ഒരു രാജ്യം… അതും ലോകത്തിലെ തന്നെ ഏറ്റവും വലിയ സൈനിക ശക്തികളിലൊന്നായ ഒരു രാജ്യം നമ്മുടെ ഭാരതത്തെ നോക്കി പഠിക്കാൻ പോവുകയാണ്, ഇന്ത്യയെ മാതൃകയാക്കാൻ പോവുകയാണ് എന്ന് പറഞ്ഞാൽ നിങ്ങൾ വിശ്വസിക്കുമോ?
ചിലപ്പോൾ മോദി വിരുദ്ധർക്ക് ഇത് വിശ്വസിക്കാൻ കുറച്ചു ബുദ്ധിമുട്ട് കാണും. അവർ നെറ്റി ചുളിച്ചേക്കാം, നുണപ്രചാരണമെന്ന് പറഞ്ഞ് തള്ളിക്കളഞ്ഞേക്കാം. എന്നാൽ കേട്ടോളൂ സുഹൃത്തുക്കളെ… ഇത് ആരും എഴുതിത്തയ്യാറാക്കിയ തിരക്കഥയല്ല, ലോകത്തിന് മുന്നിൽ ഇന്ന് തെളിഞ്ഞുനിൽക്കുന്ന പച്ചയായ യാഥാർത്ഥ്യമാണ്! കാരണം, ഇത് പഴയ ഇന്ത്യയല്ല. ലോകരാജ്യങ്ങൾ ഒന്നടങ്കം ആദരിക്കുന്ന, ബഹുമാനിക്കുന്ന നരേന്ദ്ര മോദിയുടെ പുതിയ ഇന്ത്യയാണ്!
അതെ സുഹൃത്തുക്കളെ, ഞാൻ പറഞ്ഞു വരുന്നത് മറ്റാരെയും കുറിച്ചല്ല, ലോകത്തെ വിറപ്പിക്കുന്ന സൈനിക വീര്യമുള്ള ഇസ്രായേൽ നമ്മുടെ ഇന്ത്യയെ മാതൃകയാക്കാൻ ഒരുങ്ങുകയാണ്! ആയുധ നിർമ്മാണത്തിൽ വിദേശ രാജ്യങ്ങളെ ആശ്രയിക്കുന്നത് അവസാനിപ്പിച്ച്, ഇന്ത്യ നടപ്പിലാക്കിയ ‘മേയ്ക്ക് ഇൻ ഇന്ത്യ’ തന്ത്രം തങ്ങൾക്കും വേണമെന്ന് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു പരസ്യമായി പ്രഖ്യാപിച്ചിരിക്കുന്നു. എന്താണ് ഈ വാർത്തയ്ക്ക് പിന്നിലെ യഥാർത്ഥ മാജിക്? മോദി പവർ ലോകത്തെ എവിടെയെത്തിച്ചു? നമുക്കൊന്ന് വിശദമായി പരിശോധിക്കാം…
ലോകം ഇന്ന് ഒരു കാര്യം തിരിച്ചറിഞ്ഞു കഴിഞ്ഞു, ഇത് പഴയ ഇന്ത്യയല്ല. കൈകൂപ്പി നിന്നിരുന്ന, ആയുധങ്ങൾക്കായി വിദേശ രാജ്യങ്ങളുടെ മുന്നിൽ ക്യൂ നിന്നിരുന്ന ഒരു കാലമുണ്ടായിരുന്നു ഭാരതത്തിന്. എന്നാൽ ഇന്ന് കാലം മാറി, കഥ മാറി. ഇന്ന് ലോകം ഭാരതത്തെ നോക്കി പഠിക്കുകയാണ്. അതെ, ലോകത്തിലെ ഏറ്റവും വലിയ സൈനിക ശക്തികളിലൊന്നായ ഇസ്രായേൽ പോലും പരസ്യമായി പറയുന്നു, ഞങ്ങൾക്ക് ഇന്ത്യയെ മാതൃകയാക്കണം! കേവലം ഒരു വാർത്തയല്ല ഇത്, ആഗോള രാഷ്ട്രീയത്തിന്റെ ഭൂപടം മാറ്റിവരയ്ക്കുന്ന ഒരു പുതിയ ചരിത്രമാണ്. നരേന്ദ്ര മോദി എന്ന ഭരണാധികാരിയുടെ ദീർഘവീക്ഷണവും, ‘മേയ്ക്ക് ഇൻ ഇന്ത്യ’ എന്ന സിംഹഗർജ്ജനവും ലോകത്തെ എവിടെയെത്തിച്ചു എന്ന് തെളിയിക്കുന്നതാണ് ഈ ദിവസങ്ങളിൽ പുറത്തുവരുന്ന വാർത്തകൾ. ഇതിനെ മോദി പവർ എന്നോ മോദി മാജിക് എന്നോ നിങ്ങൾക്ക് വിളിക്കാം. കാരണം, അസാധ്യമെന്ന് കരുതിയതിനെ സാധ്യമാക്കിക്കൊണ്ട് ഭാരതം ഇന്ന് ലോകത്തിന്റെ നെറുകയിലേക്ക് കുതിക്കുകയാണ്. ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിന്റെ പ്രസ്താവനയും, ഗൾഫ് രാജ്യങ്ങൾ ഇന്ത്യയുടെ ബ്രഹ്മോസ് മിസൈൽ വാങ്ങാൻ നടത്തുന്ന ചർച്ചകളും ഒരേയൊരു കാര്യമാണ് അടിവരയിടുന്നത്
