ചൈനയുടെ അഹങ്കാരത്തിന് കടിഞ്ഞാണിടാൻ ഫിലിപ്പീൻസ് ഇന്ത്യയുടെ മുന്നിൽ കൈനീട്ടിയിരിക്കുകയാണ്.

ഇന്ത്യയുടെ അഭിമാനമായ ബ്രഹ്മോസ് സൂപ്പർസോണിക് ക്രൂയിസ് മിസൈലിന്റെ ആദ്യ വിദേശ ഉപഭോക്താവായി ഫിലിപ്പീൻസ് മാറിയപ്പോൾ തന്നെ ചൈന ഒന്ന് ഞെട്ടിയിരുന്നു. അന്ന് വാങ്ങിയ മൂന്ന് ബ്രഹ്മോസ് ബാറ്ററികളുടെ പ്രവർത്തനം നേരിട്ട് കണ്ടതോടെ ഫിലിപ്പീൻസ് സൈന്യം ശരിക്കും അമ്പരന്നുപോയി. ശബ്ദത്തേക്കാൾ മൂന്നിരട്ടി വേഗതയിൽ കുതിച്ചുപാഞ്ഞ്, ശത്രുവിന്റെ റഡാറുകളുടെ കണ്ണുവെട്ടിച്ച്, കൃത്യമായി ലക്ഷ്യസ്ഥാനം തകർക്കുന്ന ബ്രഹ്മോസിന്റെ പ്രഹരശേഷി ഫിലിപ്പീൻസിന് നൽകിയ ആത്മവിശ്വാസം ചെറുതല്ല. പ്രത്യേകിച്ച് ഓപ്പറേഷൻ സിന്ദൂരിൽ ബ്രഹ്മോസ് കാഴ്ചവെച്ച അവിശ്വസനീയമായ പ്രകടനം ലോകരാജ്യങ്ങളുടെ മുഴുവൻ കണ്ണ് തുറപ്പിച്ചു. ‘ഒറ്റ അടി, തീർന്നു കഥ’ എന്ന രീതിയിലുള്ള ബ്രഹ്മോസിന്റെ ആ കൃത്യത കണ്ടതോടെ ഫിലിപ്പീൻസ് തീരുമാനിച്ചു, ഇനി ചൈനയെ പേടിക്കേണ്ടതില്ല, ഇന്ത്യയുടെ ഈ ബ്രഹ്മാസ്ത്രം ഇനിയും വേണം. അങ്ങനെയാണ് കുറഞ്ഞത് ആറ് അധിക ബ്രഹ്മോസ് ബാറ്ററികൾ കൂടി സ്വന്തമാക്കാൻ ഫിലിപ്പീൻസ് ഇപ്പോൾ ഇന്ത്യയുമായി നിർണ്ണായക ചർച്ചകൾ നടത്തുന്നത്.
ഇവിടെയാണ് ചൈനയ്ക്ക് ഏറ്റവും വലിയ പണി കിട്ടാൻ പോകുന്നത്. കരയിൽ നിന്ന് വിക്ഷേപിക്കുന്ന ബ്രഹ്മോസിന് പുറമെ, ഫിലിപ്പീൻസിന്റെ നാവിക കപ്പലുകളിൽ കൂടി ബ്രഹ്മോസ് ഘടിപ്പിക്കാനുള്ള തന്ത്രപ്രധാനമായ നിർദ്ദേശം ഇന്ത്യ മുന്നോട്ടുവെച്ചിരിക്കുകയാണ്. ഒന്ന് ആലോചിച്ചു നോക്കൂ, ദക്ഷിണ ചൈനാ കടലിലൂടെ റോന്ത് ചുറ്റുന്ന ഫിലിപ്പീൻസ് യുദ്ധക്കപ്പലുകളിൽ ഇന്ത്യയുടെ ബ്രഹ്മോസ് മിസൈലുകൾ കൂടി ഘടിപ്പിച്ചാൽ എന്തായിരിക്കും അവസ്ഥ? ചൈനയുടെ ഏതൊരു കപ്പലിനും ഇനി ഫിലിപ്പീൻസിന്റെ അതിർത്തിയിലേക്ക് ഒന്ന് എത്തിനോക്കാൻ പോലും ധൈര്യമുണ്ടാകില്ല. കാരണം, അപ്പുറത്ത് നിൽക്കുന്നത് പഴയ ഫിലിപ്പീൻസല്ല, ഇന്ത്യയുടെ ബ്രഹ്മോസ് കരുത്തുള്ള ഫിലിപ്പീൻസാണ്. ചൈനീസ് കപ്പലുകൾക്ക് നേരെ ഇനി ജലപീരങ്കി പ്രയോഗിക്കാൻ വന്നാൽ, തിരിച്ചു കിട്ടുന്നത് ചൈനയുടെ കപ്പലുകളെ കടലിന്റെ അടിത്തട്ടിലേക്ക് അയക്കുന്ന ബ്രഹ്മോസ് ആയിരിക്കും എന്ന ഭയം ഇപ്പോൾ തന്നെ ചൈനീസ് നാവികസേനയെ പിടികൂടിക്കഴിഞ്ഞു.
