ബംഗാളിന്റെ മണ്ണിൽ ഇത്തവണ മാറ്റത്തിന്റെ കാറ്റ് വീശുമോ? അധികാരം പോയേക്കുമെന്ന പേടിയിൽ ഉറക്കം നഷ്ടപ്പെട്ട അവസ്ഥയിലാണോ മമത ബാനർജി? കഴിഞ്ഞ എത്രയോ വർഷങ്ങളായി ബംഗാളിൽ തങ്ങൾ കാണിച്ചുകൂട്ടിയ ഗുണ്ടായിസവും തിരിമറികളും ഇത്തവണ വോട്ടെണ്ണൽ മേശയിൽ നടക്കില്ലെന്ന് ഉറപ്പായതോടെ ദീദി ശരിക്കും വിറച്ചിരിക്കുകയാണ്. നരേന്ദ്ര മോദിയും അമിത് ഷായും ചേർന്ന് ഒരുക്കിയ ചാണക്യ തന്ത്രങ്ങൾക്ക് മുന്നിൽ തൃണമൂൽ കോൺഗ്രസ് അക്ഷരാർത്ഥത്തിൽ അസ്തമിക്കുകയാണോ? കേന്ദ്ര സർക്കാർ ജീവനക്കാർ വോട്ടെണ്ണിയാൽ താൻ തോറ്റുപോകാമെന്ന മമതയുടെ ആ ഒരു പേടി ഉണ്ടല്ലോ, അത് തന്നെയാണ് ബിജെപിയുടെ ഏറ്റവും വലിയ വിജയം. തിരഞ്ഞെടുപ്പിന് മുൻപ് വമ്പു പറഞ്ഞവർ ഇപ്പോൾ കോടതിയുടെ വരാന്തകളിൽ ഭയന്നോടുകയാണ്. എന്താണ് വോട്ടെണ്ണലിന് തൊട്ടുമുമ്പ് മമതയ്ക്ക് ഏറ്റ ആ കനത്ത പ്രഹരം? സുപ്രീം കോടതിയിൽ നടന്ന ആ നാടകീയ നീക്കങ്ങൾ എന്തൊക്കെയാണ്? നമുക്ക് നോക്കാം…”പശ്ചിമ ബംഗാളിൽ വോട്ടെണ്ണൽ കേന്ദ്രങ്ങളിൽ കേന്ദ്ര സർക്കാർ ജീവനക്കാരെയും പൊതുമേഖലാ സ്ഥാപനങ്ങളിലെ ഉദ്യോഗസ്ഥരെയും വിന്യസിക്കാനുള്ള തിരഞ്ഞെടുപ്പ് കമ്മീഷന്റെ തീരുമാനം വന്നതോടെയാണ് മമത ബാനർജിയുടെ സമനില തെറ്റിയത്. സാധാരണയായി ഇത്തരം കാര്യങ്ങളിൽ സംസ്ഥാന ഉദ്യോഗസ്ഥരെയാണ് ഉപയോഗിക്കാറുള്ളത്. എന്നാൽ ബംഗാളിലെ സാഹചര്യം നമുക്കറിയാം. അവിടെ സർക്കാർ ഉദ്യോഗസ്ഥരെ ഭീഷണിപ്പെടുത്തിയും സ്വാധീനിച്ചും വോട്ട് മറിക്കാൻ തൃണമൂലിന് വലിയ മടിയൊന്നുമില്ല. എന്നാൽ മോദിയും അമിത് ഷായും കൃത്യമായ പ്ലാനിംഗിലൂടെ ഈ പഴുതുകൾ അടച്ചു. വോട്ടെണ്ണൽ കേന്ദ്രങ്ങളിൽ കേന്ദ്ര ജീവനക്കാർ വന്നാൽ കൃത്രിമം കാണിക്കാൻ പറ്റില്ലെന്ന് ദീദിക്ക് നന്നായി അറിയാം. അതുകൊണ്ട് തന്നെയാണ് ഈ നീക്കത്തിനെതിരെ അവർ സുപ്രീം കോടതി വരെ ഓടിയത്.
അമിത് ഷാ എന്ന രാഷ്ട്രീയ ചാണക്യന്റെ ബുദ്ധി ഇവിടെയാണ് നാം കാണുന്നത്. ബംഗാളിലെ ഓരോ ചലനവും ഡൽഹിയിൽ ഇരുന്ന് അദ്ദേഹം നിരീക്ഷിക്കുന്നുണ്ടായിരുന്നു. സംസ്ഥാന സർക്കാർ ജീവനക്കാരെ മാത്രം വോട്ടെണ്ണൽ ഏൽപ്പിച്ചാൽ ഉണ്ടാകാവുന്ന അപകടം തിരിച്ചറിഞ്ഞ്, അവിടെ കേന്ദ്രത്തിന്റെ കണ്ണ് വേണമെന്ന് അദ്ദേഹം ഉറപ്പിച്ചു. ഈ തീരുമാനത്തെ ചോദ്യം ചെയ്ത് കോടതിയിൽ പോയ തൃണമൂലിന് കിട്ടിയത് എട്ടിന്റെ പണിയാണ്. വോട്ടെണ്ണലിനായി കേന്ദ്ര ജീവനക്കാരെ വെക്കുന്നത് നിയമവിരുദ്ധമല്ലെന്ന് സുപ്രീം കോടതി പച്ചയായി പറഞ്ഞു. ഇതോടെ മമതയുടെ പക്കലുണ്ടായിരുന്ന അവസാന അടവും പരാജയപ്പെട്ടു.
