കേരളത്തിന്റെ പുതിയ മുഖ്യമന്ത്രിയായി വി.ഡി. സതീശനെ കോൺഗ്രസ് ഹൈക്കമാൻഡ് ഔദ്യോഗികമായി പ്രഖ്യാപിച്ചു. ദിവസങ്ങൾ നീണ്ട അനിശ്ചിതത്വങ്ങൾക്കും ഡൽഹി കേന്ദ്രീകരിച്ചു നടന്ന ചർച്ചകൾക്കും ശേഷമാണ് എ.ഐ.സി.സി നിർണായക പ്രഖ്യാപനം നടത്തിയത്. വിജയവാർത്ത പുറത്തുവന്നതിന് പിന്നാലെ വി.ഡി. സതീശനെ സ്വാഗതം ചെയ്ത് മുസ്ലീം ലീഗ് നേതൃത്വം രംഗത്തെത്തി.
ജനങ്ങളുടെ ആഗ്രഹം പൂർത്തീകരിക്കപ്പെട്ടുവെന്നും കേരളത്തിന്റെ ഉയിർത്തെഴുന്നേൽപ്പിന്റെ കാലമാണ് വരാനിരിക്കുന്നതെന്നും മുസ്ലീം ലീഗ് സംസ്ഥാന അധ്യക്ഷൻ പാണക്കാട് സാദിഖലി ശിഹാബ് തങ്ങൾ പറഞ്ഞു. ജനമിടിപ്പിനൊപ്പം ചേരാനും ദുർഭരണമുണ്ടാക്കിയ വിള്ളലുകൾ തീർക്കാനും സദ്ഭരണത്തിന് സാധിക്കട്ടെ അദ്ദേഹം കുറിച്ചു.
