ജമ്മു കശ്മീരിന്റെ ചരിത്രത്തിൽ പുതിയൊരു അധ്യായം കുറിച്ചുകൊണ്ട് ജമ്മുവിനെയും ശ്രീനഗറിനെയും നേരിട്ട് ബന്ധിപ്പിക്കുന്ന ആദ്യത്തെ വന്ദേ ഭാരത് എക്സ്പ്രസ് വ്യാഴാഴ്ച സർവീസ് ആരംഭിച്ചു. റെയിൽവേ മന്ത്രി അശ്വിനി വൈഷ്ണവ് ഫ്ലാഗ് ഓഫ് ചെയ്ത ഈ 20 കോച്ചുകളുള്ള അത്യാധുനിക ട്രെയിൻ, താഴ്വരയുടെ യാത്രാ സൗകര്യങ്ങളിൽ വലിയ മാറ്റമാണ് കൊണ്ടുവരുന്നത്. ജമ്മു കശ്മീർ മുഖ്യമന്ത്രി ഒമർ അബ്ദുള്ള, കേന്ദ്രമന്ത്രി ജിതേന്ദ്ര സിംഗ് എന്നിവരുടെ സാന്നിധ്യത്തിലായിരുന്നു ഉദ്ഘാടന ചടങ്ങ്. 1990-കളിൽ ആരംഭിച്ച ഉദംപൂർ-ശ്രീനഗർ-ബാരാമുള്ള റെയിൽ ലിങ്ക് പദ്ധതിയുടെ നിർണായക നാഴികക്കല്ലായാണ് ഈ നേരിട്ടുള്ള റെയിൽ ബന്ധം വിലയിരുത്തപ്പെടുന്നത്.
കശ്മീർ താഴ്വരയിലേക്ക് ഇനി വന്ദേ ഭാരത്
