പശ്ചിമ ബംഗാളിന്റെ രാഷ്ട്രീയ ഭൂപടത്തിൽ നന്ദിഗ്രാം എന്ന പേര് കേവലം ഒരു ഗ്രാമത്തിന്റെയോ മണ്ഡലത്തിന്റെയോ മാത്രം പേരുമല്ല. ഇന്ത്യൻ രാഷ്ട്രീയത്തിന്റെ തന്നെ ഗതിവിഗതികൾ തിരുത്തിക്കുറിച്ച വിപ്ലവ മണ്ണാണ്ത്. കിഴക്കൻ മേദിനിപൂർ ജില്ലയിൽ, ഹൂഗ്ലി നദിയും ഹൽദി നദിയും സംഗമിക്കുന്ന ശാന്തമായ തീരഭൂമി. പക്ഷേ, ആ ശാന്തതയ്ക്ക് പിന്നിൽ ഭയങ്കരമായൊരു രാഷ്ട്രീയ കൊടുങ്കാറ്റിന്റെ കഥയുണ്ട്. സാധാരണക്കാരായ പാവപ്പെട്ട മനുഷ്യരും കർഷകരും തങ്ങളുടെ അവകാശങ്ങൾക്കായി ജീവൻ കൊടുത്തു പോരാടിയ മണ്ണ്.
മൂന്ന് പതിറ്റാണ്ടിലേറെക്കാലം പശ്ചിമ ബംഗാളിൽ ആധിപത്യം പുലർത്തിയിരുന്ന ഇടതുമുന്നണി ഭരണത്തിന്റെ അന്ത്യത്തിന് തുടക്കം കുറിച്ചത് ഇതേ നന്ദിഗ്രാമിലെ ചോരക്കളിയിലായിരുന്നു. അന്ന് തെരുവിൽ സമരം നയിച്ച മമതാ ബാനർജി എന്ന വിപ്ലവകാരിയെ റൈറ്റേഴ്സ് ബിൽഡിംഗിലെ അധികാരകേന്ദ്രങ്ങളിലേക്ക് നയിച്ചതും ഇതേ നന്ദിഗ്രാമിന്റെ ജനവികാരമാണ്.
2007 മാർച്ച് 14. ബംഗാൾ ചരിത്രത്തിലെ തന്നെ കറുത്ത ദിനങ്ങളിൽ ഒന്ന്! സ്വന്തം കൃഷിഭൂമിയും മണ്ണും കോർപ്പറേറ്റുകൾക്ക് വിട്ടുനൽകില്ലെന്ന് പ്രഖ്യാപിച്ച് പാവപ്പെട്ട കർഷകർ തെരുവിലിറങ്ങി. എന്നാൽ സമാധാനപരമായി നടന്ന ആ സമരത്തിന് നേരെ പോലീസ് ക്രൂരമായി വെടിയുതിർത്തു. 14 നിരപരാധികളായ ഗ്രാമീണരാണ് അന്ന് അവിടെ ചോരവാർന്ന് മരിച്ചുവീണത്.
ആ ക്രൂരതയിൽ പ്രകമ്പനം കൊണ്ട ബംഗാൾ ജനത പ്രതിപക്ഷ നേതാവായിരുന്ന മമതാ ബാനർജിയിൽ തങ്ങളുടെ പ്രതീക്ഷ കണ്ടെത്തി. ആ ചോരക്കളിക്ക് മേലാണ് മമത തന്റെ തൃണമൂൽ കോൺഗ്രസ് എന്ന രാഷ്ട്രീയ സാമ്രാജ്യം പണിതുയർത്തിയത്. നന്ദിഗ്രാമിലെ ജനങ്ങൾ അന്ന് മമതയെ കണ്ണടച്ച് വിശ്വസിച്ചു. ആ വിശ്വാസം ബംഗാളിൽ സിപിഎമ്മിന്റെ അധഃപതനത്തിനും തൃണമൂൽ കോൺഗ്രസിന്റെ പ്രതാപത്തിനും വഴിതെളിച്ചു.
