ശത്രുക്കളെ ഞെട്ടിച്ച മോദിയുടെ നീക്കം

ഇന്ന് നമ്മൾ ചർച്ച ചെയ്യുന്നത് ഇന്ത്യയുടെ പ്രതിരോധ മേഖലയിൽ ഉണ്ടായ ഏറ്റവും പുതിയതും എന്നാൽ അതീവ ഗൗരവമേറിയതുമായ ഒരു നീക്കത്തെക്കുറിച്ചാണ്. ലോകം മുഴുവൻ ഇപ്പോൾ ഒരു വലിയ യുദ്ധത്തിന്റെ നടുവിലാണ്. റഷ്യയും ഉക്രൈനും തമ്മിൽ നടക്കുന്നത് വെറുമൊരു പോരാട്ടമല്ല, അത് ആഗോള രാഷ്ട്രീയത്തെ തന്നെ മാറ്റിമറിച്ചുകൊണ്ടിരിക്കുകയാണ്. എന്നാൽ ഈ കത്തുന്ന യുദ്ധത്തിനിടയിലും ഇന്ത്യയെ സംബന്ധിച്ച് ഏറ്റവും ആശ്വാസകരമായ ഒരു വാർത്തയാണ് ഇപ്പോൾ മോസ്കോയിൽ നിന്നും പുറത്തുവരുന്നത്. റഷ്യ തങ്ങളുടെ പക്കലുള്ള ലോകത്തിലെ ഏറ്റവും കരുത്തുറ്റ വ്യോമപ്രതിരോധ സംവിധാനമായ എസ്-400-ന്റെ നാലാമത്തെ യൂണിറ്റ് ഇപ്പോൾ ഇന്ത്യയിലേക്ക് അയച്ചിരിക്കുന്നു. ഈ ഒരു വാർത്തയ്ക്ക് പിന്നിൽ വലിയൊരു രാഷ്ട്രീയമുണ്ട്, വലിയൊരു നയതന്ത്ര വിജയമുണ്ട്. എന്താണ് യഥാർത്ഥത്തിൽ ഈ എസ്-400? ഇന്ത്യ ഇതിനെ എന്തുകൊണ്ടാണ് ‘സുദർശൻ ചക്ര’ എന്ന് വിളിക്കുന്നത്? റഷ്യയിൽ യുദ്ധം നടക്കുമ്പോഴും എന്തുകൊണ്ടാണ് അവർ ഈ ആയുധം ഇന്ത്യയ്ക്ക് തന്നെ നൽകുന്നത്? ഇത്തരത്തിൽ ഈ വിഷയത്തെക്കുറിച്ച് നമ്മൾ അറിഞ്ഞിരിക്കേണ്ട എല്ലാ കാര്യങ്ങളും നമുക്ക് ഇന്ന് വിശദമായി പരിശോധിക്കാം.
ആദ്യം തന്നെ നമുക്ക് ഈ എസ്-400 അല്ലെങ്കിൽ ഇന്ത്യ വിളിക്കുന്ന സുദർശൻ ചക്ര എന്താണെന്ന് ഒന്ന് ലളിതമായി മനസ്സിലാക്കാം. ഇതിനെ നമുക്ക് ഒരു ‘മിസൈൽ കില്ലർ’ എന്ന് വിളിക്കാം. സാധാരണയായി ശത്രുക്കൾ ഒരു മിസൈലോ യുദ്ധവിമാനമോ അയച്ചാൽ അത് നമ്മുടെ മണ്ണിൽ പതിച്ചു കഴിഞ്ഞേ നമുക്ക് പ്രതികരിക്കാൻ കഴിയൂ എന്നൊരു പേടിയുണ്ടായിരുന്നു. എന്നാൽ സുദർശൻ ചക്ര നമ്മുടെ അതിർത്തിയിൽ ഉള്ളപ്പോൾ ഇന്ത്യയുടെ 400 കിലോമീറ്റർ ചുറ്റളവിൽ പറന്നുയരുന്ന ഏത് ശത്രുവിനെയും ആകാശത്തുവെച്ച് തന്നെ ചാമ്പലാക്കാൻ ഇതിന് സാധിക്കും. ഇതിന്റെ ഒരു യൂണിറ്റിൽ തന്നെ റഡാറുകളും ലോഞ്ചറുകളും മിസൈലുകളും ഉണ്ടാകും. ഇന്ത്യ ഇതിനെ വെറുമൊരു റഷ്യൻ ആയുധമായിട്ടല്ല ഉപയോഗിക്കുന്നത്. നമ്മുടെ ശാസ്ത്രജ്ഞർ ഇതിൽ ഇന്ത്യയുടെ സ്വന്തം നിർമ്മിത ബുദ്ധി അഥവാ ആർട്ടിഫിഷ്യൽ ഇന്റലിജൻസ് സംവിധാനങ്ങളും ഡേറ്റ അനലിറ്റിക്സും ജി.ഐ മാപ്പിംഗും ഒക്കെ കൂട്ടിച്ചേർത്തു. അതായത് റഷ്യ നൽകിയ അസംസ്‌കൃതമായ ഒരു ആയുധത്തെ ഇന്ത്യ ഒരു അത്യാധുനിക ‘സ്മാർട്ട്’ പ്രതിരോധ കവചമാക്കി മാറ്റി. ശത്രുവിന്റെ കണ്ണ് വെട്ടിച്ച് വരുന്ന സ്റ്റെൽത്ത് വിമാനങ്ങളെ പോലും നിമിഷങ്ങൾക്കുള്ളിൽ ലോക്ക് ചെയ്യാൻ ഇതിന് കഴിയും.