നരേന്ദ്ര മോദിയുടെ ഭരണത്തിന് കീഴിൽ ഇന്ത്യയിലെ തിരഞ്ഞെടുപ്പ് പ്രക്രിയ എത്രത്തോളം സുതാര്യമാണെന്ന് കോടതിയുടെ ഈ ഉത്തരവ് ഒരിക്കൽ കൂടി തെളിയിക്കുന്നു. “ഞങ്ങളെ എന്താ വിശ്വാസമില്ലേ” എന്ന് കോടതിയിൽ ചോദിച്ച മമതയോട്, വിശ്വാസത്തിന്റെ പ്രശ്നമല്ല സുതാര്യതയുടെ പ്രശ്നമാണെന്ന് കോടതി പറയാതെ പറഞ്ഞു. കേന്ദ്ര ജീവനക്കാർ വരുന്നതിനെ എന്തിനാണ് മമത ഇത്ര ഭയപ്പെടുന്നത്? കള്ളവോട്ട് ചെയ്യാൻ പറ്റില്ലെന്നതോ അതോ ബാലറ്റിൽ തിരിമറി നടത്താൻ ഉദ്യോഗസ്ഥരെ കിട്ടില്ലെന്നതോ? ഈ പേടിയിൽ തന്നെ മമതയുടെ തോൽവി എഴുതിച്ചേർക്കപ്പെട്ടിരിക്കുന്നു.
വാദം കേൾക്കുന്നതിനിടയിൽ തൃണമൂൽ അഭിഭാഷകൻ കപിൽ സിബൽ നടത്തിയ നീക്കങ്ങളും പാളിപ്പോയി. ആദ്യം കേന്ദ്ര ജീവനക്കാരേ വേണ്ടെന്ന് പറഞ്ഞവർ, കോടതിയുടെ കർക്കശ നിലപാട് കണ്ടപ്പോൾ പതുക്കെ മയപ്പെട്ടു. “ഓരോ ടേബിളിലും ഒരു സംസ്ഥാന സർക്കാർ ജീവനക്കാരനെയെങ്കിലും വയ്ക്കണം” എന്ന ദയനീയമായ അപേക്ഷയിലേക്കാണ് മമതയുടെ പാർട്ടി ഒടുവിൽ എത്തിയത്. പുലിയെപ്പോലെ ഗർജ്ജിച്ചവർ കോടതിക്ക് മുന്നിൽ പൂച്ചയെപ്പോലെ ഇരിക്കുന്നത് ബംഗാളിലെ ജനങ്ങൾ കാണുന്നുണ്ട്.
മോദി-ഷാ കൂട്ടുകെട്ട് ഒരുക്കുന്ന ഈ സുതാര്യമായ വോട്ടെണ്ണൽ പ്രക്രിയ മമതയുടെ അക്രമ രാഷ്ട്രീയത്തിനേറ്റ വലിയൊരു തിരിച്ചടിയാണ്. അർദ്ധസൈനിക വിഭാഗത്തെ ഉപയോഗിച്ച് വോട്ടെടുപ്പ് നടത്തിയതുപോലെ, നിഷ്പക്ഷരായ ഉദ്യോഗസ്ഥരെ ഉപയോഗിച്ച് വോട്ടെണ്ണലും നടത്തിയാൽ പശ്ചിമ ബംഗാളിൽ തൃണമൂലിന്റെ കഥ കഴിയുമെന്ന് ഉറപ്പാണ്. വോട്ടെണ്ണുന്നതിന് മുൻപേ കോടതിയിൽ തോറ്റ മമത ബാനർജിക്ക്, ജനവിധി വരുമ്പോൾ എന്ത് സംഭവിക്കുമെന്ന് കണ്ടുതന്നെ അറിയണം. ബിജെപിയുടെ ഈ തന്ത്രപരമായ നീക്കം ബംഗാൾ രാഷ്ട്രീയത്തിൽ വലിയൊരു മാറ്റത്തിനാകും വഴിതുറക്കുക.
മമതയ്ക്ക് കിട്ടിയത് എട്ടിന്റെ പണി
