ലോകകപ്പ് ഫുട്ബോൾ ഫൈനൽ മത്സരത്തിന്റെ പശ്ചാത്തലത്തിൽ സ്കൂളുകൾക്ക് തിങ്കളാഴ്ച അവധി നൽകണമെന്ന ആവശ്യവുമായി യൂത്ത് കോൺഗ്രസ് രംഗത്ത്. ഞായറാഴ്ച അർദ്ധരാത്രിക്ക് ശേഷം ആരംഭിച്ച് പുലർച്ചെ വരെ നീളുന്ന മത്സരമായതിനാൽ, തിങ്കളാഴ്ച അവധി അനുവദിക്കണമെന്ന് ആവശ്യപ്പെട്ട് യൂത്ത് കോൺഗ്രസ് കോഴിക്കോട് പരപ്പിൽ മണ്ഡലം കമ്മിറ്റിയാണ് മുഖ്യമന്ത്രി വി.ഡി. സതീശന് നിവേദനം നൽകിയത്.
ലോകകപ്പ് ഫൈനൽ പ്രമാണിച്ച് വിദ്യാർത്ഥികൾ രാത്രി വൈകിയും ഉറക്കമൊഴിച്ചിരിക്കാൻ സാധ്യതയുണ്ടെന്നും കടുത്ത ശാരീരിക ക്ഷീണത്തോടെ തിങ്കളാഴ്ച ക്ലാസുകളിലെത്തിയാൽ കുട്ടികൾക്ക് പഠനത്തിൽ ശ്രദ്ധ കേന്ദ്രീകരിക്കാൻ കഴിയില്ലെന്നും നിവേദനത്തിൽ ചൂണ്ടിക്കാണിക്കുന്നു. കുട്ടികളുടെ ആരോഗ്യവും പഠന താല്പര്യവും മുൻനിർത്തി അവധി പ്രഖ്യാപിക്കണമെന്നാണ് ആവശ്യം. സംസ്ഥാന വ്യാപകമായി അവധി നൽകുന്ന കാര്യത്തിൽ സർക്കാരിന്റെ ഔദ്യോഗിക തീരുമാനം വന്നിട്ടില്ലെങ്കിലും, എറണാകുളം ജില്ലയിലെ പ്രമുഖ സ്കൂളുകൾ തിങ്കളാഴ്ച സ്വയം അവധി പ്രഖ്യാപിച്ചിട്ടുണ്ട്. പുലർച്ചെ വരെ ഉറക്കമൊഴിഞ്ഞ് കളി കാണുന്ന കുട്ടികളുടെ ക്ഷീണം കണക്കിലെടുത്തും അവരുടെ കായിക ആവേശത്തെ പ്രോത്സാഹിപ്പിച്ചുമാണ് സ്കൂൾ അധികൃതരുടെ ഈ വേറിട്ട തീരുമാനം. സ്കൂളുകളുടെ ഈ തീരുമാനത്തെ രക്ഷിതാക്കളും സ്വാഗതം ചെയ്തു.
