സമീപഭാവിയിൽ ഇലക്ട്രിക് കാറുകളുടെ വില സാധാരണ പെട്രോൾ കാറുകൾക്ക് തുല്യമാകുമെന്നും അത്തരമൊരു സാഹചര്യത്തിൽ ആളുകൾക്ക് ഇലക്ട്രിക് കാറുകൾ വാങ്ങുന്നത് എളുപ്പമാകുമെന്നുമാണ് കേന്ദ്ര മന്ത്രി നിതിൻ ഗഡ്‍കരി അടുത്തിടെ പറഞ്ഞത്.
പെട്രോൾ-ഡീസൽ അല്ലെങ്കിൽ സിഎൻജി കാറുകളേക്കാൾ ഇലക്ട്രിക് വാഹനങ്ങളുടെ വില നിലവിൽ കൂടുതലാണ്. ഇന്ത്യയിൽ കോടിക്കണക്കിന് താഴ്ന്ന വരുമാനക്കാരുണ്ട്. പലരുടെയും വാർഷിക വരുമാനം കഷ്ടിച്ച് 10 ലക്ഷം രൂപ മാത്രമാണ്. ഈ വരുമാന ഗ്രൂപ്പിൽ ഉൾപ്പെട്ട, ഒരു ഇലക്ട്രിക് കാർ വാങ്ങണമെന്ന് സ്വപ്നം കാണുന്നവരാണോ നിങ്ങൾ? എങ്കിൽ ടാറ്റ മോട്ടോഴ്‌സ്, ജെഎസ്ഡബ്ല്യു എംജി, സിട്രോൺ തുടങ്ങിയ കമ്പനികളിൽ നിന്നുള്ള ബജറ്റ് ഇലക്ട്രിക് വാഹനങ്ങൾ നിങ്ങൾക്ക് തിരഞ്ഞെടുക്കാം.