ഇനി എന്തുകൊണ്ടാണ് ഈ വാർത്തയ്ക്ക് ഇപ്പോൾ ഇത്രയും പഞ്ച് വരുന്നത് എന്ന് നോക്കാം. 2018-ലാണ് അഞ്ച് എസ്-400 യൂണിറ്റുകൾ വാങ്ങാൻ ഇന്ത്യയും റഷ്യയും തമ്മിൽ കരാർ ഒപ്പിട്ടത്. അതിന് പിന്നാലെ റഷ്യ ഉക്രൈൻ യുദ്ധത്തിൽ അകപ്പെട്ടു. സ്വന്തം രാജ്യത്ത് യുദ്ധം നടക്കുമ്പോൾ സ്വാഭാവികമായും റഷ്യ തങ്ങളുടെ ആയുധങ്ങൾ പുറത്തേക്ക് കൊടുക്കാൻ മടിക്കും. എന്നാൽ ഏപ്രിൽ 18-ന് ഇന്ത്യൻ വ്യോമസേനാ ഉദ്യോഗസ്ഥർ റഷ്യയിൽ നേരിട്ട് പോയി ഈ നാലാമത്തെ യൂണിറ്റ് പരിശോധിച്ച് ഉറപ്പുവരുത്തിയിരുന്നു. റഷ്യയിലുണ്ടായ ആഭ്യന്തര പ്രശ്നങ്ങളും യുദ്ധസാഹചര്യങ്ങളും ഒന്നും ഈ ഇടപാടിനെ ബാധിച്ചില്ല എന്നത് ശ്രദ്ധേയമാണ്. ഇതിന് പിന്നിൽ പ്രവർത്തിച്ചത് പ്രധാനമന്ത്രി നരേന്ദ്ര മോദിയും വ്ളാഡിമിർ പുടിനും തമ്മിലുള്ള ദൃഢമായ സൗഹൃദമാണ്. ഈ സ്നേഹസമ്മർദ്ദത്തിന് വഴങ്ങിയാണ് റഷ്യ ഇന്ത്യയുടെ ആവശ്യം മുൻഗണന നൽകി പരിഗണിച്ചത്.
നമ്മൾ ഈ സംവിധാനത്തിന്റെ കരുത്തിനെക്കുറിച്ച് പറയുമ്പോൾ ഓർത്തുവെക്കേണ്ട മറ്റൊരു കാര്യമാണ് ‘ഓപ്പറേഷൻ സിന്ദൂർ’. ആ സമയത്ത് ഇന്ത്യയുടെ പ്രതിരോധത്തിന് നട്ടെല്ലായി പ്രവർത്തിച്ചത് ഈ സുദർശൻ ചക്രയായിരുന്നു. പാകിസ്ഥാൻ ഏകദേശം 4720 കോടി രൂപ മുടക്കി സ്വീഡനിൽ നിന്ന് വാങ്ങിയ ‘അവാക്സ്’ എന്ന അത്യാധുനിക നിരീക്ഷണ വിമാനങ്ങളെ ഇന്ത്യയുടെ ഈ സംവിധാനം അനായാസം തകർത്തു. ശത്രുവിന്റെ ഡ്രോണുകളെയും യുദ്ധജെറ്റുകളെയും ഇന്ത്യയുടെ മണ്ണിലേക്ക് പ്രവേശിക്കാൻ പോലും അനുവദിക്കാതെ ആകാശത്തുവെച്ച് തന്നെ നിർവീര്യമാക്കി. പാകിസ്ഥാന്റെ വ്യോമ നിരീക്ഷണ ശേഷിയും പ്രത്യാക്രമണം നടത്താനുള്ള അവരുടെ തന്ത്രങ്ങളും ഇതിലൂടെ തകർന്നടിഞ്ഞു. ഈ തിരിച്ചടി പാക് വ്യോമസേനയെ അക്ഷരാർത്ഥത്തിൽ ഞെട്ടിച്ചിരിക്കുകയാണ്. ഇതിന്റെ ഫലമായി പാകിസ്ഥാൻ തങ്ങളുടെ യുദ്ധവിമാനങ്ങളെ അതിർത്തിയിൽ നിന്ന് മാറ്റി ക്വെറ്റയിലേക്കും പെഷവാറിലേക്കും ഒളിപ്പിക്കേണ്ടി വന്നു. ഇന്ത്യയുടെ സുദർശൻ ചക്രയെ അത്രമേൽ അവർ ഭയപ്പെടുന്നു എന്നതിന് ഇതിലും വലിയ തെളിവ് വേറെയില്ല.