നമ്മൾ ഇപ്പോൾ ടിവി തുറന്നാലും പത്രമെടുത്താലും കാണുന്നത് പശ്ചിമേഷ്യയിലെ യുദ്ധവാർത്തകളാണ്. ഇസ്രായേലും ഇറാനും തമ്മിൽ വലിയൊരു യുദ്ധത്തിലേക്ക് നീങ്ങുകയാണ്. മിസൈലുകൾ ആകാശത്തുനിന്ന് മഴപോലെ പെയ്യുന്നു, സാധാരണക്കാരായ ജനങ്ങൾ ഭീതിയിലാണ്. ലോകം മുഴുവൻ പേടിയോടെയാണ് ഈ യുദ്ധത്തെ നോക്കിക്കാണുന്നത്. കാരണം, അവിടെ ഒരു യുദ്ധം നടന്നാൽ അതിന്റെ ആഘാതം നമ്മുടെ അടുക്കളയിൽ വരെ എത്തും. പെട്രോളിനും ഡീസലിനും വില കൂടും, സാധനങ്ങൾക്ക് വില കൂടും, അങ്ങനെ ലോകം മൊത്തം സാമ്പത്തികമായി തകരും.ഈ വലിയ ആപത്ത് ഒഴിവാക്കാൻ ലോകരാജ്യങ്ങൾ ഇപ്പോൾ ഒരേ സ്വരത്തിൽ ഒരു പേര് വിളിച്ചുപറയുന്നുണ്ട് – ഭാരതത്തിന്റെ പ്രധാനമന്ത്രി നരേന്ദ്ര മോദി. അമേരിക്കയും യൂറോപ്പും അറബ് രാജ്യങ്ങളും ഒക്കെ ഒരുപോലെ ആഗ്രഹിക്കുന്നത് മോദി ഈ വിഷയത്തിൽ ഒന്ന് ഇടപെടണം എന്നാണ്. എന്തുകൊണ്ടാണ് ലോകത്തെ വമ്പൻ രാജ്യങ്ങൾ പോലും നമ്മുടെ പ്രധാനമന്ത്രിയെ ഇത്രയധികം വിശ്വസിക്കുന്നത്? ഇതിനു പിന്നിലെ സത്യാവസ്ഥ എന്താണെന്ന് നമുക്കൊന്ന് പരിശോധിക്കാം
ഇസ്രായേലും ഇറാനും തമ്മിലുള്ള ഈ ശത്രുത മാറ്റാൻ ആർക്കും എളുപ്പമല്ല. അമേരിക്ക ഇറാനെ എതിർക്കുന്നു, ചൈനയും റഷ്യയും മറ്റൊരു വശത്ത് നിൽക്കുന്നു. പക്ഷേ, ഇവിടെയാണ് ഇന്ത്യയുടെയും നരേന്ദ്ര മോദിയുടെയും പ്രസക്തി. മോദിക്ക് ഇസ്രായേൽ പ്രധാനമന്ത്രി നെതന്യാഹുവുമായി വലിയ സൗഹൃദമുണ്ട്. അതേസമയം തന്നെ, ഇറാന്റെ നേതാക്കളുമായും അദ്ദേഹം നല്ല ബന്ധം സൂക്ഷിക്കുന്നു. ലോകത്ത് ഇസ്രായേലിനോടും ഇറാനോടും ഒരേപോലെ ചെന്നിരുന്ന് സംസാരിക്കാൻ അധികാരമുള്ള ഒരേയൊരു നേതാവ് ഒരുപക്ഷേ മോദി മാത്രമായിരിക്കും.
