ലോകകപ്പിന് ശേഷം അല് നസ്ര് ടീമിലേക്കുള്ള ക്രിസ്റ്റ്യാനോ റൊണാള്ഡോയുടെ തിരിച്ചുവരവ് വീണ്ടും വൈകുന്നു. ലോകകപ്പില് പോര്ച്ചുഗല് പുറത്തായതിനെ തുടര്ന്ന് താരത്തിന് കൂടുതല് വിശ്രമം അനുവദിക്കാന് അല് നസ്ര് പരിശീലക സംഘം തീരുമാനിക്കുകയായിരുന്നു. അറബ് മാധ്യമങ്ങള് ഉള്പ്പടെ ഇക്കാര്യം റിപ്പോര്ട്ട് ചെയ്തിട്ടുണ്ട്.
സൗദി പ്രോ ലീഗില് അല് ഫത്തേയ്ക്കെതിരായ ആദ്യ മത്സരത്തിലും കിങ്സ് കപ്പില് അല് ദിരിയയ്ക്കെതിരായ പോരാട്ടത്തിലും റൊണാള്ഡോ കളിക്കില്ല. വരുന്ന ഓഗസ്റ്റ് 21-ന് അല് റിയാദിനെതിരെയുള്ള മത്സരത്തിലൂടെയാകും താരം വീണ്ടും മൈതാനത്തേക്ക് തിരിച്ചെത്തുക. ഇതിനിടെ, പങ്കാളി ജോര്ജീന റോഡ്രിഗസുമായുള്ള റൊണാള്ഡോയുടെ വിവാഹം ഉടന് നടക്കുമെന്ന തരത്തിലുള്ള വാര്ത്തകള് സമൂഹമാധ്യമങ്ങളില് വ്യാപകമായി പ്രചരിച്ചിരുന്നു. എന്നാല് റൊണാള്ഡോയുടെ കുടുംബത്തോട് അടുത്ത വൃത്തങ്ങളും സഹോദരി എല്മ അവെയ്റോയും ഈ അഭ്യൂഹങ്ങള് തള്ളിക്കളഞ്ഞു.
പോര്ച്ചുഗലിലെ മെദീരയിലുള്ള ഒരു പള്ളിക്ക് മുന്നില് വിവാഹം നടക്കുമെന്ന വാര്ത്തയെ തുടര്ന്ന് നൂറുകണക്കിന് ആളുകള് തടിച്ചുകൂടിയെങ്കിലും അത്തരം ചടങ്ങുകളൊന്നും നടന്നിട്ടില്ല. തങ്ങളുടെ വിവാഹത്തെക്കുറിച്ച് ഔദ്യോഗിക പ്രഖ്യാപനങ്ങളൊന്നും ഇതുവരെ വന്നിട്ടില്ലെന്നും നിലവില് അവധിയാഘോഷത്തിന്റെ ചിത്രങ്ങള് മാത്രമാണ് താരം പങ്കുവെക്കുന്നതെന്നും റിപ്പോര്ട്ടുകള് വ്യക്തമാക്കുന്നു.
