്ടെന്നും അദ്ദേഹം തുറന്നടിച്ചു. തൃണമൂൽ നേതാക്കൾ വികസനത്തേക്കാൾ കൂടുതൽ പ്രാധാന്യം നൽകുന്നത് തങ്ങളുടെ പോക്കറ്റ് വീർപ്പിക്കാനാണെന്ന ആരോപണം ഇപ്പോൾ ബംഗാളിൽ ശക്തമാണ്. പ്രത്യേകിച്ച്, കേന്ദ്ര സർക്കാർ നൽകുന്ന ആനുകൂല്യങ്ങൾ ജനങ്ങളിലേക്ക് എത്താതിരിക്കാൻ മമത സർക്കാർ ബോധപൂർവ്വം ശ്രമിക്കുന്നു എന്നത് വലിയ പ്രതിഷേധത്തിന് കാരണമായിട്ടുണ്ട്. പദ്ധതികളുടെ പേരിനൊപ്പം ‘പ്രധാനമന്ത്രി’ എന്ന് ഉള്ളതുകൊണ്ട് മാത്രം അവ തടയുന്നത് ബംഗാളിലെ ജനങ്ങളോടുള്ള വെല്ലുവിളിയാണെന്ന് മോദി പരിഹസിച്ചു. സ്ത്രീ സുരക്ഷയുടെ കാര്യത്തിലും ബംഗാൾ പിന്നോട്ട് പോയിരിക്കുകയാണ്. സ്ത്രീകൾക്കെതിരായ അതിക്രമങ്ങൾ വർദ്ധിക്കുന്നതും കുറ്റവാളികളെ സംരക്ഷിക്കുന്ന നിലപാട് സർക്കാർ സ്വീകരിക്കുന്നതും വലിയ തിരിച്ചടിയായി മാറിയിട്ടുണ്ട്. മത്സ്യത്തൊഴിലാളികൾ മുതൽ സാധാരണ കർഷകർ വരെ വഞ്ചിക്കപ്പെട്ട ഒരു ഭരണമാണ് ബംഗാളിൽ നടക്കുന്നതെന്നാണ് പ്രധാനമന്ത്രിയുടെ വിമർശനം.
ഈ തകർച്ചയിൽ നിന്ന് ബംഗാളിനെ കരകയറ്റാൻ ‘മോദി ഗ്യാരന്റി’ എന്ന പേരിൽ ആറ് പ്രധാന വാഗ്ദാനങ്ങളാണ് അദ്ദേഹം മുന്നോട്ട് വെച്ചിരിക്കുന്നത്.
1ഭയത്തിന് പകരം വിശ്വാസം: ബംഗാളിൽ ഇപ്പോൾ നിലനിൽക്കുന്ന ഭയത്തിന്റെ അന്തരീക്ഷം ബിജെപി സർക്കാർ മാറ്റും. ജനങ്ങൾക്ക് സുരക്ഷിതമായി ജീവിക്കാൻ കഴിയുന്ന, നിയമവാഴ്ച നിലനിൽക്കുന്ന ഒരു സാഹചര്യം ഉറപ്പാക്കും.
2.ഉത്തരവാദിത്തമുള്ള ഭരണം: സർക്കാർ ഉദ്യോഗസ്ഥരും ഭരണസംവിധാനവും ജനങ്ങളോട് പൂർണ്ണമായും ഉത്തരവാദിത്തമുള്ളവരായിരിക്കും. ആർക്കും പരാതിയുമായി സർക്കാരിനെ സമീപിക്കാൻ പേടിക്കാത്ത സാഹചര്യം ഉണ്ടാക്കും.
3.അഴിമതി ഫയലുകൾ തുറക്കും: തൃണമൂൽ ഭരണകാലത്ത് നടന്ന ഓരോ അഴിമതിയും, പ്രത്യേകിച്ച് സ്ത്രീകൾക്കെതിരെ നടന്ന അതിക്രമങ്ങളുമായി ബന്ധപ്പെട്ട എല്ലാ കേസുകളും വീണ്ടും അന്വേഷിക്കും. കുറ്റവാളികൾ എത്ര വലിയവരായാലും അവർ ശിക്ഷിക്കപ്പെടും.
4.അഴിമതിക്കാർക്ക് ജയിൽ: അഴിമതിയിൽ പങ്കുചേർന്ന ആരും നിയമത്തിന് മുന്നിൽ നിന്ന് രക്ഷപ്പെടില്ല. അത് ഒരു മന്ത്രിയായാലും ശരി, ഒരു തൃണമൂൽ ഗുണ്ടയായാലും ശരി, അവരെ നിയമത്തിന് മുന്നിൽ കൊണ്ടുവന്ന് അർഹമായ ശിക്ഷ നൽകും.
