സംസ്ഥാനത്ത് വീണ്ടും കാട്ടാന ആക്രമണം; ഒരാൾ കൊല്ലപ്പെട്ടു

വയനാട്ടിൽ കാട്ടാന ആക്രമണത്തിൽ ഒരാൾ മരിച്ചു. വയനാട് മേപ്പാടി എരുമക്കൊല്ലി സ്വദേശി അറുമുഖനാണ് കാട്ടാനയുടെ ആക്രമണത്തിൽ കൊല്ലപ്പെട്ടത്.

പൊലീസും വനംവകുപ്പും സംഭവസ്ഥലത്തേക്കെത്തുന്നതേയുള്ളൂ. പ്രദേശവാസികളാണ് സംഭവം പുറത്തറിയിച്ചത്. അറുമുഖൻ തിരികെ കോളനിയിലേക്ക് വരുന്നതിനിടെയാണ് കാട്ടാനയുടെ ആക്രമണം. കാട്ടാന ശല്യമുള്ള പ്രദേശമാണിത്. തേയില തോട്ടത്തോട്ട് ചേർന്ന് കിടക്കുന്ന പ്രദേശത്താണ് ആക്രമണം നടന്നത്.