ഗവർണറുടെ രഹസ്യനീക്കം

മമതയുടെ കസേര തെറിച്ചു

ഭാരതീയ രാഷ്ട്രീയത്തിൽ ഇന്ന് അടിമുടി മാറ്റത്തിന്റെ ഇടിമുഴക്കമാണ് കേൾക്കുന്നത്. മെയ് 7! ഈ തീയതി ഇന്ത്യൻ ജനാധിപത്യം ഒന്നടങ്കം പശ്ചിമ ബംഗാളിലേക്ക് നോക്കിനിൽക്കുകയായിരുന്നു. 15 വർഷം… അതെ, നീണ്ട ഒന്നര പതിറ്റാണ്ട് കാലം ബംഗാൾ എന്ന വിപ്ലവ മണ്ണിൽ ഏകാധിപത്യത്തിന്റെ ചെങ്കോലേന്തി നടന്ന ആ പഴയ ‘ദീദി’ ഇന്ന് വെറും കൈയ്യോടെ പടിയിറങ്ങിയിരിക്കുന്നു! പടിയിറങ്ങിയതല്ല, ബംഗാളിലെ ഓരോ സാധാരണക്കാരനും ആ അഹങ്കാരത്തെ അടിച്ചു പുറത്താക്കിയതാണ് എന്ന് പറയുന്നതാകും കൂടുതൽ ശരി.
തൊഴിലില്ലായ്മ കൊണ്ട് ബംഗാളിലെ യുവാക്കൾ തെരുവിൽ അലഞ്ഞപ്പോൾ മമത എവിടെയായിരുന്നു?
സന്ദേശ്ഖാലിയിലെ നമ്മുടെ സഹോദരിമാർ നിലവിളിച്ചപ്പോൾ, അവരുടെ കണ്ണുനീരിന് വില കൽപ്പിക്കാതെ ഗുണ്ടകൾക്ക് കൂട്ടുനിന്നത് ആരായിരുന്നു?
സ്വന്തം വോട്ട് ബാങ്കിന് വേണ്ടി അതിർത്തികൾ മലർക്കെ തുറന്നിട്ട്, ബംഗ്ലാദേശി നുഴഞ്ഞുകയറ്റക്കാർക്ക് ചുവപ്പ് പരവതാനി വിരിച്ചുകൊടുത്തത് രാജ്യദ്രോഹമല്ലേ?* തിരഞ്ഞെടുപ്പിൽ ജനം തള്ളിയിട്ടും, രാജി വെക്കില്ലെന്ന് പറഞ്ഞ് മുഖ്യമന്ത്രി കസേരയിൽ കടിച്ചുതൂങ്ങാൻ നോക്കിയ മമതയ്ക്ക് ഭരണഘടനയുടെ കരുത്തിൽ ഗവർണർ നൽകിയ ആ ‘എട്ടിന്റെ പണി’ നിങ്ങൾ കണ്ടോ?
ഇന്ന് ബംഗാൾ കാവി പുതയ്ക്കുമ്പോൾ, മമതയുടെ ചീട്ടുകൊട്ടാരം തകർന്നടിയുമ്പോൾ, ഭാരതം ഒന്നടങ്കം ചോദിക്കുന്നത് ഒന്നുമാത്രം—ഇതാണോ ദീദി നിങ്ങൾ സ്വപ്നം കണ്ട ബംഗാൾ? ഇന്ന് നമ്മൾ ചർച്ച ചെയ്യുന്നത് മമതയുടെ പതനവും, സുവേന്ദു അധികാരി എന്ന പടനായകന്റെ പോരാട്ടവും, മോദി-ഷാ സഖ്യം ബംഗാളിനെ വീണ്ടെടുത്ത ആ ചാണക്യതന്ത്രങ്ങളുമാണ്!”
തിരഞ്ഞെടുപ്പ് ഫലം വന്നപ്പോൾ തന്നെ നമ്മൾ കണ്ടു മമതയുടെ തനിനിറം. പരാജയം സമ്മതിക്കാൻ ആ മനസ്സ് തയ്യാറായിരുന്നില്ല. തോറ്റത് തന്റെ ഭരണ പരാജയം കൊണ്ടല്ല, മറിച്ച് ഇവിഎമ്മിൽ തിരിമറി നടന്നത് കൊണ്ടാണെന്ന് പറഞ്ഞ് കരയുകയായിരുന്നു ദീദി. വോട്ട് കൊള്ളയെന്നും ബിജെപിയുടെ ഗൂഢാലോചനയെന്നും പറഞ്ഞ് അവർ രാജ്ഭവനിലേക്ക് പോകാൻ പോലും വിസമ്മതിച്ചു. ‘ഞാൻ രാജി വെക്കില്ല’ എന്ന മമതയുടെ വാശിക്ക് ഗവർണർ ആർ.എൻ. രവി നൽകിയത് കനത്ത പ്രഹരമാണ്. ഭരണഘടനയുടെ അനുച്ഛേദം 174 (2)(b) പ്രകാരം നിയമസഭ തന്നെ അദ്ദേഹം പിരിച്ചുവിട്ടു. അവസാന അടവും പാളി, ദീദി ഇപ്പോൾ വെറും മുൻ മുഖ്യമന്ത്രി മാത്രമായി മാറിയിരിക്കുന്നു!