അമേരിക്കയിലെ വലിയ സൈനിക ഉദ്യോഗസ്ഥർ പോലും പറയുന്നത്, ഈ യുദ്ധം നിർത്താൻ മോദി വിചാരിച്ചാൽ നടക്കുമെന്നാണ്. ‘മോദിയുടെ ഒരൊറ്റ ഫോൺ കോൾ മതി’ എന്നാണ് യുഎഇയുടെ പ്രതിനിധികൾ പോലും അഭിപ്രായപ്പെട്ടത്. ഇതിന് കാരണം ഇന്ത്യ ഇതുവരെ ഒരു യുദ്ധത്തിലും ആരുടെയും പക്ഷം പിടിച്ചിട്ടില്ല എന്നതാണ്. നമ്മൾ എപ്പോഴും സമാധാനത്തിന്റെ കൂടെയാണ്. ആരെയും പേടിച്ചല്ല ഇന്ത്യ ഈ നിലപാട് എടുക്കുന്നത്, മറിച്ച് എല്ലാവരോടും തുല്യമായ സൗഹൃദം വേണം എന്ന തത്വം ഉള്ളതുകൊണ്ടാണ്.
ഇസ്രായേൽ-പാലസ്തീൻ പ്രശ്നത്തിൽ പോലും, രണ്ടുപേർക്കും അവരവരുടേതായ രാജ്യം വേണമെന്ന മാന്യമായ നിലപാടാണ് ഇന്ത്യ കാലങ്ങളായി പറയുന്നത്. ഈ ഒരു വിശ്വാസ്യതയാണ് ഇന്ന് ലോകരാജ്യങ്ങൾ ഇന്ത്യയിൽ കാണുന്നത്. മറ്റൊരു പ്രധാന കാര്യം നമ്മുടെ സമ്പദ്വ്യവസ്ഥയാണ്.
യുദ്ധം കാരണം എണ്ണവില കൂടുമെന്ന് ഇറാൻ ഭീഷണിപ്പെടുത്തുമ്പോൾ, അത് ലോകത്തെ മുഴുവൻ ബാധിക്കും. ഈ സാഹചര്യത്തിൽ ഇന്ത്യയെപ്പോലൊരു വലിയ രാജ്യം ഇടപെടുന്നത് എണ്ണ വിപണിയെ പോലും ശാന്തമാക്കാൻ സഹായിക്കും. യുദ്ധം നടക്കുമ്പോഴും ഇന്ത്യയുടെ കപ്പലുകൾ സുരക്ഷിതമായി വിട്ടുനൽകാൻ ഇറാൻ കാണിച്ച താല്പര്യം ഇന്ത്യയുടെ ആഗോള സ്വാധീനത്തിന് തെളിവാണ്.
എന്തുകൊണ്ടാണ് മോദിയുടെ ഇടപെടലിന് ഇത്രയും പ്രാധാന്യം ലഭിക്കുന്നത്? ഇതിന് പ്രധാനമായും രണ്ട് കാരണങ്ങളാണുള്ളത്.
ഒന്നമാത്തെ കാരണം, ഭാരതത്തിന്റെ വിശ്വസനീയമായ വിദേശനയമാണ്. സ്വാതന്ത്ര്യം ലഭിച്ചതിന് ശേഷം ഇന്നുവരെ, ലോകത്ത് ഒരു യുദ്ധം നടന്നപ്പോഴും ഇന്ത്യ ഏതെങ്കിലും ഒരു പക്ഷം ചേർന്നിട്ടില്ല.
ഏതെങ്കിലും ഒരു വലിയ രാജ്യത്തിന്റെ കൂടെ ചേർന്ന് മറ്റൊരു രാജ്യത്തെ ആക്രമിക്കുന്ന നയം ഇന്ത്യയ്ക്കില്ല. എല്ലാ രാജ്യങ്ങളുമായും തുല്യമായ ബന്ധം പുലർത്തുന്ന ‘തന്ത്രപരമായ സ്വയംഭരണാധികാരം ആണ് ഇന്ത്യയുടെ കരുത്ത്. ഇസ്രയേൽ-പാലസ്തീൻ വിഷയത്തിൽ പോലും, അന്താരാഷ്ട്ര തലത്തിൽ അംഗീകരിക്കപ്പെട്ട ‘ദ്വിരാഷ്ട്ര പരിഹാരം’ എന്ന നിലപാടിൽ ഇന്ത്യ ഉറച്ചുനിൽക്കുന്നു. അതായത്, ഇരുരാജ്യങ്ങളും സമാധാനത്തോടെ നിലനിൽക്കണം എന്ന നിലപാട്. ഇന്ത്യയുടെ ഈ നിഷ്പക്ഷതയാണ് ഇസ്രയേലിനും ഇറാനും ഒരുപോലെ വിശ്വാസയോഗ്യമാക്കുന്നത്.
