നിങ്ങൾ വിചാരിച്ചോ… അത് അവസാനിച്ചെന്ന്? നിങ്ങൾ വിചാരിച്ചോ… ഒരു സംസ്ഥാന ഭരണം കയ്യിൽ കിട്ടിയാലോ, അല്ലെങ്കിൽ ഹൈക്കമാൻഡ് വന്ന് താക്കീത് നൽകിയാലോ അത് ഇല്ലാതായിപ്പോകുമെന്ന്? എങ്കിൽ നിങ്ങൾക്ക് തെറ്റി! ലോകം എത്രയൊക്കെ മാറിയാലും, സാങ്കേതികവിദ്യ എവിടെയൊക്കെ എത്തിയാലും, പ്രകൃതി നിയമം പോലെ മാറ്റമില്ലാതെ തുടരുന്ന ഒന്നുണ്ട് ഈ ഭൂമിയിൽ. അതാണ്… അങ്ങോട്ടുമിങ്ങോട്ടും പാരവെപ്പും ഗ്രൂപ്പിസവും തമ്മിലടിയും!
നമ്മളൊക്കെ വിചാരിച്ചത് എന്താ? ഈ പരസ്പരം ചെളിവാരിയെറിയലും, സ്വന്തം അണികളെക്കൊണ്ട് മറ്റ് നേതാക്കളെ കൂവിപ്പിക്കലുമൊക്കെ നമ്മുടെ കേരളത്തിലെ ഖദറിട്ട നേതാക്കന്മാരുടെ മാത്രം കുത്തക അവകാശമാണെന്നല്ലേ? കെ. സുധാകരൻ ഒരു വഴിക്ക് നോക്കുമ്പോൾ വി. ഡി. സതീശൻ മറു വഴിക്ക് നോക്കുന്നു, രമേശ് ചെന്നിത്തല ഗ്രൂപ്പ് യോഗം വിളിക്കുമ്പോൾ കെസി ഗ്രൂപ്പിന്റെ ആൾക്കാര് അടുത്ത തന്ത്രം മെനയുന്നു. നമ്മൾ ഇതൊക്കെ കണ്ട് മലയാളി കോൺഗ്രസുകാരെ മാത്രം അങ്ങ് കുറ്റം പറഞ്ഞു.
പക്ഷേ, സാക്ഷാൽ കാശ്മീർ തൊട്ട് കന്യാകുമാരി വരെയുള്ള കോൺഗ്രസുകാരന്റെ രക്തത്തിൽ അലിഞ്ഞുചേർന്ന ഒരു വികാരമുണ്ട്—അതാണ് ‘തമ്മിലടി’. അതിന് അതിർവരമ്പുകളില്ല, ഭാഷാ വ്യത്യാസമില്ല. ഇപ്പോഴിതാ നമ്മുടെ തൊട്ടയൽപക്കത്ത്, കന്നഡ മണ്ണിൽ നിന്ന് വലിയൊരു സ്ഫോടനം നടന്നിരിക്കുകയാണ്. അതും സാധാരണക്കാരല്ല, ഡൽഹിയിലെ സാക്ഷാൽ വലിയേട്ടൻ വന്ന് മൈക്കിലൂടെ അലറിയ അലർച്ചയിലാണ് ഇപ്പോഴും അവിടുത്തെ നേതാക്കളുടെ ചെവി അടഞ്ഞു ഇരിക്കുന്നത്! അണികളെ നോക്കി നേതാവ് വിളിച്ച ആ വിളി… അതാണ് ഇപ്പോഴത്തെ ട്രെൻഡിങ്. എന്താണ് ആ വിളി? ആരാണ് വിളിച്ചത്? എന്തിനാണ് വിളിച്ചത്? നമുക്കൊന്ന് ഇഴകീറി പരിശോധിക്കാം.
