കഴിഞ്ഞ ദിവസങ്ങളായി സോഷ്യൽ മീഡിയയിൽ ഏറ്റവും കൂടുതൽ വൈറലായ ഒരു ദൃശ്യമുണ്ട്. പ്രധാനമന്ത്രി നരേന്ദ്ര മോദി ഇറ്റലിയിൽ വെച്ച് ഇറ്റാലിയൻ പ്രധാനമന്ത്രി ജോർജിയ മെലോണിക്ക് പാർലെയുടെ ‘മെലഡി’ മിഠായി സമ്മാനിക്കുന്ന ദൃശ്യമാണത്. ലക്ഷക്കണക്കിന് ആളുകളാണ് ഇൻസ്റ്റാഗ്രാമിലും യൂട്യൂബിലും ഈ വീഡിയോ കണ്ടതും ഷെയർ ചെയ്തതും. എന്നാൽ ഈ ഒരു വൈറൽ വീഡിയോയെ മുൻനിർത്തി രാജ്യത്ത് വലിയൊരു രാഷ്ട്രീയ വിവാദത്തിന് തിരികൊളുത്തിയിരിക്കുകയാണ് രാഹുൽ ഗാന്ധി. രാജ്യം കടുത്ത സാമ്പത്തിക പ്രതിസന്ധിയിലൂടെ കടന്നുപോകുമ്പോൾ പ്രധാനമന്ത്രി ഇറ്റലിയിൽ പോയി മിഠായി വിതരണം ചെയ്യുന്ന തിരക്കിലാണെന്നും, സാധാരണ ജനങ്ങൾ പട്ടിണി കിടക്കുമ്പോൾ പ്രധാനമന്ത്രി ചിരിച്ചുകൊണ്ട് റീലുകൾ ഉണ്ടാക്കുകയാണെന്നുമാണ് രാഹുൽ ഗാന്ധി പരിഹസിച്ചത്.
ഇനിചഠെ പ്രധാനപ്പെട്ട ചോദ്യങ്ങൾ ചോദിക്കേണ്ടത്. ഒരു രാജ്യത്തിന്റെ പ്രധാനമന്ത്രി നടത്തുന്ന വിദേശ സന്ദർശനങ്ങൾ വെറുമൊരു റീൽസ് ചെയ്യാനോ സോഷ്യൽ മീഡിയയിൽ കൈയടി വാങ്ങാനോ വേണ്ടിയുള്ളതാണോ? ലോകത്തിലെ ഏറ്റവും ശക്തമായ രാജ്യങ്ങളുമായി ഒപ്പുവെക്കുന്ന ശതകോടികളുടെ വികസന കരാറുകളെ വെറുമൊരു മിഠായി വിതരണ പ്രഹസനമായി കണ്ട് തള്ളിക്കളയാൻ എങ്ങനെയാണ് ഒരു പ്രതിപക്ഷ നേതാവിന് സാധിക്കുന്നത്? എന്തിനും ഏതിനും കുറ്റം കണ്ടുപിടിക്കുക എന്ന രാഷ്ട്രീയ അജണ്ടയ്ക്കപ്പുറം, ഈ യാത്രകൾ കൊണ്ട് ഇന്ത്യയിലെ സാധാരണക്കാർക്ക് എന്ത് ഗുണമാണുണ്ടായതെന്ന് പഠിക്കാൻ രാഹുൽ ഗാന്ധി എപ്പോഴെങ്കിലും ശ്രമിച്ചിട്ടുണ്ടോ?
