ഇന്ത്യൻ രാഷ്ട്രീയത്തിൽ സിംഹത്തെപ്പോലെ ഗർജിച്ചു നടന്നിരുന്ന, ആരെയും ഒന്നിനും കൂസാത്ത ആ ‘ബംഗാൾ കടുവ’യെ ഓർമ്മയില്ലേ? അതേ, നമ്മുടെ മമതാ ദീദി! എന്നാൽ ഇപ്പോൾ ആ കടുവ ദൽഹിയിൽ ചെന്ന് പൂച്ചയെപ്പോലെ ‘മ്യാവൂ’ വിളിക്കേണ്ടി വരുന്ന ഒരു അവസ്ഥയെക്കുറിച്ചാണ് ഇന്ന് നമ്മൾ സംസാരിക്കുന്നത്. പാവം മമതയുടെ ഒരു ഗതികേട് നോക്കണേ! കാലത്തിന്റെ ഒരു കോലം! ഇന്ത്യ മഹാരാജ്യത്ത് ഇതിനു മുൻപ് ഏതെങ്കിലും ഒരു മുഖ്യമന്ത്രിക്ക്, അതും മമതയെപ്പോലെ അഹങ്കാരത്തിന് ഒട്ടും കുറവില്ലാത്ത ഒരു നേതാവിന് ഇങ്ങനെയൊരു അവസ്ഥ വന്നിട്ടുണ്ടോ എന്ന് സംശയമാണ്. മാധ്യമ വാർത്തകൾ വരുന്നത് എങ്ങനെയാണ്? ഇൻഡ്യ മുന്നണി യോഗത്തിൽ പങ്കെടുക്കാൻ, പ്രതിപക്ഷ സഖ്യത്തിന് കരുത്ത് പകരാൻ മമതാ ബാനർജി ദൽഹിയിലേക്ക് പോകുന്നു! കേൾക്കുമ്പോൾ എന്തൊരു ഗാംഭീര്യം, അല്ലേ? എന്നാൽ സംഗതിയുടെ അന്തർധാര സജീവമായിരുന്നു എന്ന് പറയുന്നതുപോലെ, അണിയറയിലെ സത്യം അറിഞ്ഞാൽ ആർക്കായാലും കുറച്ച് സഹതാപം തോന്നിപ്പോകും. മുന്നണിക്ക് കരുത്ത് പകരാനൊന്നുമല്ല ദീദി ദൽഹിക്ക് വണ്ടി കയറിയത്; സ്വന്തം പാർട്ടിയിലെ എംപിമാർ പാർലമെന്റിൽ ഇട്ട് താങ്ങുമെന്നായപ്പോൾ, അവരെ ഒന്ന് തണുപ്പിച്ച് നിർത്തി പാർട്ടിയെ രക്ഷിക്കാൻ വേണ്ടിയാണെന്നാണ് പുറത്തുവരുന്ന ആ രഹസ്യ റിപ്പോർട്ടുകൾ.
കാര്യം ലളിതമാണ്, ദീദിയുടെ സ്വന്തം തൃണമൂൽ കോൺഗ്രസിൽ ഇപ്പോൾ വലിയൊരു വിള്ളൽ വീഴാൻ പോവുകയാണ്. ആകെയുള്ള 29 ലോക്സഭാ എംപിമാരിൽ 20 പേരെങ്കിലും ഇപ്പോൾ വിമതരായി മാറി പാർട്ടിക്ക് എതിരെ തിരിയും എന്നാണ് കേൾക്കുന്നത്. അതായത്, ബംഗാളിൽ ബിജെപിയെയും മറ്റ് എതിരാളികളെയും വിരട്ടി നിർത്തിയിരുന്ന മമതയ്ക്ക് ഇപ്പോൾ സ്വന്തം വീട്ടിലെ ആൾക്കാരെ പേടിക്കേണ്ട ഗതികേടായി. ദൽഹിയിൽ ചെന്നിട്ട് ഈ വിമത എംപിമാരുടെ മുന്നിൽ കൈയും കെട്ടി നിന്ന്, ‘എന്നെ ചതിക്കരുതേ, പാർട്ടിയിലേക്ക് തിരിച്ചുവരണേ’ എന്ന് അപേക്ഷിക്കേണ്ട അവസ്ഥയിലാണ് ഇപ്പോൾ നമ്മുടെ ബംഗാൾ സിംഹം. എങ്ങനെയെങ്കിലും ഇവരെ കാലുപിടിച്ച് തിരികെ കൊണ്ടുവരാൻ പറ്റുമോ എന്ന് നോക്കാനാണ് ഈ ദൽഹി യാത്രയത്രെ! എന്തായാലും മമതയുടെ ആ പഴയ അഹങ്കാരമൊക്കെ ഇപ്പോൾ അൽപം ശമിച്ചിട്ടുണ്ട് എന്ന് തന്നെയാണ് ഈ നീക്കങ്ങൾ കാണിക്കുന്നത്. എപ്പോഴും തലയുയർത്തി മാത്രം സംസാരിക്കുന്ന ദീദി, ഇപ്പോൾ എംപിമാരുടെ മൂഡ് അനുസരിച്ച് താളം തുള്ളേണ്ട അവസ്ഥയിലാണ്.