5.നുഴഞ്ഞുകയറ്റക്കാരെ പുറത്താക്കും: രാജ്യത്തിന്റെ സുരക്ഷ കണക്കിലെടുത്ത് അനധികൃതമായി കടന്നുകൂടിയവരെ പുറത്താക്കും. എന്നാൽ അഭയാർത്ഥികളായി എത്തിയവർക്ക് എല്ലാ ഭരണഘടനാപരമായ അവകാശങ്ങളും സംരക്ഷണവും ബിജെപി സർക്കാർ നൽകും.
6.7-ാം ശമ്പള കമ്മീഷൻ: ബംഗാൾ സർക്കാർ ജീവനക്കാരുടെ ദീർഘകാല ആവശ്യമായ ഏഴാം ശമ്പള കമ്മീഷൻ ബിജെപി അധികാരത്തിൽ വന്നാലുടൻ നടപ്പിലാക്കും.
ബംഗാളിനെ സംബന്ധിച്ചിടത്തോളം ഇത് വെറുമൊരു തിരഞ്ഞെടുപ്പല്ല, മറിച്ച് മാറ്റത്തിനുള്ള അവസരമാണ്. പ്രധാനമന്ത്രി മോദിയുടെ ഈ ഗ്യാരന്റികൾ ജനങ്ങൾക്കിടയിൽ വലിയ പ്രതീക്ഷയാണ് നൽകുന്നത്. ഹാൽദിയയിലെ വൻ ജനപങ്കാളിത്തം സൂചിപ്പിക്കുന്നത് ബംഗാൾ മാറ്റം ആഗ്രഹിക്കുന്നു എന്നാണ്. മമത ബാനർജിയുടെ പത്ത് വർഷത്തിലേറെ നീണ്ട ഭരണത്തിന് മോദിയുടെ ഈ പ്രഖ്യാപനങ്ങൾ വലിയ ഭീഷണിയായി മാറിയിരിക്കുകയാണ്. ഡബിൾ എഞ്ചിൻ സർക്കാർ ബംഗാളിന്റെ വികസനത്തിൽ മാന്ത്രികത കാണിക്കുമെന്ന് ബിജെപി അവകാശപ്പെടുമ്പോൾ, ഇതിനെ ജനങ്ങൾ എങ്ങനെ സ്വീകരിക്കും എന്നത് വരും ദിവസങ്ങളിൽ നമുക്ക് കാണാം. ബംഗാളിലെ ഓരോ സാധാരണക്കാരന്റെയും വോട്ട് ആരുടെ പക്ഷത്താകും എന്നത് ഇന്ത്യയുടെ രാഷ്ട്രീയ ഭൂപടത്തിൽ തന്നെ വലിയ മാറ്റങ്ങൾ ഉണ്ടാക്കുമെന്ന് ഉറപ്പാണ്.
പശ്ചിമ ബംഗാളിൽ ഇപ്പോൾ നടക്കുന്നത് കേവലം ഒരു വോട്ടർ പട്ടിക പുതുക്കലല്ല, മറിച്ച് വർഷങ്ങളായി മമത ബാനർജി കെട്ടിപ്പടുത്ത അഴിമതിയുടെയും നുഴഞ്ഞുകയറ്റത്തിന്റെയും രാഷ്ട്രീയ കോട്ടകൾ തകർക്കപ്പെടുകയാണ്. 91 ലക്ഷം വ്യാജ വോട്ടർമാരെ പുറത്താക്കുമ്പോൾ അത് ജനാധിപത്യത്തോടുള്ള വെല്ലുവിളിയാണെന്ന് പറയുന്ന മമതയോട് ഒരു കാര്യം ചോദിക്കാനുണ്ട്; കഴിഞ്ഞ പത്ത് വർഷത്തിനിടെ ബംഗാളിലെ ജനസംഖ്യാ നിരക്കിൽ ഉണ്ടായ അസ്വാഭാവികമായ വർദ്ധനവ് താങ്കൾ കണ്ടില്ലെന്ന് നടിക്കുകയാണോ? നുഴഞ്ഞുകയറ്റക്കാരെ അതിർത്തി കടത്തിക്കൊണ്ടുവന്ന് അവർക്ക് വോട്ടവകാശവും ആനുകൂല്യങ്ങളും നൽകി സ്വന്തം വോട്ട് ബാങ്ക് സുരക്ഷിതമാക്കിയ മമതയുടെ തന്ത്രങ്ങൾ ഇനി നടപ്പില്ല.നരേന്ദ്ര മോദി എന്ന ഭരണാധികാരിയുടെ കീഴിൽ ഇന്ത്യയുടെ ഓരോ ഇഞ്ചും സുരക്ഷിതമാണ്. ‘അർഹതപ്പെട്ടവർക്ക് മാത്രം അംഗീകാരം’ എന്നതാണ് ഈ സർക്കാരിന്റെ നയം. വോട്ടർ പട്ടികയിലെ ഈ ശുദ്ധീകരണം വഴി ബംഗാളിലെ യഥാർത്ഥ പൗരന്മാരുടെ വോട്ടിന് ഇന്ന് കൂടുതൽ മൂല്യം ലഭിച്ചിരിക്കുകയാണ്. വ്യാജ വോട്ടർമാരെ വെച്ച് ഭരണം നിലനിർത്താം എന്ന മമതയുടെ മോഹത്തിനാണ് ഇന്ന് തിരശീല വീണിരിക്കുന്നത്.