എന്നാൽ കാലം കാത്തുവെച്ച വിധി അതിലും വലിയൊരു നാടകമായിരുന്നു! ഏത് നന്ദിഗ്രാമാണോ മമതയെ അധികാരത്തിന്റെ കൊടുമുടിയിൽ എത്തിച്ചത്, അതേ നന്ദിഗ്രാം 2021-ലെ നിയമസഭാ തെരഞ്ഞെടുപ്പിൽ മമതാ ബാനർജിയെ കൈവിട്ടു.ഒരിക്കൽ തന്റെ ഏറ്റവും അടുത്ത വിശ്വസ്തനും തൃണമൂൽ കോൺഗ്രസിന്റെ കരുത്തനുമായിരുന്ന സുവേന്ദു അധികാരി ബിജെപിയിലേക്ക് ചേക്കേറി. 2021-ൽ നന്ദിഗ്രാമിൽ മമതയും സുവേന്ദുവും മുഖാമുഖം ഏറ്റുമുട്ടിയപ്പോൾ രാജ്യം മുഴുവൻ ഉറ്റുനോക്കിയ രാഷ്ട്രീയ പോരാട്ടമായി അത് മാറി. ഒടുവിൽ വോട്ടെണ്ണൽ പൂർത്തിയായപ്പോൾ അവിശ്വസനീയമായ ഒരു ഫലമാണ് പുറത്തുവന്നത്!
കേവലം 1,956 വോട്ടുകളുടെ വ്യത്യാസത്തിൽ മമതാ ബാനർജിക്ക് സുവേന്ദു അധികാരിയോട് തോൽവി സമ്മതിക്കേണ്ടി വന്നു. മമത 1,808 വോട്ടുകൾ നേടിയപ്പോൾ സുവേന്ദു നേരിയ ഭൂരിപക്ഷത്തിൽ വിജയിച്ചു കേറി. പക്ഷേ, രാഷ്ട്രീയ നാടകങ്ങൾ അവിടെയും അവസാനിച്ചില്ല!
തൊട്ടടുത്ത പൊതുതെരഞ്ഞെടുപ്പിൽ ഭവാനിപൂർ മണ്ഡലത്തിൽ വെച്ച് സുവേന്ദു അധികാരി വീണ്ടും മമതയെ നേരിട്ടു. 15,000-ത്തിലധികം വോട്ടുകളുടെ കൂറ്റൻ ഭൂരിപക്ഷത്തിൽ മമതയെ സുവേന്ദു വീണ്ടും അട്ടിമറിച്ചു!
നന്ദിഗ്രാമിലും ഭവാനിപൂരിലും ഒരുപോലെ തിളക്കമാർന്ന വിജയം കൊയ്ത സുവേന്ദു അധികാരി പശ്ചിമ ബംഗാളിൽ ബിജെപിയുടെ ഭരണം ഉറപ്പിച്ചു. ഭാരതീയ ജനതാ പാർട്ടി ബംഗാളിന്റെ ഭരണം പിടിച്ചെടുക്കുകയും സുവേന്ദു അധികാരി സംസ്ഥാന മുഖ്യമന്ത്രിയുടെ കസേരയിൽ എത്തുകയും ചെയ്തു!
അതുവരെ ബംഗാളിന്റെ സർവ്വാധിപതിയായിരുന്ന മമതാ ബാനർജിയുടെ മുഖ്യമന്ത്രി കസേര തെറിച്ചു. കേവലം ഒരു ജനപ്രതിനിധി പോലും അല്ലാതെയായി മമത മാറി. തൃണമൂൽ കോൺഗ്രസിന്റെ ചരിത്രത്തിലെ ഏറ്റവും കനത്ത തിരിച്ചടിയായിരുന്നു അത്!