ഇനി ഇതിന്റെ കൂടെ മറ്റൊരു രസകരമായ കഥ കൂടിയുണ്ട്. മരുമകൻ അഭിഷേക് ബാനർജിയുടെ ചിറകിന് ക്ലിപ്പിടാൻ മമത കഴിഞ്ഞ ദിവസം തയ്യാറായിരുന്നു എന്നത് വലിയ വാർത്തയായിരുന്നു. പാർട്ടി അധ്യക്ഷൻ അഭിഷേക് ബാനർജിയാണെങ്കിലും, പുള്ളിക്കാരൻ്റെ തന്നിഷ്ടം അത്ര അങ്ങോട്ട് വിലപ്പോകാത്തതുകൊണ്ട് രണ്ട് ഉപാധ്യക്ഷന്മാരെക്കൂടി പുതുതായി നിയമിക്കാൻ മമത നിർബന്ധിതയായി. മരുമകനെതിരെ പാർട്ടിയിൽ ഉയരുന്ന വിമർശനങ്ങളെ ഉൾക്കൊള്ളാനല്ല, മറിച്ച് സ്വന്തം കസേര ഇളകാതിരിക്കാൻ മരുമകന്റെ അധികാരം ഒന്ന് വെട്ടിിച്ചുരുക്കിയതാണ്. ഇങ്ങനെ സ്വന്തം കുടുംബത്തിലും പാർട്ടിയിലും തീപിടിച്ചു കിടക്കുമ്പോഴാണ് മമത ഇൻഡ്യ മുന്നണി നന്നാക്കാൻ പോകുന്നത്! ഇതിനിടയിലാണ് ആ കോമഡി യോഗം ദൽഹിയിൽ നടക്കുന്നത്. ഇൻഡ്യ മുന്നണി യോഗത്തിൽ ഡിഎംകെ ഉൾപ്പെടെയുള്ള പല പ്രമുഖ പാർട്ടികളും പങ്കെടുക്കുന്നില്ല. ജാർഖണ്ഡിലെ ജെഎംഎം നേതാവ് ഹേമന്ത് സോറന് ഈ യോഗത്തിൽ പങ്കെടുക്കാൻ വലിയ താല്പര്യമില്ല. ഇനി ഡിഎംകെയെ ആണെങ്കിൽ കോൺഗ്രസ് നേരത്തെ തന്നെ പിണക്കി വെച്ചിരിക്കുകയാണ്. അതുകൊണ്ട് എൻസിപി നേതാവ് ശരദ് പവാറും വരില്ല. പകരം പേരിന് രോഹിത് പവാറിനെ എങ്ങാനും പങ്കെടിപ്പിച്ചേക്കാം എന്ന് മാത്രം. ചുരുക്കം പറഞ്ഞാൽ, കരുത്ത് കാട്ടാൻ വെച്ച യോഗം ഇപ്പോൾ വെറുമൊരു ചായ കുടി സൽക്കാരമായി മാറിയിരിക്കുകയാണ്.