യഥാർത്ഥത്തിൽ മെയ് 15 മുതൽ മെയ് 20 വരെയുള്ള ദിവസങ്ങൾ കൊണ്ട് പ്രധാനമന്ത്രി നരേന്ദ്ര മോദി ലോകത്തിലെ ഏറ്റവും നിർണ്ണായകമായ അഞ്ച് രാജ്യങ്ങളിലാണ് മിന്നൽ സന്ദർശനം നടത്തിയത്. യു.എ.ഇ, നെതർലൻഡ്സ്, സ്വീഡൻ, നോർവേ, ഇറ്റലി എന്നീ രാജ്യങ്ങളിലെ ഭരണത്തലവന്മാരുമായി അദ്ദേഹം നടത്തിയ ചർച്ചകളും ഒപ്പുവെച്ച കരാറുകളും ഇന്ത്യയുടെ വരും ദശാബ്ദങ്ങളിലെ വികസനത്തെയാണ് നിർണ്ണയിക്കാൻ പോകുന്നത്. എന്താണ് ഈ സന്ദർശനങ്ങളുടെ യഥാർത്ഥ ലക്ഷ്യം? ഓരോ രാജ്യത്തുനിന്നും ഇന്ത്യയ്ക്ക് ലഭിച്ച നേട്ടങ്ങൾ എന്തൊക്കെയാണ്? പ്രതിപക്ഷം ഉന്നയിക്കുന്ന ആരോപണങ്ങളിൽ എത്രത്തോളം സത്യമുണ്ട്? നമുക്കിത് വിശദമായി പരിശോധിക്കാം.നമുക്ക് ഈ യാത്രയുടെ ആദ്യ ദിവസമായ മെയ് 15 മുതൽ കാര്യങ്ങൾ പരിശോധിക്കാം. പ്രധാനമന്ത്രി തന്റെ യാത്രയ്ക്ക് തുടക്കം കുറിച്ചത് ഗൾഫ് മേഖലയിലെ ഇന്ത്യയുടെ ഏറ്റവും വലിയ തന്ത്രപ്രധാന പങ്കാളിയായ യു.എ.ഇയിൽ നിന്നാണ്. യു.എ.ഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാനുമായി പ്രധാനമന്ത്രി നടത്തിയ ചർച്ചകൾ വെറുമൊരു സൌഹൃദ പുതുക്കൽ മാത്രമായിരുന്നില്ല. ഇന്ത്യയിലെ കോടിക്കണക്കിന് വീടുകളിലേക്കും വ്യവസായങ്ങളിലേക്കും ആവശ്യമായ ഊർജ്ജ സുരക്ഷ ഉറപ്പാക്കുന്ന എൽ.എ.ൻ.ജി സംഭരണവുമായി ബന്ധപ്പെട്ട ദീർഘകാല കരാറിലാണ് ഇരുരാജ്യങ്ങളും ഒപ്പുവെച്ചത്.
. കൂടാതെ കപ്പൽ നിർമ്മാണ മേഖലയിലും ഇന്ത്യയിലെ യുവാക്കൾക്ക് ഗൾഫ് രാജ്യങ്ങളിൽ കൂടുതൽ ഉയർന്ന തൊഴിൽ അവസരങ്ങൾ ഉറപ്പാക്കാനും ഈ ഒറ്റ ദിവസം കൊണ്ട് സാധിച്ചു.
യാത്രയുടെ രണ്ടാം ഘട്ടമായി മെയ് 16നും പ്രധാനമന്ത്രി സന്ദർശിച്ചത് യൂറോപ്പിലെ രണ്ട് വലിയ വ്യവസായ ശക്തികളായ നെതർലൻഡ്സ് ആണ് . ഇന്ന് ലോകം മുഴുവൻ നേരിടുന്ന ഏറ്റവും വലിയ പ്രതിസന്ധിയാണ് സെമികണ്ടക്ടർ അല്ലെങ്കിൽ കമ്പ്യൂട്ടർ ചിപ്പുകളുടെ ക്ഷാമം. നമ്മുടെ മൊബൈൽ ഫോൺ മുതൽ കാറുകളിൽ വരെ ഉപയോഗിക്കുന്ന ഈ ചിപ്പുകൾ നിർമ്മിക്കുന്നതിൽ ലോകത്തിൽ ഏറ്റവും മുന്നിൽ നിൽക്കുന്ന രാജ്യമാണ് നെതർലൻഡ്സ്. നെതർലൻഡ്സ് പ്രധാനമന്ത്രി റോബ് ജെറ്റനുമായി മോദി നടത്തിയ ചർച്ചയുടെ പ്രധാന ലക്ഷ്യം ഇന്ത്യയെ ഒരു ആഗോള ചിപ്പ് നിർമ്മാണ ഹബ്ബാക്കി മാറ്റുക എന്നതായിരുന്നു. ഇതിന്റെ ഫലമായി വലിയ നിക്ഷേപങ്ങളാണ് ഇന്ത്യയിലേക്ക് വരാൻ പോകുന്നത്.
