ചൈനയും പാകിസ്ഥാനും രംഗത്തിറങ്ങി!അമേരിക്കയും ഇറാനും യുദ്ധം നിർത്തുമോ?

മിഡിൽ ഈസ്റ്റിൽ ഇപ്പോൾ സംഭവിച്ചുകൊണ്ടിരിക്കുന്ന വളരെ നിർണായകമായ കാര്യങ്ങള്ണ്. ഇറാൻ-അമേരിക്കൻ പ്രശ്നം ഇപ്പോൾ എങ്ങോട്ടാണ് പോകുന്നത്? പലരും വാർത്തകൾ കാണുന്നുണ്ടാകും, പക്ഷേ ഇതിന് പിന്നിലുള്ള യഥാർത്ഥ രാഷ്ട്രീയം എന്താണെന്ന് ചോദിച്ചാൽ പലർക്കും ആശയക്കുഴപ്പമാണ്. സത്യത്തിൽ ഇവിടെ റഷ്യയുടെ നിലപാട് എന്താണ്? ചൈന എന്താണ് ചെയ്യുന്നത്? അമേരിക്കയും ഇസ്രായേലും ചേർന്ന് അടുത്ത ദിവസങ്ങളിൽ എന്തെങ്കിലും വലിയ നീക്കത്തിന് തയ്യാറെടുക്കുന്നുണ്ടോ? ന
ആദ്യം തന്നെ ലോകത്തിലെ വലിയ രണ്ട് വൻശക്തികളായ റഷ്യയുടെയും ചൈനയുടെയും കാര്യമെടുക്കാം. ഒറ്റനോട്ടത്തിൽ ഇവർ രണ്ടുപേരും അമേരിക്കയ്ക്ക് എതിരാണെന്ന് തോന്നുമെങ്കിലും, ഈ ഇറാൻ വിഷയത്തിൽ രണ്ടുപേരുടെയും സാമ്പത്തിക താല്പര്യങ്ങൾ തികച്ചും വ്യത്യസ്തമാണ്. റഷ്യയെ സംബന്ധിച്ച് നിലവിലെ സാഹചര്യത്തിൽ ഈ ഒരു യുദ്ധം അല്ലെങ്കിൽ സംഘർഷം മുന്നോട്ട് പോകുന്നത് സാമ്പത്തികമായി അവർക്ക് ഒരുതരത്തിൽ ഗുണം ചെയ്യുകയാണ്. കാരണം എന്താണെന്ന് അറിയാമോ? റഷ്യയ്ക്ക് അവരുടെ പെട്രോളിയവും ക്രൂഡ് ഓയിലും അന്താരാഷ്ട്ര വിപണിയിൽ മാക്സിമം വിറ്റഴിക്കണം. സ്വന്തമായി ഒരു യുദ്ധം നടത്തുന്നതുകൊണ്ട് തന്നെ അവർക്ക് മാക്സിമം ഫണ്ട് ആവശ്യമുണ്ട്. ഇറാന് ഈ സമയത്ത് റഷ്യ പിന്തുണ കൊടുക്കുന്നതിന്റെ പ്രധാന കാരണവും അതുതന്നെയാണ്.
എന്നാൽ നേരെ മറിച്ച് ചൈനയുടെ അവസ്ഥ എന്താണെന്ന് നോക്കാം. ചൈന എപ്പോഴും യുദ്ധത്തേക്കാൾ അവരുടെ കച്ചവടത്തിനും സാമ്പത്തിക ഭദ്രതയ്ക്കുമാണ് മുൻഗണന നൽകുന്നത്. വൻതോതിൽ ഇറാന്റെ എണ്ണ വാങ്ങുന്ന ഒരു രാജ്യമാണ് ചൈന. ഇപ്പോൾ ഈ മേഖലയിൽ യുദ്ധസമാനമായ അന്തരീക്ഷം നിലനിൽക്കുന്നതുകൊണ്ട് ചൈനയ്ക്ക് കൃത്യമായി എണ്ണ കിട്ടാത്ത ഒരു സാഹചര്യം വന്നിട്ടുണ്ട്. അത് മാത്രമല്ല, ലോകവ്യാപാരത്തിന്റെ ഏറ്റവും വലിയ വഴികളായ ഹോർമുസ് കടലിടുക്കിലൂടെയും ചെങ്കടലിലൂടെയുമുള്ള ഗതാഗതം തടസ്സപ്പെടുന്നത് ചൈനയുടെ കപ്പലുകളെയും അവരുടെ വൻകിട ബിസിനസ്സുകളെയും വലിയ രീതിയിൽ ബാധിച്ചിരിക്കുകയാണ്.