ഈ അവസ്ഥയിലാണ് സ്വന്തം എംപിമാരെ തണുപ്പിക്കാൻ നടക്കുന്ന മമതയും വലിയ പ്രതീക്ഷയോടെ അങ്ങോട്ട് ചെല്ലുന്നത്. അവിടെ ചെന്നാൽ അടുത്ത പുകിലാണ്. രാഹുൽ ഗാന്ധിയും മമതയും തമ്മിലുള്ള ആ ഈഗോ ക്ലാഷ് ലോകപ്രസിദ്ധമാണല്ലോ. ഇവർ രണ്ടുപേരും തമ്മിൽ വൈകാതെ തന്നെ അടി തുടങ്ങുമെന്നും മുന്നണി പാളയത്തിൽ പട ഉണ്ടാകുമെന്നും രാഷ്ട്രീയ നിരീക്ഷകർ ഇതിനകം ഉറപ്പിച്ചു കഴിഞ്ഞു. സ്വന്തം പാർട്ടിയിലെ 20 എംപിമാർ എപ്പോൾ പാര വെക്കും എന്ന് പേടിച്ചിരിക്കുന്ന മമത, ഒടുവിൽ രാഹുൽ ഗാന്ധിയുടെ ഈഗോയും കൂടി താങ്ങേണ്ടി വരുന്നത് ആലോചിക്കുമ്പോഴാണ്! എന്തായാലും, മറ്റുള്ളവരെ ഭരിക്കാൻ നടന്നിട്ട് ഇപ്പോൾ സ്വന്തം നേതാക്കളുടെ മുന്നിൽ അപേക്ഷകയായി നിൽക്കുന്ന മമതയുടെ ഈ അവസ്ഥ കാണുമ്പോൾ ഒന്നുമാത്രമേ പറയാനുള്ളൂ—’കാലം കാത്തുവെച്ച കാവ്യനീതി’ എന്ന് പറയുന്നത് ഇതാണോ? എന്തായാലും ദീദിയുടെ ഈ ദൽഹി യാത്ര വിജയകരമായ ഒരു ‘അനുനയ’ യാത്രയാകുമോ അതോ തൃണമൂൽ കോൺഗ്രസിന്റെ തകർച്ചയുടെ തുടക്കമാകുമോ എന്ന് നമുക്ക് കണ്ടറിയാം
ഇരുപത്തിനാല് മണിക്കൂറും നരേന്ദ്ര മോദിയെയും അമിത് ഷായെയും ബിജെപിയെയും കുറ്റപ്പെടുത്താനും വെല്ലുവിളിക്കാനും നീക്കിവെക്കുന്ന സമയം കൊണ്ട് സ്വന്തം പാർട്ടിക്കുള്ളിൽ എന്താണ് നടക്കുന്നത് എന്ന് നോക്കിയിരുന്നെങ്കിൽ മമതയ്ക്ക് ഇന്ന് ഈ ഗതികേട് വരില്ലായിരുന്നു.
ഡൽഹിയിൽ പോയി മോദിക്കെതിരെ സഖ്യമുണ്ടാക്കാനും ദേശീയ നേതാവാകാനും പ്ലാനിടുമ്പോൾ, സ്വന്തം അണികളും എംപിമാരും കാലിനടിയിലെ മണ്ണ് ചോർത്തിക്കൊണ്ടുപോകുന്നത് ദീദി അറിഞ്ഞതേയില്ല. അമിത് ഷായുടെ രാഷ്ട്രീയ തന്ത്രങ്ങളെ ചെറുക്കാൻ നോക്കുന്ന മമതയ്ക്ക്, സ്വന്തം മരുമകൻ അഭിഷേക് ബാനർജി പാർട്ടിയിൽ ഉണ്ടാക്കിവെച്ച ആഭ്യന്തര പുകിലുകൾ പോലും സമയത്തിന് പരിഹരിക്കാൻ പറ്റിയില്ല എന്നതാണ് യാഥാർത്ഥ്യം.
എപ്പോഴും ‘എതിരാളി പുറത്താണ്’ എന്ന് കരുതി അങ്ങോട്ട് ലക്ഷ്യം വെച്ച് പോരാടുമ്പോൾ, യഥാർത്ഥ ശത്രുക്കൾ സ്വന്തം പാളയത്തിൽ തന്നെയാണ് വളരുന്നതെന്ന് മമത വൈകിയാണ് തിരിച്ചറിഞ്ഞത്. ബിജെപിയെ തോൽപ്പിക്കാൻ വലിയ കോട്ടകൾ കെട്ടാൻ നടന്ന മമതയ്ക്ക്, ഇപ്പോൾ സ്വന്തം കോട്ടയിലെ വിള്ളലുകൾ അടയ്ക്കാൻ വിമതരുടെ മുന്നിൽ അപേക്ഷിക്കേണ്ടി വരുന്നു എന്നത് രാഷ്ട്രീയത്തിലെ ഏറ്റവും വലിയ തിരിച്ചടിയും പരിഹാസവുമാണ്. എന്തായാലും മറ്റുള്ളവരെ കുറ്റം പറയുന്ന തിരക്കിൽ സ്വന്തം വീട് നോക്കാൻ മറന്ന ഒരു നേതാവിന്റെ കൃത്യമായ ഉദാഹരണമായി മമത ബാനർജി മാറിയിരിക്കുകയാണ്.