പക്ഷേ, തോൽവികളിൽ തളർന്നുപോകുന്ന രാഷ്ട്രീയക്കാരിയായിരുന്നില്ല മമതാ ബാനർജി! പോരാട്ടങ്ങൾ കണ്ടുതഴമ്പിച്ച ബംഗാളിന്റെ കടുവ ഇവിടെയും കളി അവസാനിപ്പിച്ചിട്ടില്ലെന്ന് പ്രഖ്യാപിച്ചുകൊണ്ട് ഒരു കൊടുങ്കാറ്റ് പോലെ തിരിച്ചുവരികയാണ്!സംസ്ഥാനത്ത് പുതിയ രാഷ്ട്രീയ മാറ്റങ്ങൾക്ക് വഴിതുറന്നുകൊണ്ട് അപ്രതീക്ഷിത സംഭവവികാസങ്ങൾ അരങ്ങേറി. ഭവാനിപൂർ, നന്ദിഗ്രാം എന്നീ രണ്ട് മണ്ഡലങ്ങളിലും വിജയിച്ചിരുന്ന മുഖ്യമന്ത്രി സുവേന്ദു അധികാരി, ഭവാനിപൂർ മണ്ഡലം നിലനിർത്താനും നന്ദിഗ്രാം മണ്ഡലം ഉപേക്ഷിക്കാനും തീരുമാനിച്ചു.
ഇതിനൊപ്പം തന്നെ, മുൻ തൃണമൂൽ നേതാവായിരുന്ന ഹുമയൂൺ കബീർ തൻറെ എംഎൽഎ സ്ഥാനം രാജിവെച്ചതോടെ റജിനഗർ മണ്ഡലവും ഒഴിവന്നു. അങ്ങനെ ഒരേസമയം നന്ദിഗ്രാമിലും റജിനഗറിലും ഉപതെരഞ്ഞെടുപ്പ് പ്രഖ്യാപിക്കപ്പെട്ടു!
കേന്ദ്ര തെരഞ്ഞെടുപ്പ് കമ്മീഷന്റെ പ്രഖ്യാപനം വന്നു—ഒക്ടോബർ ആറിന് വോട്ടെടുപ്പ് നടക്കും. ഒക്ടോബർ ഒൻപതിന് ഫലമറിയാം. ഈ ഒറ്റ പ്രഖ്യാപനത്തോടെ ഇന്ത്യൻ രാഷ്ട്രീയം വീണ്ടും ബംഗാളിലേക്ക് കണ്ണുനട്ടിരിക്കുകയാണ്.
തനിക്ക് അധികാരം നൽകിയ, പിന്നീട് അപ്രതീക്ഷിത തോൽവി തന്ന അതേ നന്ദിഗ്രാമിന്റെ വിപ്ലവ മണ്ണിലേക്ക് മമതാ ബാനർജി വീണ്ടും പോരാട്ടത്തിനിറങ്ങുന്നു! താൻ നഷ്ടപ്പെടുത്തിയ പ്രതാപം തിരിച്ചെടുക്കാൻ മമത ഇറങ്ങുമ്പോൾ ഭാരതീയ ജനതാ പാർട്ടിയുടെ ക്യാമ്പുകളിൽ ആശങ്കയുടെ നിഴൽ വീണുകഴിഞ്ഞു.
നിലവിൽ പശ്ചിമ ബംഗാൾ ഭരിക്കുന്നത് ഭാരതീയ ജനതാ പാർട്ടിയാണ്. എന്നാൽ അധികാരത്തിലേറി ചുരുങ്ങിയ കാലം കൊണ്ട് തന്നെ ജനങ്ങൾ ബിജെപി ഭരണത്തിനെതിരെ ചിന്തിച്ചു തുടങ്ങിയിരിക്കുന്നു. അധികാരത്തിന്റെ ഗർവും വർഗീയ രാഷ്ട്രീയത്തിന്റെ വിഷവിത്തുകളും വിതറി ജനങ്ങളെ ഭിന്നിപ്പിക്കാൻ ബിജെപി ശ്രമിക്കുന്നു എന്ന ആരോപണം ശക്തമാണ്.ബിജെപിയെ സംബന്ധിച്ചിടത്തോളം നന്ദിഗ്രാം എന്നത് കേവലം ഒരു നിയമസഭാ സീറ്റ് മാത്രമായിരിക്കാം. ഭിന്നിപ്പിച്ചു ഭരിക്കാനും, കേന്ദ്ര-സംസ്ഥാന അധികാര ദുരുപയോഗത്തിലൂടെ എതിരാളികളെ അടിച്ചമർത്താനുമാണ് ബിജെപി ശ്രമിക്കുന്നത്.