സംഭവം നടന്നത് കഴിഞ്ഞ ജൂൺ 21-നാണ്. കളം ബംഗളൂരുവാണ്. കോൺഗ്രസിന്റെ ‘സങ്കൽപ സമാവേശം’ എന്ന വലിയൊരു ഒഫീഷ്യൽ മീറ്റിംഗ് നടക്കുകയാണ്. സ്റ്റേജിൽ നോക്കുമ്പോൾ വമ്പൻ സ്രാവുകളുണ്ട്. എ.ഐ.സി.സി അധ്യക്ഷൻ മല്ലികാർജുൻ ഖാർഗെ ജി നടുവിലിരിക്കുന്നു, ഒരു വശത്ത് പുതിയ മുഖ്യമന്ത്രി ഡി. കെ. ശിവകുമാർ, മറു വശത്ത് മുൻ മുഖ്യമന്ത്രി സിദ്ധരാമയ്യ. എല്ലാം വളരെ ശാന്തമായി, ഗാന്ധിയൻ തത്വങ്ങൾ അനുസരിച്ച് മുന്നോട്ട് പോകുകയായിരുന്നു.
പക്ഷേ, കോൺഗ്രസുകാർക്ക് ഒരു യോഗം ശാന്തമായി കണ്ട് തീർക്കാൻ പറ്റിയാൽ അത് കോൺഗ്രസ് അല്ലാതായിപ്പോകില്ലേ? സ്റ്റേജിന് താഴെ ഇരുന്ന പാവം ഡി. കെ. ശിവകുമാറിന്റെ അണികൾക്ക് പെട്ടെന്ന് ‘ഗ്രൂപ്പ് ബോധം’ ഉണർന്നു. മൂപ്പർ ഇപ്പോഴല്ലേ പുതിയ മുഖ്യമന്ത്രിയായി സത്യപ്രതിജ്ഞ ചെയ്തത്, അപ്പോ പിന്നെ അണികൾക്ക് ആവേശം കൂടും. അവർ എഴുന്നേറ്റ് നിന്ന് തൊണ്ടപൊട്ടുമാറുച്ചത്തിൽ മുദ്രാവാക്യം വിളി തുടങ്ങി: “ഡി കെ… ഡി കെ… കർണാടകയുടെ സിങ്കം ഡി കെ…”!
സ്റ്റേജിലിരുന്ന മുൻ മുഖ്യമന്ത്രി സിദ്ധരാമയ്യയുടെ മുഖം അതോടെ കറുത്തു. മുഖ്യമന്ത്രി ഡി. കെ. ശിവകുമാർ അണികളോട് ‘മിണ്ടാതിരിക്ക്… മിണ്ടാതിരിക്ക്’ എന്ന് കൈകൊണ്ട് കാണിക്കുന്നുണ്ടെങ്കിലും ഉള്ളിൽ മൂപ്പർക്ക് ഒരു ചെറിയ സന്തോഷം കാണും—‘കണ്ടോടാ എന്റെ പവർ, ഞാൻ മുഖ്യമന്ത്രിയായിട്ടും എന്റെ അണികളുടെ ആവേശം കുറഞ്ഞിട്ടില്ല’ എന്ന ഭാവത്തിൽ. പക്ഷേ, ഇവിടെയാണ് കളി തിരിഞ്ഞത്!
പ്രവർത്തകരുടെ ഈ അച്ചടക്കമില്ലായ്മ കണ്ട് കലിപ്പായ സാക്ഷാൽ മല്ലികാർജുൻ ഖാർഗെ മൈക്ക് കയ്യിലെടുത്തു. എന്നിട്ട് സ്റ്റേജിൽ നിന്ന് അലറിയ അലർച്ച കേട്ട് ഡൽഹി വരെ നടുങ്ങിപ്പോയി! അദ്ദേഹം കന്നഡയിൽ ആക്രോശിച്ചു: “മിണ്ടാതിരിക്കൂ! താഴെയിരിക്കൂ. രാജ്യം മുഴുവൻ നിങ്ങളുടെ കൈകളിൽ വന്നതുപോലെയാണല്ലോ പെരുമാറുന്നത്, ഉപയോഗശൂന്യരായ കൂട്ടരേ!” എന്ന്!