എന്തായിരുന്നു ഈ 15 വർഷം ബംഗാളിൽ നടന്നത്? വികസനത്തിന് പകരം അവിടെ വളർന്നത് ഗുണ്ടായിസമാണ്. സന്ദേശ്ഖാലിയിലെ അമ്മമാരുടെ കണ്ണുനീർ കണ്ടില്ലെന്ന് നടിച്ച മമത, വോട്ട് ബാങ്കിന് വേണ്ടി നുഴഞ്ഞുകയറ്റക്കാർക്ക് എല്ലാ സൗകര്യവും ചെയ്തുകൊടുത്തു. തൃണമൂലിന്റെ ഗുണ്ടകൾ പാവപ്പെട്ടവരുടെ റേഷൻ പോലും കൊള്ളയടിച്ചു. ബിജെപി പ്രവർത്തകരെ കൊന്നു തള്ളിയും വീടുകൾ ചുട്ടെരിച്ചും മമത നടത്തിയ ആ ഭീകരവാഴ്ചയ്ക്കാണ് ഇന്ന് ഇല്ലാതായത്.

ഈ വിജയത്തിന് പിന്നിൽ ഒരാളുടെ പേര് ഉറക്കെ പറയേണ്ടതുണ്ട്—അതാണ് സുവേന്ദു അധികാരി! ദീദിയുടെ വലംകൈയ്യായിരുന്ന സുവേന്ദു, അവരുടെ ജനദ്രോഹ ഭരണം കണ്ട് മടുത്ത് പുറത്തുവന്നപ്പോൾ മമതയുടെ പതനത്തിന് ആക്കം കൂടി. നന്ദിഗ്രാമിൽ ദീദിയെ മുട്ടുകുത്തിച്ച ആ പഴയ വീര്യം ഇക്കുറി ബംഗാൾ മുഴുവൻ നമ്മൾ കണ്ടു. നിയമസഭയ്ക്കുള്ളിൽ മമതയുടെ ഏകാധിപത്യത്തിനെതിരെ ഗർജ്ജിച്ച പടനായകനാണ് അദ്ദേഹം. അമിത് ഷായുടെ തന്ത്രങ്ങൾ മൈതാനത്ത് നടപ്പിലാക്കിയ സുവേന്ദുവിന് മുന്നിൽ മമതയുടെ ഓരോ നീക്കവും പാളിപ്പോയി.
നരേന്ദ്ര മോദി എന്ന കരുത്തനായ നേതാവിനെയും അമിത് ഷാ എന്ന രാഷ്ട്രീയ ചാണക്യനെയും നമ്മൾ അഭിനന്ദിക്കേണ്ടതുണ്ട്. ബംഗാൾ പിടിക്കുക എന്നത് അസാധ്യമെന്ന് പലരും കരുതി. പക്ഷേ, മോദിജിയുടെ വികസന രാഷ്ട്രീയവും അമിത് ഷായുടെ കൃത്യമായ ആസൂത്രണവും ബംഗാളിലെ ഓരോ ഗ്രാമത്തിലും എത്തി. അക്രമ രാഷ്ട്രീയത്തെ വോട്ട് കൊണ്ട് നേരിടാം എന്ന് മോദിജി തെളിയിച്ചു.
മമത പടിയിറങ്ങിയതോടെ ഇനി ബംഗാളിൽ ഒരു ശുദ്ധീകരണ കാലമാണ്. അധികാരത്തിന്റെ തണലിൽ ആടിത്തിമിർത്തവർ ഇനി അഴിക്കുള്ളിലേക്ക് പോകുന്ന കാഴ്ചയാണ് നാം കാണാൻ പോകുന്നത്. തൃണമൂലിലെ നേതാക്കൾ ഇപ്പോൾ ബിജെപി ഓഫീസിന് മുന്നിൽ ക്യൂ നിൽക്കുകയാണ്. മമതയെ ഉപേക്ഷിച്ച് പലരും വരും ദിവസങ്ങളിൽ പടിയിറങ്ങും.
ബംഗാൾ സുരക്ഷിതമായാൽ ഇന്ത്യ സുരക്ഷിതമായി. നുഴഞ്ഞുകയറ്റക്കാർക്കും ഭീകരവാദികൾക്കും താവളമൊരുക്കിയ ഒരു സർക്കാർ പോയതോടെ ഭാരതം കൂടുതൽ കരുത്താർജ്ജിക്കുകയാണ്. അഹങ്കാരത്തിന്റേതല്ല, സേവനത്തിന്റേതാണ് രാഷ്ട്രീയമെന്ന് ബിജെപി വീണ്ടും തെളിയിച്ചിരിക്കുന്നു
താൻ പറയുന്നതാണ് നിയമം, താൻ ചെയ്യുന്നതാണ് ശരി എന്ന് വിശ്വസിച്ചിരുന്ന ഒരു ഭരണാധികാരിയായിരുന്നു മമത. കേന്ദ്ര സർക്കാരിനെപ്പോലും വകവെക്കാതെ, ഭരണഘടനാ സ്ഥാപനങ്ങളെ വെല്ലുവിളിച്ചുകൊണ്ട് അവർ നടത്തിയ നീക്കങ്ങൾ നമ്മൾ കണ്ടതാണ്. പ്രധാനമന്ത്രി വിളിച്ച യോഗങ്ങളിൽ നിന്ന് വിട്ടുനിന്നും, സുരക്ഷാ ഉദ്യോഗസ്ഥരെ തടഞ്ഞും അവർ കാണിച്ച ‘തൻപ്രമാണിത്തം’ ബംഗാളിന്റെ വികസനത്തെയാണ് തളർത്തിയത്. ഈ അഹങ്കാരത്തിനാണ് ഇന്ന് ബംഗാൾ ജനത ചരമഗീതം എഴുതിയിരിക്കുന്നത്.”
