കേരളം കഴിഞ്ഞ ദിവസം സാക്ഷ്യം വഹിച്ച അക്രമം കേവലം ഒരു രാഷ്ട്രീയ പ്രതിഷേധമായിരുന്നില്ല, മറിച്ച് നിയമനടപടികളെ അട്ടിമറിക്കാൻ ആസൂത്രണം ചെയ്ത ഒരു കലാപമായിരുന്നു. മാസപ്പടി വിവാദവുമായി ബന്ധപ്പെട്ട നിർണ്ണായക റെയ്ഡ് നടപടികൾ പൂർത്തിയാക്കി ഇ.ഡി ഉദ്യോഗസ്ഥർ പുറത്തിറങ്ങുമ്പോഴാണ്, മുൻകൂട്ടി തയ്യാറാക്കിയെന്നോണം ഒരുകൂട്ടം ആളുകൾ തടഞ്ഞുവെച്ച് ആക്രമിച്ചത്. നിയമപാലകരെ ഭയപ്പെടുത്തുക,ശ്രെമിക്കുക അന്വേഷണ ഉദ്യോഗസ്ഥരെ ശ്രെമിക്കുക ആക്രമിക്കുക, ഔദ്യോഗിക വാഹനങ്ങൾ തകർക്കുക—ഈ നടപടികൾ ഏത് നിയമത്തിന്റെ പരിധിയിലാണ് വരുന്നത്? ഒരു വശത്ത് നീതിപീഠത്തെയും നിയമത്തെയും കുറിച്ച് സംസാരിക്കുന്നവർ, മറുവശത്ത് തെരുവിൽ കാണിക്കുന്നത് വധശ്രമത്തിന് സമാനമായ ഗുണ്ടാവിളയാട്ടമാണ്. ബംഗാളിലെ സന്ദേശ്ഖാലിയിൽ ഇ.ഡി ഉദ്യോഗസ്ഥരെ ആക്രമിച്ച സംഭവത്തിൽ നിയമം എങ്ങനെയാണ് പ്രതികരിച്ചത് എന്നത് നമ്മൾ കണ്ടതാണ്. സമാനമായ ഒരു സാഹചര്യത്തിലേക്കാണോ കേരളം നീങ്ങുന്നത്? എന്തുകൊണ്ടാണ് പോലീസ് ഉദ്യോഗസ്ഥർ നോക്കുകുത്തികളായത്? ഈ അക്രമത്തിന് പിന്നിലെ അജണ്ടകളും അതിന്റെ പ്രത്യാഘാതങ്ങളും നമ്മൾ ഇന്ന് വിശകലനം ചെയ്യുകയാണ്.
റെയ്ഡ് നടന്നത് മാസപ്പടി വിവാദവുമായി ബന്ധപ്പെട്ട നിർണ്ണായക രേഖകൾ ശേഖരിക്കാൻ ലക്ഷ്യമിട്ടാണ്. നടപടികൾ പൂർത്തിയാക്കി മടങ്ങുന്ന ഉദ്യോഗസ്ഥരെ, മുൻകൂട്ടി നിശ്ചയിച്ചതുപോലെ റോഡിൽ തടയുകയായിരുന്നു. വീഡിയോ ദൃശ്യങ്ങളിൽ നിന്ന് വ്യക്തമാകുന്നത്, ഇതൊരു പ്രതിഷേധം എന്നതിലുപരി വാഹനത്തിന് നേരെ അക്രമികൾ നടത്തിയത് വധശ്രമം തന്നെയാണ്. ഹെൽമെറ്റ് ഉപയോഗിച്ച് ചില്ലുകൾ തകർക്കുമ്പോൾ, വാഹനത്തിനുള്ളിൽ ഉണ്ടായിരുന്ന ഉദ്യോഗസ്ഥരുടെ സുരക്ഷയെക്കുറിച്ച് ആ അക്രമിസംഘം ഒട്ടും ചിന്തിച്ചിരുന്നില്ല. ഒരു മുൻ മുഖ്യമന്ത്രിയുടെ വസതിക്ക് സമീപം ഇത്തരമൊരു സംഭവം നടന്നിട്ടും, നിയമപാലകർ കാഴ്ചക്കാരായി നിന്നത് വലിയൊരു ചോദ്യചിഹ്നമാണ്. കേരളത്തിന്റെ രാഷ്ട്രീയ ചരിത്രത്തിൽ അന്വേഷണ ഏജൻസികളെ ഇത്രത്തോളം നിന്ദ്യമായ രീതിയിൽ അക്രമിച്ച മറ്റൊരു സംഭവം അടുത്ത കാലത്തൊന്നും ഉണ്ടായിട്ടില്ല.