പക്ഷേ, കഥ അവിടെയും തീരുന്നില്ല സുഹൃത്തുക്കളെ! ബ്രഹ്മോസ് മാത്രം പോരാ, ആകാശത്തുനിന്നും കരയിൽ നിന്നും ചൈനയെ വരിഞ്ഞുമുറുക്കാൻ ഇന്ത്യയുടെ മറ്റ് രണ്ട് വമ്പൻ ആയുധങ്ങൾ കൂടി ഫിലിപ്പീൻസ് സ്വന്തമാക്കാൻ പോവുകയാണ്. അതിലൊന്നാണ് ഇന്ത്യയുടെ സ്വന്തം ‘ആകാശ്’ വ്യോമപ്രതിരോധ സംവിധാനം. അഞ്ച് റെജിമെന്റുകൾക്കുള്ള ആകാശ് മിസൈൽ സംവിധാനങ്ങൾ വാങ്ങാനാണ് ഫിലിപ്പീൻസ് ഒരുങ്ങുന്നത്. ആകാശത്തിലൂടെ പറന്നുവരുന്ന ശത്രുവിന്റെ ഏത് യുദ്ധവിമാനത്തെയും, ഡ്രോണിനെയും, മിസൈലിനെയും ആകാശത്തുവെച്ചുതന്നെ ചാരമാക്കാൻ കെൽപ്പുള്ള ഇന്ത്യയുടെ ഉരുക്കുകോട്ടയാണ് ആകാശ്. ഫിലിപ്പീൻസിന്റെ കരസേനയ്ക്കും നാവികസേനയ്ക്കും വ്യോമസേനയ്ക്കും ഒരുപോലെ കവചമൊരുക്കാൻ ആകാശ് എത്തുന്നതോടെ, ചൈനയുടെ യുദ്ധവിമാനങ്ങൾക്ക് ഫിലിപ്പീൻസിന്റെ ആകാശത്തേക്ക് പറക്കാൻ പോലും കഴിയാത്ത അവസ്ഥ വരും. സ്വന്തം ബ്രഹ്മോസ് മിസൈൽ കേന്ദ്രങ്ങളെ സംരക്ഷിക്കാൻ ഇന്ത്യയുടെ തന്നെ ആകാശ് കവചം തീർക്കുമ്പോൾ, ചൈനയുടെ എല്ലാ വ്യോമാക്രമണ പദ്ധതികളും വെള്ളത്തിൽ വരച്ച വര പോലെയാകും.
ഇനി മൂന്നാമത്തെ ആയുധം ഏതാണെന്ന് കേട്ടാൽ ചൈനയുടെ നെഞ്ചിടിപ്പ് ഇനിയും കൂടും. അതാണ് ഇന്ത്യയുടെ ‘പിനാക’ മൾട്ടി-ബാരൽ റോക്കറ്റ് ലോഞ്ചർ! ശിവഭഗവാന്റെ വില്ലിന്റെ പേരിലുള്ള ഈ സംഹാരതാണ്ഡവം വെറും നാൽപ്പത്തിനാല് സെക്കൻഡുകൾ കൊണ്ട് പന്ത്രണ്ട് റോക്കറ്റുകൾ തുടർച്ചയായി തൊടുത്തുവിട്ട് ശത്രുപാളയത്തെ അക്ഷരാർത്ഥത്തിൽ ഭസ്മമാക്കാൻ ശേഷിയുള്ളതാണ്. പിനാകയുടെ ഒന്നിലധികം ബാറ്ററികൾ കൂടി ഫിലിപ്പീൻസിന്റെ കൈകളിലേക്ക് എത്തുന്നതോടെ, കരയിലും കടലിലും ആകാശത്തും ഇന്ത്യൻ ആയുധങ്ങളുടെ ഒരു വൻമതിൽ തന്നെയാണ് ചൈനയ്ക്ക് മുന്നിൽ ഉയരാൻ പോകുന്നത്. ചൈനയുടെ വിലകുറഞ്ഞ, നിലവാരമില്ലാത്ത ആയുധങ്ങൾ വാങ്ങി പല രാജ്യങ്ങളും ഇന്ന് തലയിൽ കൈവെച്ച് ഇരിക്കുമ്പോഴാണ്, ലോകത്തിലെ ഏറ്റവും മികച്ച സാങ്കേതികവിദ്യയുള്ള ഇന്ത്യൻ ആയുധങ്ങൾക്കായി ലോകരാജ്യങ്ങൾ ക്യൂ നിൽക്കുന്നത്. ‘ചൈനീസ് സാധനങ്ങൾക്ക് ഗ്യാരന്റി ഇല്ല, പക്ഷേ ഇന്ത്യൻ ആയുധങ്ങൾക്ക് നൂറു ശതമാനം ഗ്യാരന്റിയുണ്ട്’ എന്ന് ലോകം ഇന്ന് പരസ്യമായി സമ്മതിക്കുന്നു.

Leave a Reply

Your email address will not be published. Required fields are marked *