ഭരണകൂടത്തിന്റെ തണലിൽ പോലീസിനെ സ്വന്തം പാർട്ടി ഗുണ്ടകളെപ്പോലെ ഉപയോഗിച്ചതിനേറ്റ തിരിച്ചടിയാണിത്. പ്രതിപക്ഷ സ്വരങ്ങളെ അടിച്ചമർത്താനും കള്ളക്കേസുകളിൽ കുടുക്കി ജയിലിലടയ്ക്കാനും മമത തന്റെ അധികാരം ദുരുപയോഗം ചെയ്തു. പക്ഷേ, ജനം തെരുവിലിറങ്ങിയാൽ ഏത് പോലീസിനും ലാത്തി താഴ്ത്തേണ്ടി വരുമെന്ന് ഈ ഫലം തെളിയിക്കുന്നു. കാക്കി വസ്ത്രത്തിനുള്ളിലെ തൃണമൂൽ രാഷ്ട്രീയത്തിന് ഇനി ബംഗാളിൽ സ്ഥാനമില്ല.”
അപ്പോൾ സുഹൃത്തുക്കളേ, നമ്മൾ ഇന്ന് സാക്ഷ്യം വഹിക്കുന്നത് വെറുമൊരു ഭരണമാറ്റത്തിനല്ല, മറിച്ച് ഒരു സാമ്രാജ്യത്തിന്റെ പതനത്തിനാണ്! 15 വർഷം മുൻപ് മാറ്റത്തിന്റെ മുദ്രാവാക്യവുമായി അധികാരത്തിൽ വന്ന മമത ബാനർജി, ഇന്ന് അതേ ജനങ്ങളാൽ തിരസ്കരിക്കപ്പെട്ട് പടിയിറങ്ങുമ്പോൾ അത് ചരിത്രത്തിന്റെ നീതിയാണ്. അഹങ്കാരം കണ്ണുകളെ മറയ്ക്കുമ്പോൾ, അധികാരത്തിന്റെ ലഹരിയിൽ സാധാരണക്കാരന്റെ വേദന കാണാതിരിക്കുമ്പോൾ, ഏത് വലിയ സിംഹാസനവും തകർന്നടിയുമെന്ന് മമത ബാനർജി ഇന്ന് തിരിച്ചറിയുന്നുണ്ടാകും.
ഒന്ന് ആലോചിച്ചു നോക്കൂ…
ഇത്രയും കാലം ബംഗാളിൽ നടന്നത് എന്തായിരുന്നു? ഭയത്തിന്റെ ഭരണം! എതിർക്കുന്നവന്റെ നാവരിയുന്ന, ചോദ്യം ചെയ്യുന്നവന്റെ വീട് ചുട്ടെരിക്കുന്ന തൃണമൂലിന്റെ ആ ക്രുരതകൾക്ക്ഇന്ന് അവസാനം കുറിച്ചിരിക്കുന്നു.
മമത പടിയിറങ്ങിയത് കൊണ്ട് മാത്രം എല്ലാം അവസാനിക്കുന്നില്ല. 15 വർഷം കൊണ്ട് അവർ ബംഗാളിനെ എത്രമാത്രം നശിപ്പിച്ചു എന്ന് ഇനി ഓരോന്നായി പുറത്തുവരും. അതിർത്തി കടന്നു വന്ന നുഴഞ്ഞുകയറ്റക്കാർക്ക് സംരക്ഷണം നൽകിയതും, അഴിമതിയിലൂടെ സംസ്ഥാനത്തെ ഖജനാവ് കൊള്ളയടിച്ചതും, കേന്ദ്ര പദ്ധതികൾ തടഞ്ഞുവെച്ച് പാവങ്ങളെ ദ്രവിച്ചതും… ഈ പാപങ്ങൾക്കെല്ലാം മമതയും അവരുടെ അണികളും മറുപടി പറയേണ്ടി വരും. സുവേന്ദു അധികാരി എന്ന പോരാളിയെ ചതിക്കാൻ നോക്കിയവർക്ക്, അദ്ദേഹത്തിന്റെ രാഷ്ട്രീയ ബുദ്ധിക്ക് മുന്നിൽ ഇന്ന് മുട്ടുമടക്കേണ്ടി വന്നു.