തൊട്ടടുത്ത ദിവസം.17 18 സ്വീഡനിലെത്തിയ പ്രധാനമന്ത്രി സ്വീഡിഷ് പ്രധാനമന്ത്രി ഉൾഫ് ക്രിസ്റ്റേഴ്സനുമായി കൂടിക്കാഴ്ച നടത്തി. അവിടെ വെച്ച് യൂറോപ്പിലെ വമ്പൻ വ്യവസായ പ്രമുഖർ പങ്കെടുത്ത വലിയൊരു യോഗത്തിൽ പ്രധാനമന്ത്രി സംസാരിക്കുകയും, ഇന്ത്യയിലെ നിക്ഷേപ സാധ്യതകൾ അവർക്ക് മുന്നിൽ തുറന്നു കാണിക്കുകയും ചെയ്തു. ഹരിത ഊർജ്ജം, അത്യാധുനിക ഫാക്ടറികൾ, സ്റ്റാർട്ടപ്പുകൾ എന്നിവയിലൂടെ ലക്ഷക്കണക്കിന് ഇന്ത്യൻ യുവാക്കൾക്ക് ജോലി ലഭിക്കുന്ന കോടിക്കണക്കിന് ഡോളറിന്റെ നിക്ഷേപ വാഗ്ദാനങ്ങളാണ് ഈ സന്ദർശനം വഴി സ്വീഡൻ ഇന്ത്യയ്ക്ക് നൽകിയത്. വെറും ഒരു കൊണ്ട് യൂറോപ്പിലെ വ്യവസായ ഭീമന്മാരെ ഇന്ത്യയിലേക്ക് ആകർഷിക്കാൻ കഴിഞ്ഞത് ചെറിയൊരു കാര്യമല്ല എന്ന് വിമർശകർ മനസ്സിലാക്കണം
മെയ് 19 തീയതികളിൽ ചരിത്രപരമായ ഒരു നയതന്ത്ര നീക്കത്തിനാണ് ലോകം സാക്ഷ്യം വഹിച്ചത്. കഴിഞ്ഞ 43 വർഷത്തിനിടയിൽ ഒരു ഇന്ത്യൻ പ്രധാനമന്ത്രി പോലും നോർവേ സന്ദർശിച്ചിട്ടില്ല എന്ന വലിയൊരു പോരാട്ടത്തിനാണ് നരേന്ദ്ര മോദി വിരാമമിട്ടത്. ശുദ്ധ ഊർജ്ജവും പ്രേതിരോധ സഹകരണവും അവിടെ ചർച്ച ചെയ്യ പെട്ടു
യാത്രയുടെ അവസാന ഘട്ടമായ മെയ് , 20 ന്ഇറ്റലിയിലെത്തുന്നത്. രാഹുൽ ഗാന്ധി പരിഹസിച്ച ആ ഇറ്റലി സന്ദർശനത്തിൽ, ഇറ്റാലിയൻ പ്രധാനമന്ത്രി ജോർജിയ മെലോണിയുമായി ഒപ്പുവെച്ച സുപ്രധാന കരാറുകൾ എന്തൊക്കെയാണെന്ന് അറിയാമോ? റോമിലെ പര്യടനം അവസാനിപ്പിച്ചുകൊണ്ട്, മോദിയും ഇറ്റാലിയൻ പ്രധാനമന്ത്രി ജോർജിയ മെലോണിയും ഉഭയകക്ഷി ബന്ധങ്ങളെ പ്രത്യേക തന്ത്രപരമായ പങ്കാളിത്തത്തിലേക്ക് ഉയർത്താൻ സമ്മതിച്ചു
സോഷ്യൽ മീഡിയയിൽ ട്രോളന്മാർ ആഘോഷിച്ച ആ മിഠായി വീഡിയോയ്ക്ക് പിന്നിൽ യൂറോപ്പിലെ ഒരു വൻശക്തിയെ ഇന്ത്യയുടെ വിശ്വസ്ത പങ്കാളിയാക്കി മാറ്റിയ കഠിനാധ്വാനത്തിന്റെ കഥയുണ്ട്.
ഇനി രാഹുൽ ഗാന്ധി ഉന്നയിച്ച ഏറ്റവും പ്രധാനപ്പെട്ട ആരോപണത്തിലേക്ക് വരാം. രാജ്യം വലിയൊരു സാമ്പത്തിക കൊടുങ്കാറ്റിലേക്ക് നീങ്ങുകയാണെന്നാണല്ലോ അദ്ദേഹത്തിന്റെ വാദം. നമുക്ക് രാഷ്ട്രീയ പ്രസ്താവനകൾ മാറ്റിവെച്ച് ലോകബാങ്കും (World Bank) അന്താരാഷ്ട്ര നാണയ നിധിയും (IMF) പുറത്തുവിട്ട കൃത്യമായ ആഗോള സാമ്പത്തിക കണക്കുകൾ പരിശോധിക്കാം. ഇന്ന് ലോകത്തിലെ ഭൂരിഭാഗം വികസിത രാജ്യങ്ങളും അമേരിക്കയും യൂറോപ്പും ഉൾപ്പെടെ കടുത്ത സാമ്പത്തിക മാന്ദ്യത്തെ നേരിടുമ്പോൾ, ലോകത്തിൽ ഏറ്റവും വേഗത്തിൽ വളരുന്ന വലിയ സാമ്പത്തിക ശക്തിയായി നിലകൊള്ളുന്നത് നമ്മുടെ ഇന്ത്യയാണ്. ഇന്ത്യയുടെ ജിഡിപി വളർച്ചാ നിരക്ക് ഏഴ് ശതമാനത്തിനടുത്ത് കൃത്യമായി നിലനിൽക്കുന്നുണ്ട്.