അതുകൊണ്ടുതന്നെ, എങ്ങനെയെങ്കിലും ഈ യുദ്ധം ഒന്ന് നിർത്തിക്കാനോ അല്ലെങ്കിൽ അമേരിക്കയും ഇറാനും തമ്മിൽ ഒരു ധാരണയിലെത്തിക്കാനോ ചൈന അണിയറയിൽ കഠിനമായി ശ്രമിക്കുന്നുണ്ട്. റോയറ്റേഴ്സ് പുറത്തുവിട്ട ഏറ്റവും പുതിയ റിപ്പോർട്ട് പ്രകാരം, വാഷിംഗ്ടണും ടെഹ്റാനും തമ്മിൽ ഇപ്പോൾ നിലച്ചിരിക്കുന്ന ഡിപ്ലോമാറ്റിക് ചർച്ചകൾ പുനരാരംഭിക്കാൻ പാകിസ്ഥാനെ ഒരു ഇടനിലക്കാരനാക്കാൻ ചൈന ശ്രമിക്കുന്നുണ്ട്. അതായത് ചൈനയുടെ വലിയൊരു സമ്മർദ്ദവും പ്രേരണയും കാരണമാണ് പാകിസ്ഥാൻ ഇപ്പോൾ ഇറാന്റെ ആഭ്യന്തര മന്ത്രാലയവുമായും നേതാക്കളുമായും ചർച്ചകൾക്ക് വഴിതുറക്കാൻ ശ്രമിക്കുന്നത്. ചൈനയ്ക്ക് തങ്ങളുടെ കച്ചവടവും സാമ്പത്തിക ഭദ്രതയും നിലനിർത്താൻ ഈ യുദ്ധം ഉടനടി നിൽക്കേണ്ടത് അത്യാവശ്യമാണ്.
ഇനി ഇതിന്റെ മറുഭാഗത്ത് അമേരിക്കയും ഇസ്രായേലും എന്താണ് പ്ലാൻ ചെയ്യുന്നത് എന്ന് നോക്കാം. പുറത്തുവരുന്ന സൂചനകൾ വെച്ച് നോക്കുകയാണെങ്കിൽ, വരുന്ന വാരാന്ത്യത്തോടെ (weekend) ഇറാനെതിരെ വളരെ ശക്തമായ രീതിയിലുള്ള സൈനിക നീക്കങ്ങൾ നടത്താനാണ് അവരുടെ പ്ലാനുകൾ. കഴിഞ്ഞ കുറച്ചു മാസങ്ങളായി ഇസ്രായേലിനെ മുൻനിർത്തിക്കൊണ്ട് ഇറാനെ എങ്ങനെ പ്രതിരോധത്തിലാക്കാം അല്ലെങ്കിൽ ഇറാനെ തകർക്കാം എന്ന ചിന്തയിലാണ് അമേരിക്ക മുന്നോട്ട് പോകുന്നത്. ട്രംപ് അടക്കമുള്ള നേതാക്കൾ ഡിപ്ലോമാറ്റിക്കലായി ഈ കാര്യത്തിൽ ഇടപെടുന്നുണ്ടോ അതോ സൈനിക നീക്കത്തിനാണോ മുൻഗണന നൽകുന്നത് എന്നതിൽ ഇപ്പോഴും വലിയ ചർച്ചകൾ നടക്കുന്നുണ്ട്.
പക്ഷേ ഇവിടെ ശ്രദ്ധിക്കേണ്ട മറ്റൊരു കാര്യമുണ്ട്. കഴിഞ്ഞ രണ്ടു ദിവസങ്ങളായി ഇറാഖിലേക്കും മറ്റ് മേഖലകളിലേക്കും അമേരിക്ക നടത്തിയിരുന്ന ആക്രമണങ്ങൾക്ക് ചെറിയൊരു അയവ് വന്നിട്ടുണ്ട്. അമേരിക്ക പെട്ടെന്ന് ശാന്തരായതാണോ? ഒരിക്കലുമല്ല! ഇതിന് പിന്നിൽ ഇറാൻ നൽകിയ കൃത്യമായ ഒരു മുന്നറിയിപ്പുണ്ട്. ഇറാൻ പരസ്യമായിത്തന്നെ അമേരിക്കയോട് പറഞ്ഞത്, ഇനി തങ്ങൾക്കെതിരെ ആക്രമണം ഉണ്ടായാൽ യുഎഇ, ഖത്തർ, സൗദി അറേബ്യ എന്നീ രാജ്യങ്ങളിലെ അമേരിക്കൻ താവളങ്ങളിലേക്കും അവരുടെ താല്പര്യങ്ങൾക്കുമെതിരെ ശക്തമായ തിരിച്ചടി ഉണ്ടാകും എന്നാണ്.
നിങ്ങൾ ആലോചിച്ചു നോക്കൂ, ഈ മൂന്ന് രാജ്യങ്ങൾ എന്ന് പറയുന്നത് അമേരിക്കയ്ക്ക് ഏറ്റവും വലിയ ബിസിനസ്സ് നിക്ഷേപങ്ങളുള്ള, അമേരിക്കയുടെ വിശ്വസ്തരായ രാജ്യങ്ങളാണ്. ഈ രാജ്യങ്ങളിലേക്ക് ഇറാന്റെ മിസൈലുകൾ വന്നു പതിച്ചാൽ അത് അമേരിക്കൻ സമ്പദ്‌വ്യവസ്ഥയ്ക്ക് ഉണ്ടാക്കുന്ന ആഘാതം വളരെ വലുതായിരിക്കും. അത് വളരെ വ്യക്തമായി അറിയാവുന്നത് കൊണ്ടാണ് അമേരിക്ക ഇപ്പോൾ ആക്രമണങ്ങളുടെ വ്യാപ്തി ഒരല്പം കുറച്ച് വെച്ചിരിക്കുന്നത്.