അടുത്തത്, പ്രധാനമന്ത്രി മോദിയുടെ ആഗോള സ്വാധീനം തന്നെയാണ്. കഴിഞ്ഞ കുറച്ചു വർഷങ്ങളായി ഇന്ത്യയുടെ ശബ്ദം ലോകരാജ്യങ്ങൾക്കിടയിൽ വലിയ പ്രാധാന്യത്തോടെയാണ് കേൾക്കുന്നത്. ജി-20 അധ്യക്ഷപദവിയിലൂടെയും ‘ഗ്ലോബൽ സൗത്ത്’ രാജ്യങ്ങളുടെ നേതാവായി ഉയർന്നതിലൂടെയും മോദി തന്റെ സ്വാധീനം ഉറപ്പിച്ചു കഴിഞ്ഞു. ‘ഇതൊരു യുദ്ധത്തിന്റെ യുഗമല്ല’ എന്ന് മോദി റഷ്യ-യുക്രെയ്ൻ യുദ്ധസമയത്ത് പറഞ്ഞത് ലോകമെമ്പാടും ചർച്ച ചെയ്യപ്പെട്ടിരുന്നു. ആ സമാധാന സന്ദേശം പശ്ചിമേഷ്യയിലും എത്തിക്കാൻ മോദിക്ക് കഴിയുമെന്ന് ലോകം വിശ്വസിക്കുന്നു.സാധാരണയായി ഒരു രാജ്യം മറ്റൊരു രാജ്യത്തിന്റെ പക്ഷം പിടിക്കുമ്പോൾ അവർക്ക് എതിർചേരിയിലുള്ളവരോട് സംസാരിക്കാൻ കഴിയില്ല. എന്നാൽ മോദിയുടെ കാര്യം വ്യത്യസ്തമാണ്.
അദ്ദേഹത്തിന് ഇസ്രായേലിനോട് ഉള്ളതുപോലെ തന്നെ അധികാരത്തോടെയും ആത്മാർത്ഥതയോടെയും ഇറാനോടും സംസാരിക്കാൻ കഴിയും. അമേരിക്കൻ സൈനിക ഉദ്യോഗസ്ഥനായ കേണൽ ഡഗ്ലസ് മഗ്രെഗർ അടുത്തിടെ ഒരു പോഡ്കാസ്റ്റിൽ പറഞ്ഞ കാര്യം ശ്രദ്ധേയമാണ്. ‘നിലവിലെ ലോക സാഹചര്യത്തിൽ സമാധാനമുണ്ടാക്കാൻ പ്രാപ്തിയുള്ള ഒരേയൊരു നേതാവ് നരേന്ദ്ര മോദിയാണ്’ എന്നാണ് അദ്ദേഹം പറഞ്ഞത്. യുഎഇയുടെ പ്രതിനിധികളും ഇതേ അഭിപ്രായം പങ്കുവെച്ചു. ‘മോദിയുടെ ഒരൊറ്റ ഫോൺ കോൾ മതി ഈ യുദ്ധം നിർത്താൻ’ എന്ന് അവർ വിശ്വസിക്കുന്നുണ്ടെങ്കിൽ, അത് പ്രധാനമന്ത്രിക്ക് ആഗോളതലത്തിലുള്ള സ്വാധീനത്തിന്റെ തെളിവാണ്.
ഇതൊരു വൈകാരികമായ പ്രശ്നം മാത്രമല്ല, മറിച്ച് നമ്മുടെയെല്ലാം പോക്കറ്റിനെ ബാധിക്കുന്ന ഗൗരവകരമായ പ്രശ്നമാണ്. പശ്ചിമേഷ്യയിൽ യുദ്ധം കൊടുമ്പിരിക്കൊള്ളുമ്പോൾ ക്രൂഡ് ഓയിൽ അഥവാ കരി ഓയിലിന്റെ വില കുതിച്ചുയരുകയാണ്. ബാരലിന് 100 ഡോളറിന് മുകളിൽ പോയ എണ്ണവില 200 ഡോളറിലെത്തുമെന്നാണ് ഇറാൻ ഭീഷണിപ്പെടുത്തുന്നത്. അങ്ങനെ സംഭവിച്ചാൽ ലോകം കണ്ട ഏറ്റവും വലിയ സാമ്പത്തിക മാന്ദ്യത്തിലേക്കാവും നമ്മൾ വീഴുക.