പ്രധാനമന്ത്രി നടത്തുന്ന ഇത്തരം വിദേശയാത്രകൾ വഴി ഇന്ത്യയിലേക്ക് ഒഴുകിയെത്തുന്ന നേരിട്ടുള്ള വിദേശ നിക്ഷേപങ്ങളാണ് രാജ്യത്തെ വ്യവസായങ്ങൾ പൂട്ടാതെ സൂക്ഷിക്കുന്നതും യുവാക്കൾക്ക് പുതിയ തൊഴിലവസരങ്ങൾ നൽകുന്നതും. നമ്മുടെ കർഷകർക്ക് അവരുടെ ഉൽപ്പന്നങ്ങൾ വിദേശ വിപണിയിൽ നല്ല വിലയ്ക്ക് വിറ്റഴിക്കാനുള്ള അവസരങ്ങളാണ് ഈ കരാറുകൾ വഴി തുറക്കപ്പെടുന്നത്. ഇതൊന്നും കാണാതെ, വെറും രാഷ്ട്രീയ ലാഭത്തിന് വേണ്ടി രാജ്യം തകർച്ചയിലാണ് എന്ന് നുണ പ്രചരിപ്പിക്കുന്നത് ഒരു ഉത്തരവാദിത്തമുള്ള പ്രതിപക്ഷ നേതാവിന് ചേർന്നതാണോ എന്ന് ജനങ്ങൾ തന്നെ ചിന്തിക്കണം.
ഒരു ജനാധിപത്യ രാജ്യത്തിൽ സർക്കാരിന്റെ വീഴ്ചകളെയും വിലക്കയറ്റത്തെയും വിമർശിക്കാനുള്ള പൂർണ്ണ അവകാശം പ്രതിപക്ഷത്തിനുണ്ട്. എന്നാൽ രാജ്യത്തിന്റെ അന്താരാഷ്ട്ര ബന്ധങ്ങളെയും നയതന്ത്ര വിജയങ്ങളെയും വെറും രാഷ്ട്രീയ താല്പര്യങ്ങൾക്ക് വേണ്ടി മാത്രം അളക്കുന്നത് എത്രത്തോളം ശരിയാണ്? മെയ് 15 മുതൽ 20 വരെ പ്രധാനമന്ത്രി നടത്തിയ യാത്രകൾ വ്യക്തിപരമായ ആഡംബരത്തിനല്ല, മറിച്ച് ലോകരാഷ്ട്രങ്ങൾക്ക് മുന്നിൽ ഭാരതം എന്ന രാജ്യത്തിന്റെ തല ഉയർത്തിപ്പിടിക്കാൻ വേണ്ടിയുള്ളതാണ് എന്ന് വസ്തുതകൾ പരിശോധിച്ചാൽ ആർക്കും മനസ്സിലാകും. ലോകരാജ്യങ്ങൾക്കിടയിൽ ഇന്ന് ഇന്ത്യയ്ക്ക് ലഭിക്കുന്ന ഈ വലിയ ആദരവിന് പിന്നിൽ ഈ ശക്തമായ വിദേശനയം തന്നെയാണ് എന്ന് നമ്മൾ സമ്മതിക്കേണ്ടി വരും.
വിമർശിക്കുന്നവർക്ക് ഇനിയും എന്തും വിമർശിക്കാം, കാരണം ഒരു ജനാധിപത്യ രാജ്യത്തിൽ അതിനുള്ള സ്വാതന്ത്ര്യം എല്ലാവർക്കുമുണ്ട്. എന്നാൽ നമ്മൾ തിരിച്ചറിയേണ്ട ഒരു പരമാർത്ഥമുണ്ട്, പ്രധാനമന്ത്രി നരേന്ദ്ര മോദി വിദേശ രാജ്യങ്ങളിലേക്ക് പോകുന്നത് പലരും ആക്ഷേപിക്കുന്നത് പോലെ വെറുതെ കറങ്ങി നടക്കാനോ വിനോദയാത്രയ്ക്കോ വേണ്ടിയല്ല. മറിച്ച്, നമ്മുടെ ഭാരതത്തെ ലോകത്തിന്റെ നെറുകയിൽ എത്തിക്കാനും, വരുംതലമുറയുടെ ഭാവി സുരക്ഷിതമാക്കാനും വേണ്ടിയുള്ള നിരന്തരമായ ഓട്ടത്തിലാണ്
