ഹൃദ്യമായ കുടുംബമുഹൂർ തങ്ങളും , തില്ലർ രംഗങ്ങളുമൊക്കെ ഇഴുകിച്ചേർന്ന തുടക്കം സിനിമയുടെ ഒഫീഷ്യൽ ട്രയിലർ പ്രകാശനം ചെയ്തു.
ആശിർവ്വാദ് സിനിമാസിന്റെ ബാനറിൽ ആന്റെണി പെരുമ്പാവൂർ നിർമ്മിച്ച് ജൂഡ് ആന്റെണി സംവിധാനം ചെയ്യുന്ന ഈ ചിത്രം ആഗസ്റ്റ് ഏഴിന് പ്രദർശനത്തിനെത്തു അതിന്റെ ഭാഗമായിട്ടാണ് ട്രയിലർ പുറത്തുവിട്ടത്.
ആഗസ്റ്റ് മൂന്ന് ചൊവ്വാഴ്ച്ച കൊച്ചി ക്രൗൺ പ്ലാസാ ഹോട്ടലിൽ ചിത്രത്തിലെ അഭിനേതാക്കളും, അണിയറപ്രവർത്തകരും ചലച്ചിത്ര പ്രവർത്തകരും പങ്കെടുത്ത ചടങ്ങിലൂടെയാണ് ട്രയിലർ പ്രകാശനം നടത്തിയത്.
വിസ്മയാമോഹൻലാലിന്റെ അഭിനയരംഗത്തേക്കുള്ള ആദ്യ ചുവടുവയ്പ്പിലൂടെ പ്രേഷകരുടെ ഏറെ പ്രതീഷക്കു വക നൽകിയ ചിത്രമാണ് തുടക്കം.. ആ പ്രതീഷക്കു ഒട്ടും കോട്ടം തട്ടാത്ത വിധത്തിൽ തന്നെയാണ് ട്രയിലറിലെ രംഗങ്ങളിലൂടെ മനസ്സിലാക്കാൻ കഴിയുന്നത്.
ഒരു മലയോരഗ്രാമ ത്തിന്റെ പശ്ചാത്തലത്തിലൂടെ അവതരിപ്പിക്കുന്ന ഒരു സാധാരണ ചിത്രം. ഇതിന്റെ പിന്നിൽ ഒളിപ്പിച്ചിരിക്കുന്നതെന്താണന്ന് ഏഴാം തീയതി വരെ കാത്തിരിക്കാം.ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത് ആശിഷ് ജോ ആന്റെണിയാണ്. മോഹൻലാൽ നിർണ്ണായകമായ മറ്റൊരു കഥാപാത്രത്തെ അവതരിപ്പിക്കുന്നു.ഡോ. എമിൽ വിൻസൻ്റും ഡോ. അനീഷ ആന്റെണിയുമാണ് എക്സിക്കുട്ടീവ് പ്രൊഡ്യൂസേർസ് മേൽപ്പറഞ്ഞ അഭിനേതാക്കൾക്കു പുറമേ ,ദിനേശ് പ്രഭാകർ, ‘ജാഫർ ഇടുക്കി കോട്ടയം രമേഷ്, ജിബിൻ ഗോപിനാഥ്, ശിവദാസ് കണ്ണൂർ ,,ജയ്സ് ജോസ്,,ജയാക്കുറുപ്പ്, അശ്വിനി വിജയൻ, എന്നിവരും പ്രധാന താരങ്ങളാണ്.ലിനീഷ് നെല്ലിക്കൽ, ,അഖിൽ കൃഷ്ണ, ജൂഡ് .ആൻ്റണി ജോസഫ്, എന്നിവരാണ് തിരക്കഥ രചിച്ചിരിക്കുന്നത്.
സംഗീതം. ജെയ്ക്ക് ബിജോയ്സ്. ഛായാഗ്രഹണം ,- അഖിൽ ജോർജ്, , ജോമോൻ.ടി. ജോൺ, എഡിറ്റിംഗ്- ചമൻ ചാക്കോ. പ്രൊഡക്ഷൻ ഡിസൈൻ – സന്തോഷ് രാമൻ. മേക്കപ്പ് – ജിതേഷ് പൊയ്യ . കോസ്റ്റ്യം ഡിസൈൻ -അരുൺ മനോഹർ. ചീഫ് അസ്സോസ്സിയേറ്റ് ഡയറക്ടർ – സൈലക്സ്c ഏബ്രഹാം. ഫിനാൻസ് കൺട്രോളർ – മനോഹരൻ’ കെ. പയ്യന്നൂർ. പ്രൊഡക്ഷൻ എക്സിക്യൂട്ടീവ്സ് – വിനോദ് ശേഖർ, ശ്രീക്കുട്ടൻ. പ്രൊഡക്ഷൻ കൺട്രോളർ- ബിജു തോമസ്. വാഴൂർ ജോസ്.