ഈ സംഭവം വെറുമൊരു ക്രമസമാധാന പ്രശ്നമായി കാണാൻ കഴിയില്ല. ഒരു കേന്ദ്ര അന്വേഷണ ഏജൻസിയെ ഭയപ്പെടുത്താൻ ശ്രമിച്ചു എന്നത് വലിയ പ്രത്യാഘാതങ്ങൾ ഉണ്ടാക്കും. കല്ലെറിഞ്ഞവരുടെയും വാഹനം തകർത്തവരുടെയും സി.സി.ടി.വി ദൃശ്യങ്ങൾ ഇപ്പോൾ ഇ.ഡിയുടെയും കേന്ദ്ര ഏജൻസികളുടെയും കൈവശമുണ്ട്. സാങ്കേതിക വിദ്യയുടെ സഹായത്തോടെ, ഓരോ അക്രമിയുടെയും നീക്കങ്ങൾ ഇപ്പോൾ സ്കാനറിലാണ്. ഇവരെ തിരിച്ചറിഞ്ഞ് നടപടി എടുക്കാൻ തുടങ്ങിക്കഴിഞ്ഞു. നിയമനടപടികളിൽ നിന്നും ഈ ദൃശ്യങ്ങൾ ഉപയോഗിച്ച് ആർക്കും രക്ഷപ്പെടാൻ കഴിയില്ല. “ഞാൻ അവിടെ ഉണ്ടായിരുന്നില്ല” എന്ന് പറഞ്ഞാൽ, നിങ്ങളുടെ തന്നെ മൊബൈൽ ലൊക്കേഷനും ദൃശ്യങ്ങളും സത്യം പറയും. തെളിവ് നശിപ്പിക്കാൻ ശ്രമിച്ചതിലൂടെ നിങ്ങൾ ജാമ്യം ലഭിക്കാനുള്ള അവസാന പഴുതും അടച്ചുകഴിഞ്ഞു. നിയമം ഇ.ഡി വഴി നിങ്ങൾക്കൊരു പൂട്ടുവീഴ്ത്തിക്കഴിഞ്ഞു എന്ന് പറയുന്നതിൽ അതിശയോക്തിയില്ല.
2024 ജനുവരിയിൽ പശ്ചിമ ബംഗാളിലെ സന്ദേശ്ഖാലിയിൽ റേഷൻ കുംഭകോണം അന്വേഷിക്കാൻ പോയ ഇ.ഡി ഉദ്യോഗസ്ഥരെയും കേന്ദ്ര സേനയെയും ക്രൂരമായി ആക്രമിച്ച സംഭവമുണ്ടായി. ആ കേസിലെ മുഖ്യപ്രതി ഷെയ്ഖ് ഷാജഹാൻ ആണ്. എന്നാൽ അവിടെ സംഭവിച്ചത് എന്താണെന്ന് വെച്ചാൽ, ആ ആക്രമണം നടത്തിയ അന്ന് മുതൽ ഇന്നു വരെ, അതായത് 2026 മാർച്ചിലും ഷാജഹാന് ജാമ്യം ലഭിച്ചിട്ടില്ല. കോടതികൾ തുടർച്ചയായി ജാമ്യം നിഷേധിക്കുകയാണ്. സാക്ഷികളെ സ്വാധീനിക്കും, തെളിവ് നശിപ്പിക്കും എന്ന സി.ബി.ഐയുടെ വാദം കോടതികൾ അപ്പാടെ അംഗീകരിച്ചു. അതേ അവസ്ഥയിലേക്കാണ് കേരളത്തിലെ പ്രതികളും നീങ്ങുന്നത്.
എന്തുകൊണ്ടാണ് ഇത് ബംഗാൾ മോഡൽ എന്ന് വിശേഷിപ്പിക്കുന്നത്? സന്ദേശ്ഖാലിയിൽ നിയമത്തെ വെല്ലുവിളിച്ചവരുടെ ഭാവി ഇന്ന് ജയിലിനുള്ളിലാണ്. അന്വേഷണ ഏജൻസികളെ ആക്രമിക്കുന്നത് കേവലം ഒരു തദ്ദേശീയ പ്രശ്നമല്ല, അത് രാജ്യദ്രോഹപരമായ ഒരു കുറ്റകൃത്യമായിട്ടാണ് നിയമം കാണുന്നത്. പാർട്ടിയുടെ പേര് പറഞ്ഞാൽ കേസിൽ നിന്ന് രക്ഷപ്പെടാം എന്ന് ആരെങ്കിലും വിശ്വസിക്കുന്നുണ്ടെങ്കിൽ, അവർ വലിയൊരു വ്യാമോഹത്തിലാണ്. ബംഗാളിൽ നിയമം നടപ്പാക്കിയ അതേ വേഗതയിൽ തന്നെ ഇവിടെയും കാര്യങ്ങൾ നീങ്ങുന്നുണ്ട്. അന്വേഷണ ഏജൻസികൾക്ക് നേരെ കല്ലെറിഞ്ഞാൽ, തിരിച്ചടിക്കുന്നത് നിയമമായിരിക്കും. ആ തിരിച്ചടിയിൽ പല അണികളും തകർന്നുപോകും. അന്ന് നേതാക്കൾ സുരക്ഷിതരാകാൻ വേണ്ടി നിങ്ങളെ തള്ളിപ്പറയുമെന്ന് ഉറപ്പാണ്.