ആഹാ… എന്തൊരു മാസ്സ് ഡയലോഗ്! സ്വന്തം വോട്ടർമാരെയും പാർട്ടിയെ ജയിപ്പിച്ച പ്രവർത്തകരെയും പരസ്യമായി ‘ഉപയോഗശൂന്യർ’ എന്ന് വിശേഷിപ്പിക്കാൻ കോൺഗ്രസ് പാർട്ടി അധ്യക്ഷന് കഴിഞ്ഞില്ലെങ്കിലേ അത്ഭുതമുള്ളൂ. ജനങ്ങൾ ചെയ്ത തെറ്റെന്താ? പുതിയ മുഖ്യമന്ത്രിയെ ഒന്ന് ജയ് വിളിച്ചു പൊക്കിപ്പറഞ്ഞു, അത്രയല്ലേ ഉള്ളൂ?
നമ്മൾ ചിന്തിക്കേണ്ടത്, കോൺഗ്രസ് എന്തുകൊണ്ടാണ് ഇത്രയും വർഷമായിട്ടും അവരുടെ ഈ ശൈലി മാറ്റാത്തത് എന്നാണ്? ഖാർഗെ ജി അവിടെക്കൊണ്ടും നിർത്തിയില്ല. അദ്ദേഹം ചോദിക്കുകയാണ്: “ഒരാൾ വന്ന് ഒരു പേര് വിളിക്കുന്നു, മറ്റൊരാൾ വന്ന് വേറെ പേര് വിളിക്കുന്നു. അങ്ങനെയാണെങ്കിൽ ബാക്കിയുള്ളവർ ഇവിടെ വന്നിരിക്കുന്നത് നിങ്ങളുടെ മാലിന്യം തുടച്ചുമാറ്റാൻ മാത്രമാണോ?” എന്ന്.
ഖാർഗെ ജി… അതാണ് കോൺഗ്രസിന്റെ ബ്യൂട്ടി! അത് നിങ്ങൾക്ക് ഇപ്പോഴും മനസ്സിലായിട്ടില്ലേ? കോൺഗ്രസ് എന്നാൽ ഒരു ഗ്രൂപ്പ് നേതാവ് സംസാരിക്കുമ്പോൾ അടുത്ത ഗ്രൂപ്പുകാരൻ ചുമയ്ക്കണം, സ്വന്തം നേതാവിനെ കണ്ടാൽ മറ്റുള്ളവരുടെ ചെവി അടിച്ചുപോകുന്ന രീതിയിൽ മുദ്രാവാക്യം വിളിക്കണം. ഇതല്ലേ അന്നും ഇന്നും നിങ്ങളുടെ പാർട്ടി സംസ്കാരം?
കർണാടകയിൽ 2023-ൽ അധികാരം കിട്ടിയ അന്ന് തൊട്ട് തുടങ്ങിയതാണ് ഈ ‘കസേര കളി’. സിദ്ധരാമയ്യയ്ക്ക് മുഖ്യമന്ത്രി കസേരയിൽ നിന്ന് എഴുന്നേൽക്കാൻ ഒട്ടും താല്പര്യമില്ലായിരുന്നു. ഒടുവിൽ കടുത്ത സമ്മർദ്ദത്തിന് വഴങ്ങി ഈ കഴിഞ്ഞ മെയ് മാസത്തിലാണ് സിദ്ധരാമയ്യ രാജി വെച്ചതും, ജൂണിൽ ഡി. കെ. ശിവകുമാർ മുഖ്യമന്ത്രി കസേരയിൽ ഇരുന്നതും. കസേര മാറിയെങ്കിലും കോൺഗ്രസിലെ ഗ്രൂപ്പ് മാറിയിട്ടില്ല. ഹൈക്കമാൻഡ് ഡൽഹിയിൽ നിന്ന് വന്ന് രണ്ടുപേരെയും കെട്ടിപ്പിടിച്ച് ‘എല്ലാം ശുഭം’ എന്ന് പറഞ്ഞ് ഫോട്ടോ എടുപ്പിച്ച് സോഷ്യൽ മീഡിയയിൽ ഇടും. പക്ഷേ ആ ഫ്ലൈറ്റ് ബംഗളൂരുവിൽ ലാൻഡ് ചെയ്യുമ്പോഴേക്കും അടുത്ത പാര പണിതു കഴിഞ്ഞിരിക്കും!