സുഹൃത്തുക്കളെ, ഇസ്രായേൽ എന്ന് കേൾക്കുമ്പോൾ നമ്മുടെ മനസ്സിൽ വരുന്നത് അത്യാധുനിക ആയുധങ്ങളും ലോകത്തിലെ ഏറ്റവും മികച്ച പ്രതിരോധ സംവിധാനങ്ങളുമാണ്. എന്നാൽ അതേ ഇസ്രായേലിന്റെ പ്രധാനമന്ത്രി ബെഞ്ചമിൻ നെതന്യാഹു കഴിഞ്ഞ ദിവസം സ്വന്തം സൈനിക ഉദ്യോഗസ്ഥരോട് സംസാരിക്കുമ്പോൾ വളരെ നിർണായകമായ ഒരു കാര്യം തുറന്നുപറഞ്ഞു. വരും ദശകങ്ങളിൽ ഇസ്രായേലിന്റെ നിലനിൽപ്പ് സ്വന്തം സൈനിക ശക്തിയെ ആശ്രയിച്ചായിരിക്കും എന്നും, ഇനിമുതൽ വിദേശ രാജ്യങ്ങളെ ആശ്രയിക്കുന്നത് അവസാനിപ്പിച്ച് രാജ്യം സ്വന്തമായി ആയുധങ്ങൾ നിർമ്മിക്കണമെന്നുമാണ് അദ്ദേഹം വ്യക്തമാക്കിയത്. വർഷങ്ങളായി തങ്ങളെ സഹായിക്കുന്ന അമേരിക്കയോട് നന്ദിയുണ്ടെന്ന് പറയുമ്പോഴും, തന്ത്രപരമായ സ്വയംപര്യാപ്തത വേണമെന്നാണ് നെതന്യാഹു ആഹ്വാനം ചെയ്യുന്നത്. ഇവിടെയാണ് ഇന്ത്യയുടെ പ്രസക്തി. കാരണം, പ്രതിരോധ രംഗത്ത് ഒരു രാജ്യം എങ്ങനെ സ്വയംപര്യാപ്തത നേടണം എന്നതിന് ലോകത്തിന് മുന്നിലുള്ള ഏറ്റവും മികച്ച മാതൃക ഇന്നത്തെ ഇന്ത്യയാണ്. മോദി സർക്കാരിന്റെ ‘മേയ്ക്ക് ഇൻ ഇന്ത്യ’ നയത്തെ തന്നെയാണ് ഇസ്രായേലും ഇപ്പോൾ പിന്തുടരാൻ ഒരുങ്ങുന്നത്. വിദേശ ശക്തികളുടെ നയങ്ങൾ മാറുന്നതിനനുസരിച്ച് സ്വന്തം രാജ്യത്തിന്റെ സുരക്ഷ അപകടത്തിലാകാതിരിക്കാൻ ഇന്ത്യ കാണിച്ചുതന്ന അതേ വഴിയിലൂടെ നടക്കാൻ ഇസ്രായേൽ തീരുമാനിച്ചിരിക്കുന്നു.
ഒരു കാലത്ത് ലോകത്തിൽ ഏറ്റവും കൂടുതൽ ആയുധങ്ങൾ ഇറക്കുമതി ചെയ്തിരുന്ന രാജ്യം ഏതായിരുന്നു എന്ന് ചോദിച്ചാൽ അതിനുള്ള ഉത്തരം ഇന്ത്യ എന്നായിരുന്നു. ചെറിയൊരു വെടിയുണ്ടയ്ക്ക് പോലും നമ്മൾ മറ്റ് രാജ്യങ്ങളുടെ അനുമതിക്കായി കാത്തുനിൽക്കേണ്ടി വന്നിട്ടുണ്ട്. എന്നാൽ നരേന്ദ്ര മോദി ഭരണകൂടം അധികാരത്തിൽ വന്നതിനുശേഷം പ്രതിരോധ മേഖലയിൽ കൊണ്ടുവന്ന വിപ്ലവകരമായ മാറ്റങ്ങൾ ഈ ചിത്രത്തെ പാടെ മാറ്റിമറിച്ചു. ഇന്ന് ഇന്ത്യ ആയുധങ്ങൾ വാങ്ങുന്ന രാജ്യമല്ല, മറിച്ച് ലോകരാജ്യങ്ങൾക്ക് ആയുധങ്ങൾ വിൽക്കുന്ന വമ്പൻ ശക്തിയായി മാറിയിരിക്കുന്നു. കഴിഞ്ഞ സാമ്പത്തിക വർഷങ്ങളിലെ കണക്കുകൾ പരിശോധിച്ചാൽ ഇന്ത്യയുടെ പ്രതിരോധ കയറ്റുമതി റെക്കോർഡ് വേഗതയിലാണ് കുതിച്ചുയരുന്നത്