പ്രവർത്തകരുടെ ഈ നടപടിയെ പാർട്ടി നേതൃത്വം എങ്ങനെ നോക്കിക്കാണുന്നു എന്നത് വലിയൊരു ചോദ്യമാണ്. ഒരു ജനാധിപത്യ സമൂഹത്തിൽ അന്വേഷണത്തെ ചോദ്യം ചെയ്യാൻ നിയമപരമായ വഴികളുണ്ട്. എന്നാൽ ആ വഴികൾ ഉപേക്ഷിച്ച് തെരുവിലെ ഗുണ്ടാപ്പണിയിലേക്ക് തിരിഞ്ഞത് എന്തിനാണ്? ഇത് പാർട്ടിയുടെ അറിവോടെയാണോ? അതോ അണികൾ സ്വയം കൈവിട്ടതാണോ? കേരളത്തിന്റെ രാഷ്ട്രീയ പാരമ്പര്യത്തിന് ഒട്ടും യോജിക്കാത്ത ഈ നടപടി കേരളീയ സമൂഹത്തെ ഞെട്ടിച്ചിരിക്കുകയാണ്. കേസ് സി.ബി.ഐ ഏറ്റെടുക്കാനുള്ള സാധ്യതകൾ തള്ളിക്കളയാനാവില്ല. അന്വേഷണം അട്ടിമറിക്കാൻ ശ്രമിച്ചാൽ അത് കൂടുതൽ കുരുക്കിലേക്ക് നയിക്കും. നിയമം നിയമത്തിന്റെ വഴിക്ക് തന്നെ നീങ്ങും. നിയമത്തെ ആര് വെല്ലുവിളിച്ചാലും അവർക്ക് ശിക്ഷ ഉറപ്പാണെന്നതിന്റെ ഉദാഹരണമായിരിക്കും ഈ കേസിലെ വരാനിരിക്കുന്ന നടപടികൾ. സ്വന്തം നാടിന്റെ അന്തസ്സ് കളഞ്ഞ്, നിയമത്തെ വെല്ലുവിളിക്കുന്ന ഈ അക്രമ രാഷ്ട്രീയം ഇനിയെങ്കിലും ഉപേക്ഷിക്കാൻ അണികൾ തയ്യാറാകണം. അല്ലാത്തപക്ഷം, വരാനിരിക്കുന്നത് വലിയൊരു പതനമായിരിക്കും.
എന്നാൽ, നിയമം ഉറങ്ങുന്നില്ലെന്ന് തെളിയിക്കുന്നതാണ് ഇപ്പോൾ പുറത്തുവരുന്ന വാർത്തകൾ. അക്രമം നടന്നതിന്റെ തൊട്ടുപിന്നാലെ തന്നെ, ഇ.ഡി കൈമാറിയ കൃത്യമായ തെളിവുകളുടെ അടിസ്ഥാനത്തിൽ പ്രതികളെ അറസ്റ്റ് ചെയ്തുതുടങ്ങി. ഈ കേസിൽ നിയമത്തിന് ഒളിച്ചുകളിക്കാൻ പ്രതികൾക്ക് ഒരു അവസരവും ഇ.ഡി നൽകിയില്ല. അക്രമത്തിന്റെ ഓരോ സെക്കന്റും പകൽ പോലെ വ്യക്തമാണ്. സി.സി.ടി.വി ദൃശ്യങ്ങൾക്കപ്പുറം, സംഭവസ്ഥലത്തുണ്ടായിരുന്ന മാധ്യമപ്രവർത്തകരുടെ ക്യാമറകളിൽ പതിഞ്ഞ ദൃശ്യങ്ങൾ ഇന്ന് ഇ.ഡിക്ക് ഏറ്റവും വലിയ തെളിവുകളായി മാറിയിരിക്കുകയാണ്. ഓരോ അക്രമിയുടെയും മുഖം ആ ദൃശ്യങ്ങളിൽ നിന്ന് വ്യക്തമായി തിരിച്ചറിഞ്ഞു കഴിഞ്ഞു. വെറുമൊരു പ്രതിഷേധമായി ഇതിനെ മാറ്റിമറിക്കാൻ പ്രതിഭാഗം ശ്രമിച്ചെങ്കിലും, മാധ്യമദൃശ്യങ്ങൾ ആ കള്ളം പൊളിച്ചു. കല്ലെറിഞ്ഞവരും ഹെൽമെറ്റ് കൊണ്ട് ആക്രമിച്ചവരും ഇപ്പോൾ നിയമത്തിന്റെ പിടിയിലാണ്. ഇനിയും നിരവധി പേരുടെ അറസ്റ്റ് വരാനിരിക്കുന്നതേയുള്ളൂ.
