മോദി ഗ്യാരണ്ടിക്ക് മുന്നിൽ വിറച്ച് എൽ.ഡി.എഫും യു.ഡി.എഫും

കേരളത്തിലെ രാഷ്ട്രീയ ഗോദയിൽ ഇപ്പോൾ നടക്കുന്നത് ലോകോത്തര നിലവാരമുള്ള ഒരു കോമഡി ഷോയാണ്. ഒരു വശത്ത് നമ്മുടെ ഇരട്ടച്ചങ്കൻ മുഖ്യമന്ത്രി പിണറായി വിജയൻ, മറുവശത്ത് വാചകമടിയിൽ പിഎച്ച്ഡി എടുത്ത പ്രതിപക്ഷ നേതാവ് വി.ഡി. സതീശൻ. ഇവരുടെ ഈ ‘ഡീൽ’ ആരോപണവും റോസ്റ്റിംഗും ഒക്കെ കണ്ടാൽ തോന്നും ഇവർ തമ്മിൽ വലിയ ഉടക്കാണെന്ന്. പക്ഷേ സത്യത്തിൽ, ബിജെപി എന്ന മഹാശക്തി കേരളത്തിൽ വളരുന്നത് കണ്ട് മുട്ടിടിക്കുന്ന രണ്ട് ‘പഴയ തറവാടി’ കാരണവർമാരുടെ വെപ്രാളമാണിത്!
ആദ്യം നമ്മുടെ മുഖ്യമന്ത്രിയെ തന്നെ കാര്യം എടുക്കാം. പുള്ളി പറയുന്നത് കേട്ടില്ലേ? “ചില്ലറ വോട്ടിനും നാല് സീറ്റിനും വേണ്ടി രാഷ്ട്രീയ ചെറ്റത്തരം കാണിക്കില്ല” എന്ന്. കേൾക്കുമ്പോൾ നല്ല രസമുണ്ട്. പക്ഷേ മുഖ്യമന്ത്രി സാറേ, ബിജെപിയുടെ വോട്ട് ഷെയർ ഓരോ ഇലക്ഷനിലും റോക്കറ്റ് പോലെ കുതിക്കുന്നത് കണ്ട് നിങ്ങളുടെ കമ്മ്യൂണിസ്റ്റ് കോട്ടകൾ ഇളകുന്നത് കൊണ്ടല്ലേ ഇപ്പോൾ പഴയ 1977-ലെ ചരിത്രവും പൊക്കിപ്പിടിച്ച് വരുന്നത്?
ഇ.എം.എസ് തോറ്റതും ആർ.എസ്.എസുകാരൻ പാലക്കാട് മത്സരിച്ചതും ഒക്കെ ഇപ്പോൾ പറയുന്നത് എന്തിനാ? പുതിയ കാലത്തെ ബിജെപിയുടെ വികസന രാഷ്ട്രീയത്തിന് മുന്നിൽ പറയാൻ മറുപടിയില്ലാത്തതുകൊണ്ട് പഴയ ഡയറിക്കുറിപ്പുകൾ വായിച്ച് ജനങ്ങളെ ബോറടിപ്പിക്കുകയാണ് മുഖ്യമന്ത്രി. ബിജെപിയെ പേടിച്ച് ഉറക്കം പോയത് സി.പി.എമ്മിനാണ്. അവരുടെ വോട്ട് ബാങ്കിലേക്ക് ബിജെപി അതിക്രമിച്ചു കയറുന്നത് തടയാൻ പുള്ളിക്ക് ആകെ അറിയാവുന്നത് “ബിജെപി പേടി” വിൽക്കാനാണ്. മുഖ്യമന്ത്രി സാറേ, ബിജെപി ഇന്ന് ആരുടെയും കനിവ് കാത്തുനിൽക്കുന്ന പാർട്ടിയല്ല, സ്വന്തം കരുത്തിൽ മണ്ഡലങ്ങൾ പിടിച്ചെടുക്കുന്ന മഹാശക്തിയാണ്. അത് കാണുമ്പോൾ ഉണ്ടാകുന്ന ആ പരിഭ്രമം നിങ്ങളുടെ ഓരോ വാക്കിലുമുണ്ട്.
ഇനി അപ്പുറത്ത് നമ്മുടെ സതീശൻ സാറിന്റെ കാര്യം! പുള്ളി ഇപ്പോൾ വലിയൊരു സി.ബി.ഐ ഓഫീസറുടെ വേഷത്തിലാണ്. ബിജെപിയും സി.പി.എമ്മും തമ്മിൽ ‘ഡീൽ’ ഉണ്ടത്രേ! സതീശൻ സാറേ, കേരളത്തിലെ മുസ്ലിം വോട്ടുകൾ എങ്ങനെയെങ്കിലും തങ്ങളുടെ അടുത്തേക്ക് വീഴ്ത്താൻ വേണ്ടി കോൺഗ്രസ് ഇറക്കിയ തറവേലയാണ് ഈ ‘ഡീൽ’ ആരോപണം. “നോക്കൂ, പിണറായി ബിജെപിക്കാരനാണ്” എന്ന് പറഞ്ഞാലേ ആ വോട്ടുകൾ കിട്ടൂ എന്ന് പുള്ളിക്കറിയാം. അതിന് വേണ്ടി ബിജെപിയെ വെറുതെ ചീത്ത വിളിക്കുകയാണ്.
