മഞ്ചേശ്വരം മണ്ഡലത്തിലെ എന്ഡിഎ സ്ഥാനാര്ത്ഥി കെ.സുരേന്ദ്രന് വേണ്ടി ചുമരെഴുതി കേന്ദ്രമന്ത്രി സുരേഷ് ഗോപി. കുമ്പള ടെമ്പിള് റോഡിലാണ് കേന്ദ്രമന്ത്രി ചുമരെഴുതിയത്. കെ.സുരേന്ദ്രനും അദ്ദേഹത്തിന്റെ കൂടെയുണ്ടായിരുന്നു.രാവിലെ കുമ്പള ശ്രീകൃഷ്ണക്ഷേത്രത്തില് ദര്ശനം നടത്തിയ ശേഷം സുരേഷ് ഗോപിയേയും സുരേന്ദ്രനെയും മുദ്രാവാക്യം വിളിച്ച് പ്രകടനമായാണ് പ്രവര്ത്തകര് ടെമ്പിള് റോഡിലേക്ക് സ്വീകരിച്ചത്. പ്രതിപക്ഷമായ കോണ്ഗ്രസിന് സ്ഥാനാര്ത്ഥികളെ പ്രഖ്യാപിക്കാന് പോലും സാധിക്കാത്ത സാഹചര്യമാണെന്ന് കെ.സുരേന്ദ്രന് മാദ്ധ്യമപ്രവര്ത്തകരോട് പറഞ്ഞു.സിപിഎമ്മില് ചരിത്രത്തില് ഇല്ലാത്തവിധം വിമതശല്യം ഉയര്ന്നു കഴിഞ്ഞു. നിയമസഭാ തിരഞ്ഞെടുപ്പില് എന്ഡിഎ നിര്ണായക ശക്തിയായി മാറും. യുഡിഎഫിനോ എല്ഡിഎഫിനോ ഭൂരിപക്ഷം കിട്ടില്ലെന്നുറപ്പാണ്. വലിയ രാഷ്ടീയമാറ്റത്തിനാണ് കേരളം കാത്തിരിക്കുന്നതെന്നും അദ്ദേഹം പറഞ്ഞു. പരിപാടിയില് ജില്ലാ അദ്ധ്യക്ഷ എം.എല്.അശ്വനി, കോഴിക്കോട് മേഖല വൈസ് പ്രസിഡന്റ് വിജയ് കുമാര് റായ്, മണ്ഡലം പ്രസിഡന്റ് സുനില് അനന്തപുരം, സംസ്ഥാന കമ്മറ്റി അംഗങ്ങളായ വി.രവീന്ദ്രന്, സുരേഷ് കുമാര് ഷെട്ടി, വിക്രം പൈ, സുധാകര് കാമത്ത്, എസ്.പ്രേമലത ഉള്പ്പെടെയുള്ള നേതാക്കള് സംബന്ധിച്ചു.
മഞ്ചേശ്വരത്ത് കെ.സുരേന്ദ്രന് വേണ്ടി ചുമരെഴുതി സുരേഷ്ഗോപി: പ്രചരണം തുടങ്ങി