ഭക്ഷണത്തിന്റെയോ ഭാഷയുടെയോ പേരിൽ ജനങ്ങളെ ഭിന്നിപ്പിക്കാൻ ശ്രമിക്കുന്ന മമത ഒരു കാര്യം ഓർക്കുക, ബംഗാളിലെ ജനങ്ങൾ വിവേകമുള്ളവരാണ്. അവർക്ക് വികസനം വേണം, അവർക്ക് സുരക്ഷ വേണം, എല്ലാത്തിലുമുപരി അവർക്ക് നിയമവാഴ്ചയുള്ള ഒരു സംസ്ഥാനം വേണം. അക്രമരാഷ്ട്രീയത്തിലൂടെയും വർഗീയ ധ്രുവീകരണത്തിലൂടെയും ഇനിയും അധികാരത്തിൽ തുടരാമെന്ന് മമത കരുതുന്നുണ്ടെങ്കിൽ അത് വെറും മോഹം മാത്രമാണ്. വരാനിരിക്കുന്ന നിയമസഭാ തിരഞ്ഞെടുപ്പ് മമതയുടെ ഈ ഏകാധിപത്യ ഭരണത്തിനുള്ള അന്ത്യവിധി ആയിരിക്കും. കേന്ദ്ര സർക്കാരിന്റെ വികസന പദ്ധതികൾക്കൊപ്പം നിൽക്കാൻ, നുഴഞ്ഞുകയറ്റക്കാരില്ലാത്ത ശാന്തമായ ഒരു ബംഗാൾ കെട്ടിപ്പടുക്കാൻ ബിജെപിക്ക് കരുത്ത് നൽകേണ്ട സമയം അതിക്രമിച്ചിരിക്കുന്നു.മമതയുടെ ഭരണത്തിൽ ബംഗാൾ ഇന്ന് അക്രമങ്ങളുടെ നാടായി മാറിയിരിക്കുകയാണ്. രാഷ്ട്രീയ എതിരാളികളെ കായികമായി നേരിടുന്നതും, പഞ്ചായത്ത് തിരഞ്ഞെടുപ്പുകളിൽ പോലും വോട്ട് ചെയ്യാൻ ജനങ്ങളെ അനുവദിക്കാത്തതും നമ്മൾ കണ്ടതാണ്. വോട്ടർ പട്ടികയിൽ കൃത്രിമം കാണിക്കുന്നത് മമതയുടെ രാഷ്ട്രീയ ശൈലിയുടെ ഭാഗമാണ്. ഇപ്പോൾ കേന്ദ്ര ഏജൻസികളും തിരഞ്ഞെടുപ്പ് കമ്മീഷനും ഇടപെട്ട് ഈ കള്ളക്കളി തടയുമ്പോൾ അവർക്ക് കോടതിയിൽ അഭയം തേടേണ്ടി വരുന്നു. ഇത് സത്യത്തിന്റെ വിജയമാണ്.”ഇന്ത്യയുടെ ആഭ്യന്തര സുരക്ഷയുടെ കാര്യത്തിൽ യാതൊരു വിട്ടുവീഴ്ചയുമില്ലാത്ത ആഭ്യന്തര മന്ത്രിയാണ് അമിത് ഷാ