കേരളത്തിലെ ഗ്രൂപ്പ് കളി കണ്ട് നമ്മൾ തലപുകക്കുമ്പോഴാണ് കർണാടകയിൽ കോൺഗ്രസ് ദേശീയ അധ്യക്ഷന്റെ മുന്നിൽ വെച്ച് തന്നെ ഈ കോലാഹലം നടക്കുന്നത്. അതായത്, ഇന്ത്യയിൽ എവിടെയൊക്കെ കോൺഗ്രസിന് ഭരണം കിട്ടുന്നോ, അവിടെയൊക്കെ ജനങ്ങളെ ഭരിക്കുന്നതിന് പകരം അവർ തമ്മിൽ തല്ലി സമയം കളയും എന്ന് ഉറപ്പാണ്.
പ്രവർത്തകരെ ‘ഉപയോഗശൂന്യർ’ എന്ന് വിളിച്ച് അപമാനിച്ച ശേഷം ഖാർഗെ ജി അവസാനം ഒരു ഭീഷണിയും മുഴക്കി. “ഓർത്തുവെച്ചോ, ഇവിടെ ആര് ഒച്ചവെച്ചാലും ദൃശ്യങ്ങൾ ക്യാമറയിലുണ്ട്. ആ വീഡിയോ ദൃശ്യങ്ങൾ ഓരോന്നായി പരിശോധിച്ച് ഞാൻ അച്ചടക്ക നടപടി സ്വീകരിക്കും!” എന്ന്.
എന്തൊരു കോമഡിയാണിത് ഖാർഗെ ജി! പാർട്ടിയിൽ ഗ്രൂപ്പ് തിരിഞ്ഞ് പരസ്പരം പാര വെക്കുന്ന വലിയ വലിയ നേതാക്കൾക്കെതിരെ ഒരു നടപടിയും എടുക്കാൻ ഈ ഹൈക്കമാൻഡിന് ത്രാണിയില്ല. എന്നിട്ടാണ് പാവം തൊണ്ടപൊട്ടി മുദ്രാവാക്യം വിളിച്ച അണികളുടെ വീഡിയോ റെക്കോർഡ് ചെയ്ത് നടപടിയെടുക്കാൻ പോകുന്നത്!
കർണാടകയിൽ അടുത്ത തിരഞ്ഞെടുപ്പ് നടക്കാൻ പോകുന്നത് 2028 മെയ് മാസത്തിലാണ്. അതിന് മുൻപ് പാർട്ടിയിലെ ഈ അടി തീർക്കാൻ ഹൈക്കമാൻഡ് കിണഞ്ഞു ശ്രമിക്കുന്നുണ്ട്. മുഖ്യമന്ത്രി കസേര പങ്കിട്ടെടുക്കുന്നതുമായി ബന്ധപ്പെട്ട് സിദ്ധരാമയ്യ ചേരിയും ഡി.കെ ശിവകുമാർ ചേരിയും ഇപ്പോഴും ഉള്ളിൽപ്പുകഞ്ഞു കൊണ്ടിരിക്കുകയാണ്. ഭരണനേതൃത്വം മാറിയിട്ടും ഗ്രൂപ്പിസത്തിന് ഒരു മാറ്റവുമില്ല. അതായത്, ജനങ്ങൾ വോട്ട് ചെയ്യുന്നത് ഇവർക്ക് കസേര പങ്കിട്ടെടുക്കാനും അടി കൂടാനും വേണ്ടിയാണെന്ന് തോന്നുന്നു!