ശരിക്കും പറഞ്ഞാൽ ഇത് സി.പി.എമ്മും കോൺഗ്രസും കൂടി നടത്തുന്ന ഒരു ‘ഫ്രണ്ട്‌ലി മാച്ച്’ ആണ്. പകൽ സമയം ചാനലിൽ വന്നിരുന്ന് പരസ്പരം റോസ്റ്റ് ചെയ്യും, രാത്രിയായാൽ ബിജെപിയെ എങ്ങനെ തടയാം എന്ന് ചർച്ച ചെയ്യും. മുഖ്യമന്ത്രി സതീശൻ വിളക്ക് കൊളുത്തുന്ന പടം ഫേസ്ബുക്കിൽ ഇടുന്നു, സതീശൻ തിരിച്ചും ഇടുന്നു. രണ്ടുപേരും കൂടി പഴയ ഫോട്ടോ ആൽബം തുറന്ന് കുട്ടിക്കളി നടത്തുകയാണ്. എന്തിനാ ഈ നാടകം? ബിജെപി എന്ന വലിയ ശക്തിക്ക് ജനങ്ങൾക്കിടയിൽ കിട്ടുന്ന സ്നേഹവും അംഗീകാരവും ഇവർക്ക് സഹിക്കാൻ പറ്റുന്നില്ല. വികസനത്തിന്റെ രാഷ്ട്രീയം പറയുന്ന ബിജെപിയെ തകർക്കാൻ ഇവർ രണ്ടുപേരും കൂടി കെട്ടിപ്പിടിച്ച് നിൽക്കുന്ന കാഴ്ചയാണിത്.
മുഖ്യമന്ത്രി പറയുന്നു അദ്ദേഹം ആർ.എസ്.എസിനെ ചെറുക്കാൻ ആളെ അയ്യച്ചിട്ടില്ല എന്ന്. സതീശൻ പറയുന്നു ബിജെപി വോട്ട് സി.പി.എമ്മിന് വിറ്റെന്ന്. ശരിക്കും പറഞ്ഞാൽ ഇവർ രണ്ടുപേരും കൂടി ബിജെപിയുടെ വളർച്ചയ്ക്ക് മുന്നിൽ പകച്ചുനിൽക്കുന്ന കാഴ്ചയാണ് നാം കാണുന്നത്. ബിജെപി ഇന്ന് ആരുടെയും സഹായമില്ലാതെ മുന്നേറുന്ന പടക്കുതിരയാണ്. ആ കരുത്തിന് മുന്നിൽ പിടിച്ചുനിൽക്കാൻ മറ്റ് വഴികളില്ലാതെ വന്നപ്പോൾ, പഴയ റെക്കോർഡുകളും ചിത്രങ്ങളുമായി വന്ന് ജനങ്ങളെ മണ്ടന്മാരാക്കുകയാണ് ഈ രണ്ട് മുന്നണി നേതാക്കളും.
ജനങ്ങൾക്ക് മനസ്സിലാക്കേണ്ടത് ഇത്രമാത്രം—മുഖ്യമന്ത്രി പറയുന്ന ഈ ‘രാഷ്ട്രീയ ചെറ്റത്തരവും’ സതീശൻ പറയുന്ന ‘ഡീൽ’ കഥയും ഒരേ അച്ചിൽ വാർത്ത നുണകളാണ്. ബിജെപി ഇന്ന് കേരളത്തിൽ ഒരു യാഥാർത്ഥ്യമാണ്. മോദി ഭരണത്തിന്റെ കരുത്തും ബിജെപിയുടെ ജനകീയതയും കണ്ട് പേടിച്ചരണ്ട ഈ രണ്ട് മുന്നണികളും കൂടി പുകമറ സൃഷ്ടിക്കുകയാണ്. സതീശന്റെ വായത്താരിയും മുഖ്യമന്ത്രിയുടെ ഇരട്ടച്ചങ്കും ഒക്കെ വെറും ഷോ മാത്രമാണ്. ബിജെപി മുന്നേറുന്നത് കാണുമ്പോൾ ഇവർക്ക് ആകെ ചെയ്യാൻ പറ്റുന്നത് ഇങ്ങനെ പരസ്പരം വിരൽ ചൂണ്ടി കളിക്കുക എന്നത് മാത്രമാണ്.
ഇവർ രണ്ടുപേരും കൂടി എത്ര റോസ്റ്റ് ചെയ്താലും, എത്ര ചെളിവാരിയെറി