ഇന്ത്യയെപ്പോലെയുള്ള ഒരു വലിയ ഉപഭോക്തൃ രാജ്യത്തിന് ഇത് വലിയ തിരിച്ചടിയാണ്. ഈ സാഹചര്യത്തിൽ ലോകത്തിന്റെ സാമ്പത്തിക ഭദ്രത ഉറപ്പാക്കാൻ മോദി ഇടപെടേണ്ടത് അനിവാര്യമാണ്. ഹോർമൂസ് കടലിടുക്കിലൂടെയുള്ള കപ്പൽ ഗതാഗതം പോലും തടസ്സപ്പെടുമെന്ന പേടി നിലനിൽക്കുമ്പോഴും, ഇന്ത്യയുടെ കപ്പലുകളെ സുരക്ഷിതമായി കടത്തിവിടാൻ ഇറാൻ തയ്യാറായത് ശ്രദ്ധേയമാണ്. ഇത് കാണിക്കുന്നത് ഇറാൻ പോലും ഭാരതത്തെയും നരേന്ദ്ര മോദിയെയും എത്രത്തോളം ബഹുമാനിക്കുന്നു എന്നാണ്. ഈ ബഹുമാനവും സ്വാധീനവുമാണ് സമാധാന ചർച്ചകളിൽ ഇന്ത്യയെ മുൻനിരയിൽ എത്തിക്കുന്നത്.
നമ്മുടെ പ്രധാനമന്ത്രിയുടെ വാക്കുകൾക്ക് ഇന്ന് ലോകം അത്രമേൽ വില നൽകുന്നുണ്ട്. പശ്ചിമേഷ്യയിൽ സമാധാനം കൊണ്ടുവരാൻ മോദിയുടെ ഇടപെടൽ ഉണ്ടാകുമെന്നും, അത് ലോകത്തെ വലിയൊരു വിപത്തിൽ നിന്ന് രക്ഷിക്കുമെന്നുമാണ് എല്ലാവരും പ്രതീക്ഷിക്കുന്നത്. ഭാരതത്തിന്റെ ഈ വളർച്ചയും ലോകം നമുക്ക് നൽകുന്ന ഈ വലിയ അംഗീകാരവും ഓരോ ഭാരതീയനും അഭിമാനിക്കാവുന്ന ഒന്നാണ്.കേരളത്തെ സംബന്ധിച്ചിടത്തോളം ഈ യുദ്ധം വലിയൊരു ആശങ്കയാണ്.
ലക്ഷക്കണക്കിന് മലയാളികളാണ് പശ്ചിമേഷ്യൻ രാജ്യങ്ങളിൽ ജോലി ചെയ്യുന്നത്. യുദ്ധം പടർന്നാൽ അവരുടെ സുരക്ഷ വലിയ ചോദ്യചിഹ്നമാകും. മുൻപ് യുക്രെയ്നിലും സുഡാനിലും കുടുങ്ങിയ ഇന്ത്യക്കാരെ ‘ഓപ്പറേഷൻ ഗംഗ’യിലൂടെയും ‘ഓപ്പറേഷൻ കാവേരി’യിലൂടെയും സുരക്ഷിതമായി നാട്ടിലെത്തിച്ച മോദി സർക്കാരിന്റെ കരുത്ത് നമ്മൾ കണ്ടതാണ്. ആഗോളതലത്തിൽ മോദിക്ക് ലഭിക്കുന്ന സ്വീകാര്യത അവിടെയുള്ള നമ്മുടെ പ്രവാസികളുടെ സുരക്ഷ ഉറപ്പാക്കുന്നതിലും വലിയ പങ്കുവഹിക്കുന്നുണ്ട്.