എന്നാൽ കാര്യങ്ങൾ ഇവിടെക്കൊന്നും തീരുന്നില്ല. ഇസ്രായേലും അമേരിക്കയും ഒന്നിച്ച് ഇറാനെ അടിക്കാൻ വലിയ പ്ലാനുകൾ തയാറാക്കുന്നുണ്ടെന്ന തരത്തിൽ ഹൈ അലേർട്ടുകൾ വന്നുകൊണ്ടിരിക്കുകയാണ്. ജർമ്മൻ എംബസി അവരുടെ പൗരന്മാരോട് ഇറാനിൽ നിന്ന് എത്രയും പെട്ടെന്ന് ഒഴിഞ്ഞുമാറാൻ ആവശ്യപ്പെട്ടു കഴിഞ്ഞു. കുവൈറ്റ്, ബഹ്റൈൻ തുടങ്ങിയ രാജ്യങ്ങളിൽ നിന്ന് ഇന്ത്യയിലേക്കുള്ള, പ്രത്യേകിച്ച് കോഴിക്കോട്ടേക്കുള്ള വിമാന സർവീസുകൾ പോലും തടസ്സപ്പെട്ടതായി ചില വാർത്തകൾ വരുന്നുണ്ട്. ഇസ്രായേലിന്റെ ബെൻ ഗുറിയൻ എയർപോർട്ട് അടക്കമുള്ള സംവിധാനങ്ങൾ സൈനിക നീക്കങ്ങൾക്കായി പൂർണ്ണമായും സജ്ജമാക്കി കഴിഞ്ഞു എന്നാണ് കേൾക്കുന്നത്.
അപ്പോ പിന്നെ ഇറാന്റെ നിലപാട് എന്താണ്? അവർ പേടിച്ച് പിന്മാറുമോ? ഒരിക്കലുമില്ല. ഇറാന്റെ വിദേശകാര്യ മന്ത്രി അബ്ബാസ് അറാഗ്ചി വളരെ വ്യക്തമായ ഭാഷയിൽത്തന്നെ കാര്യങ്ങൾ തുറന്നു പറഞ്ഞിട്ടുണ്ട്. “അമേരിക്കയുടെ ഭീഷണികൾക്കും സമ്മർദ്ദങ്ങൾക്കും മുമ്പിൽ ഇറാൻ ഒരിക്കലും തലകുനിക്കില്ല” എന്നാണ് അദ്ദേഹം മാധ്യമങ്ങളോട് പറഞ്ഞത്. ഉപരോധങ്ങളും ഭീഷണികളും കാണിച്ച് ഇറാന്റെ മേൽ ആധിപത്യം സ്ഥാപിക്കാമെന്ന് ആരും കരുതേണ്ടതില്ലെന്നും, സ്വന്തം ജനങ്ങളെയും ഹോർമുസ് കടലിടുക്കിലെ തങ്ങളുടെ താല്പര്യങ്ങളെയും സംരക്ഷിക്കാൻ ഇറാൻ ഏതറ്റം വരെയും പോകുമെന്നും അദ്ദേഹം ആവർത്തിച്ചു വ്യക്തമാക്കിയിട്ടുണ്ട്.
ഇതിന്റെ തെളിവെന്നോണം കഴിഞ്ഞ ദിവസങ്ങളിൽ മിഡിൽ ഈസ്റ്റിലെ ചില അമേരിക്കൻ താവളങ്ങൾക്ക് നേരെ ശക്തമായ തിരിച്ചടികൾ ഉണ്ടായിട്ടുണ്ട്. ജോർദാനിലും ഇറാഖിലെ എർബിലിലും ഐ.ആർ.ജി.സി (IRGC) നടത്തിയ ആക്രമണങ്ങളിൽ അമേരിക്കൻ സൈനികർക്ക് പരിക്കേറ്റതായും ജീവഹാനി സംഭവിച്ചതായും വാർത്തകളുണ്ട്. അതുപോലെ ബഹ്റൈനിലെ അമേരിക്കയുടെ അഞ്ചാം നാവിക വ്യൂഹത്തിന് (5th Fleet) നേരെയും ആക്രമണം ഉണ്ടായി. അത് കൂടാതെ ബഹ്റൈനിലെ ആമസോൺ സെർവറുകൾ തകർന്നതായും സൽമാബാദിലെ ഒരു പവർ സ്റ്റേഷന് കേടുപാടുകൾ സംഭവിച്ചതായും റിപ്പോർട്ടുകൾ വരുന്നുണ്ട്.