ദേശീയ മാധ്യമങ്ങളിലൊക്കെ വലിയ സിംഹമായി വന്ന് അലറുകയും, പാർലമെന്റിൽ ബിജെപിയെ വിറപ്പിക്കാൻ നോക്കുകയും ചെയ്യുന്ന തൃണമൂൽ എംപിമാരെ ഓർക്കുമ്പോഴാണ് ഇപ്പോൾ കൂടുതൽ ചിരി വരുന്നത്. ഡൽഹിയിൽ ബിജെപിക്കെതിരെ ബഹളം വെക്കാൻ പോയ ഇവരൊക്കെ ഇപ്പോൾ സ്വന്തം നേതാവിനെതിരെ തന്നെ തിരിഞ്ഞിരിക്കുകയാണ്. മമത ദീദി ഡൽഹിയിൽ ചെന്നിറങ്ങിയത് ഈ എംപിമാരെ ഒന്ന് കാണാനാണ്. അവിടെ വെച്ച് നടക്കുന്ന കൂടിക്കാഴ്ചകൾ സത്യത്തിൽ ഭയങ്കര കോമഡിയായിരിക്കും. പുറത്ത് ക്യാമറയ്ക്ക് മുന്നിൽ തോളിൽ കൈയിട്ട് ‘ഞങ്ങൾ ഒന്നാണ്’ എന്ന് കാണിച്ച് ചിരിക്കുമെങ്കിലും, ഉള്ളിൽ ഓരോരുത്തരും മമതയുടെ കസേരയുടെ കാല് എങ്ങനെ ഒടിക്കാം എന്ന് ആലോചിക്കുകയായിരിക്കും. ദീദി ആണെങ്കിൽ ഓരോരുത്തർക്കും ചായയും ബിസ്ക്കറ്റും എടുത്തു കൊടുത്ത്, “നിങ്ങൾക്ക് വേറെ എന്തെങ്കിലും പരാതിയുണ്ടോ മക്കളേ, അതൊക്കെ നമുക്ക് പിന്നെ തീർക്കാം, ഇപ്പോൾ എന്നെ നാറ്റിക്കരുത്” എന്ന് പറഞ്ഞ് സോപ്പിടുന്ന അവസ്ഥയിലാണ്. ബംഗാളിൽ പ്രതിപക്ഷത്തെ ഒരൊറ്റ നേതാവിനെപ്പോലും മര്യാദയ്ക്ക് സംസാരിക്കാൻ സമ്മതിക്കാത്ത മമത, സ്വന്തം എംപിമാരുടെ മൂഡ് നോക്കി സംസാരിക്കേണ്ടി വരുന്നത് കാലത്തിന്റെ കാവ്യനീതി തന്നെയാണ്.
ഇനി ഈ ഇൻഡ്യ മുന്നണി യോഗത്തിന്റെ കാര്യം പറയുകയേ വേണ്ട. മോദിയെ താഴെയിറക്കാൻ വലിയ പ്ലാനിട്ട് ചെന്ന മമതയ്ക്ക് അവിടെ ചെന്നപ്പോൾ ഇരിക്കാൻ കസേര പോലും കിട്ടാത്ത അവസ്ഥയാണ്. കാരണം, വരാമെന്ന് പറഞ്ഞ പ്രമുഖ നേതാക്കളൊക്കെ ഇപ്പോൾ ഓരോ കാരണങ്ങൾ പറഞ്ഞ് മുങ്ങിത്തുടങ്ങി. ഒടുവിൽ രാഹുൽ ഗാന്ധിയും മമതയും മാത്രം ഇരുന്ന് ചായ കുടിക്കേണ്ടി വരുന്ന അവസ്ഥ വന്നാൽ അത്ഭുതപ്പെടാനില്ല. അവിടെ ചെന്നാലും സമാധാനമുണ്ടാകില്ല; “അടുത്ത പ്രധാനമന്ത്രി ആരാകണം” എന്ന ചോദ്യം വരുമ്പോൾ തന്നെ രണ്ടുപേരും തമ്മിൽ ഈഗോ അടിച്ചു പിരിയും. ബിജെപിയെയും അമിത് ഷായെയും കുറ്റപ്പെടുത്തി സമയം കളയുന്നതിനിടയിൽ, തന്റെ ചുറ്റുമുള്ളവരൊക്കെ തനിക്കിട്ട് പാര വെക്കാൻ കാത്തിരിക്കുകയാണെന്ന് മമത ഇപ്പോഴാണ് തിരിച്ചറിയുന്നത്. എന്തായാലും, മറ്റുള്ളവരുടെ രാഷ്ട്രീയ തന്ത്രങ്ങളെ ട്രോളാൻ നടന്ന മമത, ഒടുവിൽ സ്വന്തം പാർട്ടിക്കാരുടെ തന്ത്രങ്ങൾക്ക് മുന്നിൽ പെട്ടുപോയ കാഴ്ച ശരിക്കും ആസ്വദിക്കാൻ പറ്റിയ ഒന്നാന്തരം ഒരു രാഷ്ട്രീയ നാടകം തന്നെയാണ്