ചുരുക്കം പറഞ്ഞാൽ, കോൺഗ്രസ് അവരുടെ പഴയ ശൈലി ഒട്ടും മാറ്റിയിട്ടില്ല. അധികാരം ഇല്ലെങ്കിലും ഉണ്ടെങ്കിലും, മുഖ്യമന്ത്രി മാറിയാലും ഇല്ലെങ്കിലും തല്ല് ഉറപ്പാണ്. കേരളത്തിലാണെങ്കിൽ അത് ഗ്രൂപ്പ് യോഗത്തിൽ തീരും, കർണാടകയിലാണെങ്കിൽ അത് ദേശീയ അധ്യക്ഷന്റെ മുന്നിൽ തന്നെ വേണം. പ്രവർത്തകരെ ‘ഉപയോഗശൂന്യർ’ എന്ന് വിളിച്ച ഖാർഗെ ജിയുടെ ഈ പുതിയ വിവാദം കർണാടക രാഷ്ട്രീയത്തിൽ ഇനി എന്ത് പുകിലുണ്ടാക്കുമെന്ന് നമുക്ക് കണ്ടറിയാം.
എന്തായാലും കോൺഗ്രസുകാർക്ക് ഒരു സൗജന്യ ഉപദേശം: നേതാക്കന്മാരുടെ പേര് വിളിച്ച് തല്ലുകൂടുമ്പോൾ ക്യാമറ നോക്കി മാത്രം തല്ലുകൂടുക, ഇല്ലെങ്കിൽ ഖാർഗെ ജി വന്ന് ‘ഉപയോഗശൂന്യരേ’ എന്ന് വിളിച്ച് സസ്പെൻഡ് ചെയ്യും!
ഇവിടെയാണ് നമ്മൾ ജനങ്ങൾ ഒരു കാര്യം ആലോചിക്കേണ്ടത്. സ്വന്തം പാർട്ടിയിലെ ഒരു സഹപ്രവർത്തകനെ അല്ലെങ്കിൽ ഒരു നേതാവിനെ മറ്റുള്ളവർ ഒന്ന് പൊക്കിപ്പറയുന്നത് കേൾക്കുമ്പോൾ തന്നെ ഇത്രയും അസഹിഷ്ണുത കാണിക്കുന്നവരാണ് ഇവരെല്ലാവരും! ഒരാൾക്ക് ഒരു ജയ് വിളിച്ചാൽ അടുത്തയാൾക്ക് അവിടെ കലിപ്പാണ്
സ്വന്തം പാർട്ടിയിലുള്ളവരെപ്പോലും ഒന്നിച്ച് കൊണ്ടുപോകാൻ പറ്റാത്ത, അങ്ങോട്ടുമിങ്ങോട്ടും കാലുവാരാൻ നോക്കുന്ന ഇവരൊക്കെ എങ്ങനെയാണ് നാളെ ഒരു രാജ്യം ഒന്നിച്ച് ഭരിക്കാൻ പോകുന്നത്? കഷ്ടം എന്നല്ലാതെ എന്താണ് ഇതിനെ പറയാൻ കഴിയുക! ജനങ്ങളെ ഭരിക്കുന്നതിന് മുൻപ് സ്വന്തം അണികളെയും നേതാക്കളെയും ഒന്ന് മര്യാദ പഠിപ്പിക്കാൻ നോക്കൂ ഖാർഗെ ജി…
അതാണ് അടുത്ത ചോദ്യം!