എന്നാൽ ഈ കോർപ്പറേറ്റ്-വർഗീയ രാഷ്ട്രീയത്തിനെതിരെ നന്ദിഗ്രാമിന്റെ വിപ്ലവ മണ്ണിൽ നിന്ന് തന്നെ മറുപടി നൽകാനാണ് മമതാ ബാനർജിയും തൃണമൂൽ കോൺഗ്രസും പദ്ധതിയിടുന്നത്. തൃണമൂലിനെ സംബന്ധിച്ചിടത്തോളം ഇത് ഒരു കേവല ഉപതെരഞ്ഞെടുപ്പല്ല; തങ്ങളുടെ നഷ്ടപ്പെട്ട വീര്യവും അധികാരവും വീണ്ടെടുക്കാനുള്ള ജീവന്മരണ പോരാട്ടമാണ്!
2021-ലെ കയ്പേറിയ പരാജയത്തിന്റെ ഓർമ്മകൾ മുന്നിലുണ്ടെങ്കിലും നിയമസഭയിൽ തിരിച്ചെത്തുക, അധികാരം തിരിച്ചുപിടിക്കുക എന്ന ഒറ്റ ലക്ഷ്യത്തിൽ മമത ഉറച്ചുനിൽക്കുന്നു. ബിജെപിയുടെ ജനദ്രോഹ നയങ്ങൾക്കെതിരെ നന്ദിഗ്രാമിലെ കർഷകരും സാധാരണക്കാരായ ജനങ്ങളും വീണ്ടും ചിന്തിച്ചു തുടങ്ങി. തങ്ങളെ ചതിച്ച ഭരണാധികാരികൾക്ക് മറുപടി നൽകാൻ നന്ദിഗ്രാം വീണ്ടും ഒരുങ്ങുകയാണ്!
ജനങ്ങളുടെ ഈ അമർഷം വോട്ടുകളായി മാറിയാൽ, നന്ദിഗ്രാമിന്റെ മണ്ണിൽ മമതാ ബാനർജിക്കായി മറ്റൊരു ചരിത്രം കുറിക്കപ്പെടും എന്നതിൽ സംശയമില്ല! തന്റെ കയ്പേറിയ തോൽവികളുടെ കടം വീട്ടാനും, നഷ്ടപ്പെട്ട പ്രതാപം തിരിച്ചുപിടിക്കാനും ബംഗാളിന്റെ കടുവ വീണ്ടും നന്ദിഗ്രാമിലേക്ക് കാൽവെക്കുമ്പോൾ അത് ബിജെപി ഭരണകൂടത്തിന് നൽകുന്ന പ്രഹരം നിസ്സാരമായിരിക്കില്ല.
അധികാര കസേര നഷ്ടപ്പെട്ടെങ്കിലും, വീണയിടത്തുനിന്ന് കൊടുങ്കാറ്റായി ഉയർന്നുവന്ന ചരിത്രം മാത്രമുള്ള മമതാ ബാനർജി, തനിക്ക് എല്ലാം നൽകിയ അതേ നന്ദിഗ്രാമിലൂടെ തന്നെ രാഷ്ട്രീയത്തിന്റെ കൊടുമുടിയിലേക്ക് തിരിച്ചെത്തുമെന്നാണ് രാഷ്ട്രീയ നിരീക്ഷകരും ജനങ്ങളും കണക്കുകൂട്ടുന്നത്.
ഇത് കേവലം ബംഗാളിന്റെ മാത്രം വിധിയെഴുത്തല്ല, വരാനിരിക്കുന്ന കേന്ദ്ര രാഷ്ട്രീയത്തിന്റെ ഭാവിയെക്കൂടി നിർണ്ണയിക്കുന്ന വൻ പോരാട്ടമാണ്. ഒക്ടോബർ 6-ന്റെ പോളിംഗും ഒക്ടോബർ 9-ന്റെ ജനവിധിയും കാത്തിരുന്ന് കാണാം!
